Jeremias 32:8

Ang Biblia 2011

Unya si Hanamel nga akong ig-agaw miadto kanako sa hawanan sa mga bantay sumala sa pulong sa Ginoo, ug miingon kanako, ‘Palita ang akong uma nga anaa sa Anatot sa yuta ni Benjamin, kay ang katungod sa pagpanag-iya ug sa paglukat imoha; palita kini alang sa imong kaugalingon.’ Unya ako nahibalo nga kini mao ang pulong sa Ginoo.

Cross References

1 Mga Hari 2:26

Unya miingon ang hari kang Abiatar nga pari, “Lakaw ngadto sa Anatot sa imong yuta kay ikaw angay sa kamatayon. Apan ikaw dili nako patyon niining panahona kay ikaw nagdala sa sudlanan sa kasabotan sa Ginoong Dios sa atubangan ni David nga akong amahan, ug tungod kay ikaw nakig-ambit sa tanan nga kasakit sa akong amahan.”

1 Mga Hari 22:25

Ug si Micaias miingon, “Makita na unya nimo nianang adlawa, sa diha nga ikaw moadto sa kinasuloran nga lawak aron sa pagtago sa imong kaugalingon.”

1 Cronicas 6:60

Ug gikan sa banay ni Benjamin, ang Geba lakip ang mga sibsibanan niini, ang Alemet lakip ang mga sibsibanan niini ug ang Anatot lakip ang mga sibsibanan niini. Ang tanan nilang mga siyudad sa tibuok nilang banay napulo ug tulo.

Jeremias 1:1

Ang mga pulong ni Jeremias nga anak ni Hilkias, sa mga pari nga didto sa Anatot sa yuta ni Benjamin,

Jeremias 32:2

Niadtong panahona ang mga sundalo sa hari sa Babilonia naglibot sa Jerusalem ug si Jeremias nga propeta gibilanggo didto sa hawanan sa mga bantay didto sa balay sa hari sa Juda.

Jeremias 32:25

Apan ikaw, O Ginoong Dios, miingon kanako, “Palita ug salapi ang uma ug pagkuha ug mga saksi”—bisan ug ang siyudad gitugyan ngadto sa mga kamot sa mga Caldeanhon.’ ”

Jeremias 32:7

Si Hanamel nga anak ni Sallum nga imong uyoan moanhi kanimo, ug moingon, ‘Palita ang akong uma nga anaa sa Anatot, kay ang katungod sa paglukat pinaagi sa pagpalit imoha.’

Jeremias 33:1

Ang pulong sa Ginoo midangat kang Jeremias sa ikaduhang higayon samtang gibilanggo pa siya didto sa hawanan sa mga bantay,

Jeremias 37:12

si Jeremias migikan sa Jerusalem aron sa pag-adto sa yuta ni Benjamin aron sa pagdawat sa iyang bahin didto uban sa katawhan.

Ezequiel 12:7

Ug gibuhat nako kini sumala sa gisugo kanako. Akong gidala ang akong mga butang sa panahon nga adlaw, ingon nga usa ka dad-onon alang sa pagkagiw, ug sa pagkakilomkilom nagbuho ako sa paril pinaagi sa akong kamot. Gidala nako kini sa ngitngit, ug akong gipas-an diha sa ilang panan-aw.

Zacarias 11:11

Ug kini napapas niadtong adlawa, ug ang mga tigbaligya ug karnero nga nagbantay uban kanako, nahibalo nga kadto pulong sa Ginoo.

Juan 4:53

Ug ang amahan nahibalo nga mao kadto ang takna sa pag-ingon ni Jesus kaniya, “Ang imong anak mabuhi.” Ug mituo siya ug ang iyang tibuok nga panimalay.