Jeremias 32:5

Ang Biblia 2011

ug dad-on niya si Zedekias ngadto sa Babilonia ug didto magpabilin siya hangtod nga ako moduaw kaniya, nag-ingon ang Ginoo; bisan ug ikaw makig-away sa mga Caldeanhon dili ikaw molampos’?”

Cross References

2 Cronicas 13:12

Tan-awa, ang Dios maoy nangulo kanamo ug ang iyang mga pari uban ang mga trumpeta sa gubat aron sa pagpatingog sa tawag sa pagpakiggubat kaninyo. O mga anak sa Israel, ayaw pakig-away batok sa Ginoo, ang Dios sa inyong mga katigulangan, kay dili kamo magmauswagon.”

2 Cronicas 24:20

Unya ang Espiritu sa Dios mikunsad kang Zacarias nga anak ni Jehoiada nga pari ug siya mitindog ibabaw sa katawhan ug miingon kanila, “Kini mao ang giingon sa Dios, ‘Nganong naglapas man kamo sa mga sugo sa Ginoo, aron dili na hinuon kamo magmauswagon? Tungod kay inyong gibiyaan ang Ginoo, siya mibiya kaninyo.’ ”

Mga Panultihon 21:30

Walay kaalam, walay salabotan, walay tambag nga magpulos batok sa Ginoo.

Jeremias 2:37

Gikan usab didto ikaw mobiya nga ang imong mga kamot ibabaw sa imong ulo, kay ang Ginoo nagsalikway niadtong imong gisaligan ug dili ikaw mouswag pinaagi kanila.

Jeremias 27:22

Kini dad-on ngadto sa Babilonia, ug kini magpabilin didto, hangtod sa adlaw nga moadto ako niini, nag-ingon ang Ginoo. Unya dad-on nako kini pagbalik ug ibalik kini niining dapita.”

Jeremias 32:24

Tan-awa, ang mga bundo alang sa pagsulong miabot sa siyudad aron sa pagkuha niini, ug tungod sa espada ug sa gutom ug sa kamatay, ang siyudad gitugyan ngadto sa kamot sa mga Caldeanhon nga nakig-away batok niini. Ang imong gisulti nahitabo gayod, ug tan-awa, nakita nimo kini.

Jeremias 32:6

Si Jeremias miingon, “Ang pulong sa Ginoo, midangat kanako:

Jeremias 33:5

Ang mga Caldeanhon ania misulod aron sa pagpakig-away ug sa pagpuno kanila sa mga patayng lawas sa katawhan, nga akong pamatyon tungod sa akong kasuko ug sa akong kapungot, kay gitagoan nako ang akong nawong gikan niining siyudad tungod sa ilang pagkadaotan.

Jeremias 37:10

Kay bisan pa ug mabuntog ninyo ang tibuok nga kasundalohan sa mga Caldeanhon nga nakig-away batok kaninyo, ug adunay mahibilin lamang kanila nga mga samdan nga mga tawo, ang tanang tawo diha sa iyang tolda, sila mobangon ug sunogon kining siyudad sa kalayo.’ ”

Jeremias 39:4

Sa diha nga si Zedekias nga hari sa Juda ug ang tanang mga sundalo nakakita kanila, nanagan sila, nanggula sa siyudad sa pagkagabii agi sa tanaman sa hari latas sa ganghaan taliwala sa duha ka paril, ug mipadulong sila sa Araba.

Jeremias 39:5

Apan ang kasundalohan sa mga Caldeanhon migukod kanila ug naapsan si Zedekias didto sa kapatagan sa Jerico; ug sa diha nga nadakpan nila siya, gidala nila siya ngadto kang Nabucodonosor nga hari sa Babilonia didto sa Ribla, sa yuta sa Hamat, ug siya nagpakanaog ug hukom kaniya.

Jeremias 39:7

Iyang gilugit ang mga mata ni Zedekias, ug gigapos siya sa mga kadena, aron dad-on kini ngadto sa Babilonia.

Mga Pagbangotan 1:14

“Ang akong mga kalapasan nahigot ngadto sa yugo; pinaagi sa iyang kamot kini gidugtong; gibutang kini sa akong liog, iyang gipahuyang ang akong kusog; ang Ginoo mitugyan kanako ngadto sa mga kamot niadtong dili ako makasukol.

Ezequiel 12:12

Ug ang pangulo nga uban kanila magpas-an sa iyang dad-onon diha sa kangitngit ug molakaw. Siya magbuho sa paril aron mogawas agi niini. Siya magtabon sa iyang nawong, aron siya dili makakita sa yuta pinaagi sa iyang mga mata.

Ezequiel 12:13

Bukharon usab nako ibabaw kaniya ang akong pukot ug siya makuha sa akong lit-ag, ug dad-on nako siya sa Babilonia, ngadto sa yuta sa mga Caldeanhon, apan siya dili makakita niini, ug siya mamatay didto.

Ezequiel 17:15

Apan siya misukol kaniya pinaagi sa pagpadala sa iyang sinugo ngadto sa Ehipto aron sila mohatag kaniya ug mga kabayo ug daghang kasundalohan. Molampos ba siya? Makalingkawas ba ang tawo nga nagbuhat niining mga butanga? Makalapas ba siya sa kasabotan ug unya makalingkawas?

Numeros 14:41

Apan si Moises miingon, “Ngano nga naglapas man kamo sa sugo sa Ginoo? Apan dili kana mouswag.