Jeremias 33:4

Ang Biblia 2011

Kay mao kini ang giingon sa Ginoo, ang Dios sa Israel, mahitungod sa mga balay niining siyudara, ug sa mga balay sa mga hari sa Juda, nga gilumpag aron sa paghimo ug panalipod batok sa mga pagsulong ug sa espada:

Cross References

Isaias 22:10

ug inyong giihap ang mga kabalayan sa Jerusalem, ug inyong gibungkag ang mga kabalayan aron sa paglig-on sa kuta.

Isaias 32:13

kay ang yuta sa akong katawhan matuboan ug mga tunok ug mga sampinit; alang sa tanang balay sa kalipay diha sa malipayon nga siyudad.

Isaias 32:14

Kay ang palasyo biyaan, ang siyudad nga adunay daghang nagpuyo talikdan; ang bungtod ug ang tore mahimong mga lungib hangtod sa kahangtoran, usa ka kalipay sa mga asno nga ihalas, usa ka sibsibanan sa panon sa karnero;

Jeremias 32:24

Tan-awa, ang mga bundo alang sa pagsulong miabot sa siyudad aron sa pagkuha niini, ug tungod sa espada ug sa gutom ug sa kamatay, ang siyudad gitugyan ngadto sa kamot sa mga Caldeanhon nga nakig-away batok niini. Ang imong gisulti nahitabo gayod, ug tan-awa, nakita nimo kini.

Jeremias 6:6

Kay mao kini ang giingon sa Ginoo sa mga panon: “Pamutla ninyo ang iyang mga kahoy; paghimo ug bundo alang sa pagsulong batok sa Jerusalem. Kini mao ang siyudad nga kinahanglang silotan; walay bisan unsa diha kaniya kondili pagpangdaogdaog.

Mga Pagbangotan 2:7

Ang Ginoo nagtamay sa iyang halaran, nagsalikway sa iyang balaang puluy-anan; iyang gitugyan ngadto sa kamot sa iyang kaaway ang mga paril sa iyang mga palasyo; adunay kagubot sulod sa balay sa Ginoo, sama sa adlaw sa gitakda nga kasaulogan.

Ezequiel 21:22

Sa iyang tuo nga kamot mao ang tagna alang sa Jerusalem, sa pagpahiluna sa mga troso nga igdudumbol, sa pagpabuka sa mga baba alang sa pagpatay, sa pagsinggit alang sa gubat, sa pagpahiluna ug mga troso nga igdudumbol sa mga kuta batok sa mga ganghaan, sa paghimo ug mga bundo ug pagtukod sa mga tore alang pagsulong.

Ezequiel 26:8

Pamatyon niya pinaagi sa espada ang imong mga anak nga babaye nga atua sa kaumahan, ug siya magbutang ug mga kuta batok kanimo ug magbuhat ug usa ka bungtod batok kanimo ug moisa sa mga taming batok kanimo.

Ezequiel 4:2

Pagbutang ug mga kahimanan sa pagsulong batok niini ug pagtapok ug usa ka bundo batok niini ug ipahamutang usab ang mga kampo batok niini ug paliboti kini ug mga troso nga iglulumpag.

Habacuc 1:10

Sa mga hari sila nagbugalbugal, ug sa mga pangulo sila nagkalingaw. Sila nagkatawa sa tanang mga kuta kay sila nagtapok ug yuta ug gikuha kini.

Deuteronomio 20:20

Ang mga kahoy lamang nga inyong nailhan nga dili kahoy alang sa pagkaon ang inyong laglagon ug pamutlon aron kamo makabuhat ug mga kahimanan sa pagsulong batok sa siyudad nga makig-away kaninyo, hangtod nga kini mapukan.