Jeremias 32:25

Ang Biblia 2011

Apan ikaw, O Ginoong Dios, miingon kanako, “Palita ug salapi ang uma ug pagkuha ug mga saksi”—bisan ug ang siyudad gitugyan ngadto sa mga kamot sa mga Caldeanhon.’ ”

Cross References

Salmo 77:19

Ang imong dalan anaa sa dagat, ang imong mga agianan anaa sa dagkong katubigan; apan ang imong mga tunob wala makita.

Salmo 97:2

Mga panganod ug baga nga kangitngit naglibot kaniya; pagkamatarong ug hustisya mao ang patukoranan sa iyang trono.

Jeremias 24:10

Ug ako magpadala ug espada, gutom, ug kamatay ngadto kanila hangtod nga sila mangapuo gikan sa yuta nga gihatag nako kanila ug sa ilang mga katigulangan.”

Jeremias 32:15

Kay mao kini ang giingon sa Ginoo sa mga panon, ang Dios sa Israel: Ang mga balay ug kaumahan ug kaparasan mapalit pag-usab dinhi niining yutaa.’

Jeremias 32:24

Tan-awa, ang mga bundo alang sa pagsulong miabot sa siyudad aron sa pagkuha niini, ug tungod sa espada ug sa gutom ug sa kamatay, ang siyudad gitugyan ngadto sa kamot sa mga Caldeanhon nga nakig-away batok niini. Ang imong gisulti nahitabo gayod, ug tan-awa, nakita nimo kini.

Jeremias 32:26

Ang pulong sa Ginoo midangat kang Jeremias,

Jeremias 32:43

Ang kaumahan paliton dinhi niining yutaa, nga niini kamo nag-ingon, ‘Kini biniyaan, walay tawo o mananap. Kini gihatag ngadto sa kamot sa mga Caldeanhon.’

Jeremias 32:8

Unya si Hanamel nga akong ig-agaw miadto kanako sa hawanan sa mga bantay sumala sa pulong sa Ginoo, ug miingon kanako, ‘Palita ang akong uma nga anaa sa Anatot sa yuta ni Benjamin, kay ang katungod sa pagpanag-iya ug sa paglukat imoha; palita kini alang sa imong kaugalingon.’ Unya ako nahibalo nga kini mao ang pulong sa Ginoo.

Jeremias 34:17

Busa mao kini ang giingon sa Ginoo: Wala kamo motuman kanako pinaagi sa pagsangyaw sa kagawasan, ang matag usa ngadto sa iyang igsoon, ug sa iyang isigkatawo. Tan-awa, ako nagsangyaw kaninyo ug usa ka kagawasan ngadto sa espada, sa kamatay ug sa gutom, nag-ingon ang Ginoo. Himoon ko kamo nga kalisangan sa tanang mga gingharian sa yuta.

Juan 13:7

Si Jesus mitubag kaniya, “Ang akong gibuhat dili pa nimo masabtan karon, apan makasabot ra unya ikaw niini.”