Jeremias 32:21

Ang Biblia 2011

Imong gidala ang imong katawhan nga Israel gikan sa yuta sa Ehipto uban sa mga ilhanan ug sa mga kahibulongan, uban sa kusgan nga kamot ug sa tinuy-od nga bukton, ug sa dakong kalisang.

Cross References

2 Samuel 7:23

Unsa mang nasora sa kalibotan nga sama sa imong katawhan nga Israel nga giadto sa Dios aron lukaton aron mahimong iyang katawhan, naghimo kaniya ug usa ka ngalan, ug nagbuhat alang kanila ug dagko ug makalilisang nga mga butang pinaagi sa pag-abog sa atubangan sa iyang katawhan sa mga nasod ug sa ilang mga diosdios?

1 Mga Hari 8:42

kay sila nakadungog sa imong gamhanang ngalan ug sa imong gamhanang kamot ug sa imong tinuy-od nga bukton, sa diha nga siya moanhi ug mag-ampo nganhi niining balaya,

1 Cronicas 17:21

Unsa pa nga nasod sa kalibotan ang sama sa imong katawhan nga Israel nga giadto sa Dios, aron lukaton aron mahimong iyang katawhan, naghimo alang sa imong kaugalingon ug usa ka ngalan pinaagi sa dagko ug makalilisang nga mga butang, sa paghingilin sa mga nasod gikan sa atubangan sa imong katawhan nga imong gilukat gikan sa Ehipto?

Salmo 105:37

Unya gipagula niya ang Israel uban sa plata ug bulawan, ug sa iyang mga banay walay usa ka tawo nga luya.

Salmo 105:43

Busa iyang gipagula ang iyang katawhan uban sa kalipay, ang iyang mga pinili nga may pag-awit.

Exodo 13:14

Ug kon moabot ang panahon nga ang inyong anak mangutana kaninyo, ‘Unsa bay gipasabot niini?’ ingna siya, ‘Pinaagi sa kusog sa kamot, ang Ginoo nagkuha kanamo gikan sa Ehipto, gikan sa balay sa kaulipnan.

Exodo 13:9

Kini mahimo ingon nga sama sa usa ka ilhanan diha sa inyong kamot ug usa ka pahinumdom taliwala sa inyong mga mata, aron ang balaod sa Ginoo maana sa inyong baba. Kay tungod sa kusgan nga kamot gikuha kamo sa Ginoo gikan sa Ehipto.

Exodo 3:20

Busa tuy-oron nako ang akong kamot ug hampakon nako ang Ehipto pinaagi sa tanang mga katingalahan nga buhaton nako taliwala niini, ug human niana tugotan kamo niya sa paglakaw.

Exodo 6:1

Apan ang Ginoo miingon kang Moises, “Karon imong makita kon unsay buhaton nako sa Paraon kay pinaagi sa kamot nga kusgan motugot siya sa pagpalakaw kanila ug pinaagi sa kamot nga kusgan iyang abogon sila ngadto sa gawas sa iyang yuta.”

Exodo 6:6

Busa sultihi ang katawhan sa Israel nga ako mao ang Ginoo, ug ako magpagawas kaninyo gikan sa mga kabug-at nga gipapas-an sa mga Ehiptohanon ug luwason ko kamo gikan sa ilang pagpangulipon ug lukaton ko kamo uban sa bukton nga tinuy-od ug uban sa dagkong buhat sa paghukom.

Isaias 63:12

nga nagpaadto sa iyang mahimayaong bukton uban sa tuong kamot ni Moises, nga nagbahin sa katubigan sa ilang atubangan, aron sa paghimo alang sa iyang kaugalingon ug usa ka ngalan nga walay kataposan,

Deuteronomio 11:3

sa iyang mga ilhanan ug sa iyang mga buhat nga iyang gibuhat didto sa Ehipto, sa Paraon nga hari sa Ehipto ug sa tanan niyang yuta

Deuteronomio 26:8

Ug gikuha kami sa Ginoo gikan sa Ehipto pinaagi sa gamhanang kamot ug sa bukton nga tinuy-od uban sa makalilisang nga gahom, uban sa mga ilhanan ug mga katingalahan.

Deuteronomio 4:34

May dios ba nga misulay sa pag-adto ug sa pagkuha alang kaniya ug usa ka nasod gikan sa taliwala sa laing nasod, pinaagi sa mga pagsulay, pinaagi sa mga ilhanan, pinaagi sa mga katingalahan, ug pinaagi sa gubat, ug pinaagi sa gamhanang kamot ug sa bukton nga tinuy-od, ug pinaagi sa mga dagkong kakuyaw, sumala sa mga butang nga gibuhat kaninyo sa Ginoo nga inyong Dios didto sa Ehipto sa atubangan sa inyong mga mata?

Deuteronomio 7:19

ang dagkong mga pagsulay nga nakita sa inyong mga mata, ang mga ilhanan ug mga kahibulongan, ang gamhanang kamot ug ang bukton nga tinuy-od nga pinaagi niini gipagula kamo sa Ginoo nga inyong Dios, busa ingon niini ang buhaton sa Ginoo nga inyong Dios ngadto sa tanang mga katawhan nga inyong gikahadlokan.