Jeremias 32:9

Ang Biblia 2011

“Ug gipalit nako ang uma sa Anatot gikan kang Hanamel nga akong ig-agaw ug gitimbang ang salapi ngadto kaniya, napulo ug pito ka siklo nga plata.

Cross References

Genesis 24:22

Sa diha nga nakahuman na ug pag-inom ang mga kamilyo, ang sulugoon mikuha ug usa ka ariyos nga bulawan nga nagtimbang ug tunga sa siklo ug duha ka pulseras alang sa iyang mga bukton nga nagtimbang ug napulo ka siklo nga bulawan.

Genesis 37:28

Unya may milabay nga mga tigpatigayon nga Medianhon ug gikuha ug gibitad nila si Jose gikan sa gahong ug ilang gibaligya si Jose ngadto sa mga Ismaelinhon, balig 20 ka buok plata. Ug ilang gidala si Jose ngadto sa Ehipto.

1 Mga Hari 20:39

Ug sa pag-agi sa hari, misinggit siya ngadto sa hari ug miingon, “Ang imong sulugoon miadto sa taliwala sa panggubatan, unya may usa ka sundalo mitipas ug nagdala ug usa ka tawo kanako ug miingon, ‘Bantayi kining tawhana, kon sa bisan unsang paagi siya mawala, ang imong kinabuhi ibaylo alang sa iyang kinabuhi, o dili ba ikaw magbayad ug usa ka talanton nga plata.’

Nehemias 5:15

Ang unang mga gobernador nga nag-una kanako naghatag ug bug-at nga mga palas-anon sa katawhan ug nagkuha sa pagkaon ug bino gikan kanila, gawas sa 40 ka siklo nga plata. Bisan ang ilang mga alagad nagharihari ibabaw sa katawhan apan ako wala magbuhat sa ingon tungod sa pagkahadlok nako sa Dios.

Ester 3:9

Kon kini makapahimuot sa hari, maghatag unta siya ug sugo nga pamatyon sila ug ako mobayad ug napulo ka libo ka talanton nga plata ngadto sa mga kamot nga maoy gitugyanan sa patigayon sa hari aron ila kining ibutang ngadto sa tipiganan sa bahandi sa hari.”

Exodo 21:32

Kon ang baka makasungay ug ulipon nga lalaki o babaye, ang tag-iya mohatag sa agalon niini ug 30 ka siklo nga plata ug batoon ang baka.

Isaias 55:2

Nganong maggasto man kamo sa inyong salapi alang sa dili pan, ug sa inyong hinagoan alang niadtong dili makatagbaw? Pamati kamo pag-ayo kanako, ug kaona unsay maayo, ug palipaya ang inyong kaugalingon diha sa katambok.

Ezequiel 4:10

Ug ang pagkaon nga imong kaonon timbangon, 20 ka siklo sa usa ka adlaw, sa gitakda nga mga panahon ikaw magkaon niini.

Oseas 3:2

Busa siya gipalit nako ug napulo ug lima ka siklo nga plata ug usa ka homer ug usa ka letek nga sebada.