Jeremias 32:3

Ang Biblia 2011

Kay si Zedekias nga hari sa Juda mibilanggo kaniya, nga nag-ingon, “Ngano nga nagpropesiya man ikaw ug nag-ingon, ‘Mao kini ang giingon sa Ginoo: Tan-awa, naghatag ako niining siyudara ngadto sa kamot sa hari sa Babilonia, ug kini kuhaon niya;

Cross References

2 Cronicas 28:22

Sa panahon sa iyang kalisod, misamot pa hinuon ang iyang pagkawalay pagtuo sa Ginoo, kining maong Hari Ahas.

Exodo 5:4

Apan ang hari sa Ehipto miingon kanila, “Moises ug Aaron, nganong inyo mang kuhaon ang katawhan gikan sa ilang buhat? Balik kamo sa inyong buhat.”

Jeremias 2:30

Kawang lamang ang akong paghampak sa inyong mga anak, wala nila dawata ang pagsaway; ang inyong kaugalingong espada maoy milamoy sa inyong mga propeta, sama sa usa ka manunukob nga liyon.

Jeremias 21:3

Unya si Jeremias miingon kanila,

Jeremias 27:8

“ ‘Apan kon adunay nasod o gingharian nga dili mag-alagad sa maong Nabucodonosor nga hari sa Babilonia, ug dili magpasangon sa ilang liog sa yugo sa hari sa Babilonia, akong silotan ang maong nasod pinaagi sa espada, pinaagi sa gutom ug pinaagi sa kamatay, nag-ingon ang Ginoo, hangtod nga mapuo nako sila pinaagi sa iyang kamot.

Jeremias 34:21

Ug si Zedekias nga hari sa Juda ug ang iyang mga pangulo akong ihatag ngadto sa kamot sa ilang mga kaaway ug ngadto sa kamot sa mga nagtinguha sa ilang mga kinabuhi, ug ngadto sa kamot sa kasundalohan sa hari sa Babilonia nga nanibog gikan kaninyo.

Jeremias 36:29

Ug mahitungod kang Jehoiakim nga hari sa Juda, ikaw mag-ingon, ‘Mao kini ang giingon sa Ginoo: Gisunog nimo kining linukot nga basahon nga nag-ingon, “Nganong gisulat nimo diha niini nga ang hari sa Babilonia moanhi gayod ug maglaglag niining yutaa ug magpuo sa tawo ug sa mananap gikan niini?”

Jeremias 37:4

Niadtong panahona, si Jeremias nagsulod-gula pa uban sa katawhan, kay wala pa man siya mabutang sa bilanggoan.

Jeremias 38:18

Apan kon dili ikaw moampo ngadto sa mga pangulo sa hari sa Babilonia, kining siyudad ihatag ngadto sa kamot sa mga Caldeanhon ug ila kining sunogon sa kalayo ug dili ikaw makaikyas gikan sa ilang kamot.”

Jeremias 38:3

Mao kini ang giingon sa Ginoo: Kining siyudad ihatag gayod ngadto sa kamot sa kasundalohan sa hari sa Babilonia ug makuha kini.”

Jeremias 38:4

Unya ang mga pangulo miingon sa hari, “Ipapatay kining tawhana kay siya nagpaluya sa mga kamot sa kasundalohan nga nahibilin niining siyudad, ug sa mga kamot sa tibuok katawhan pinaagi sa pagsulti niining mga pulong ngadto kanila. Kay kining tawhana wala mangita sa kaayohan niining katawhan, kondili sa ilang kadaot.”

Jeremias 38:8

si Ebedmelek migula sa balay sa hari ug miingon sa hari,

Jeremias 5:3

O Ginoo, wala ba magtan-aw sa kamatuoran ang imong mga mata? Ikaw naghampak kanila apan wala sila mobati ug kasubo; ikaw nag-ut-ot kanila apan sila nagdumili sa pagdawat sa pagsaway. Ilang gihimo nga ang ilang mga nawong gahi pa kay sa bato; nagdumili sila sa paghinulsol.

Mga Pagbangotan 1:14

“Ang akong mga kalapasan nahigot ngadto sa yugo; pinaagi sa iyang kamot kini gidugtong; gibutang kini sa akong liog, iyang gipahuyang ang akong kusog; ang Ginoo mitugyan kanako ngadto sa mga kamot niadtong dili ako makasukol.

Amos 7:13

apan ayaw na gayod pagpropesiya dinhi sa Betel kay kini mao ang balaan nga dapit sa hari ug kini mao ang templo nga harianon.”

Lucas 20:2

ug miingon kaniya, “Tug-ani kami, pinaagi sa unsang kagahom nga gibuhat nimo kining mga butanga o kinsa ang naghatag kanimo niining maong kagahom.”