Jeremias 34:1

Ang Biblia 2011

Ang pulong nga midangat kang Jeremias gikan sa Ginoo sa diha nga si Nabucodonosor nga hari sa Babilonia ug ang tanan niyang mga sundalo ug ang tanang mga gingharian sa yuta ubos sa iyang pagmando ug ang tanang mga katawhan nakig-away batok sa Jerusalem ug sa tanang mga siyudad niini:

Cross References

Jeremias 1:15

Kay, tan-awa, ako magtawag sa tanang mga banay sa mga gingharian sa amihanan, nag-ingon ang Ginoo. Ug sila mangabot, ug ang matag usa magpahiluna sa iyang trono diha sa agianan sa mga ganghaan sa Jerusalem, batok sa tanang mga paril nga naglibot niini, ug batok sa tanang mga siyudad sa Juda.

Jeremias 21:2

“Pagpakisayod sa Ginoo alang kanamo kay si Nabucodonosor nga hari sa Babilonia nakiggubat batok kanamo; basin pa ug ang Ginoo maghimo kanamo sumala sa tanan niyang mga kahibulongang buhat ug magpasibog kaniya gikan kanamo.”

Jeremias 32:1

Ang pulong nga midangat kang Jeremias gikan sa Ginoo sa ikanapulo nga tuig ni Zedekias nga hari sa Juda, nga maoy ikanapulo ug walo nga tuig ni Nabucodonosor.

Jeremias 32:2

Niadtong panahona ang mga sundalo sa hari sa Babilonia naglibot sa Jerusalem ug si Jeremias nga propeta gibilanggo didto sa hawanan sa mga bantay didto sa balay sa hari sa Juda.

Jeremias 34:7

sa diha nga ang mga sundalo sa hari sa Babilonia nakig-away batok sa Jerusalem, ug batok sa tanang mga siyudad sa Juda nga nahibilin, sa Lakis ug sa Aseka, kay kini mao lamang ang mga kinutaan nga siyudad sa Juda nga nahibilin.

Daniel 4:1

Si Hari Nabucodonosor, alang sa tanang mga katawhan, mga nasod, ug mga pinulongan nga nagpuyo sa tibuok nga yuta: Ang kalinaw modagaya unta kaninyo!

Daniel 4:22

ikaw kini, O hari, mao ang mitubo ug nalig-on. Ang imong pagkagamhanan mitubo ug miabot sa langit ug ang imong paghari ngadto sa kinatumyan sa yuta.

Daniel 5:19

Ug tungod sa pagkabantogan nga iyang gihatag kaniya, ang tanang mga katawhan, mga nasod ug mga pinulongan nagkurog ug nangahadlok sa iyang atubangan. Ang buot niyang patyon iyang gipatay, ang buot niyang mabuhi iyang gibuhi, ang buot niyang bayawon iyang gibayaw, ug ang buot niyang ipaubos iyang gipaubos.