Jeremias 32:2

Ang Biblia 2011

Niadtong panahona ang mga sundalo sa hari sa Babilonia naglibot sa Jerusalem ug si Jeremias nga propeta gibilanggo didto sa hawanan sa mga bantay didto sa balay sa hari sa Juda.

Cross References

2 Mga Hari 25:1

Sa ikanapulo nga adlaw, sa ikanapulo nga bulan sa ikasiyam nga tuig, si Nabucodonosor nga hari sa Babilonia misulong uban sa tanan niyang kasundalohan batok sa Jerusalem ug gilibotan kini; nagbuhat sila ug mga kahimanan sa pagsulong libot niini.

Nehemias 3:25

Si Palal nga anak ni Uzai maoy nag-ayo sa atbang sa Likoanan ug sa tore nga nagtindog gikan sa itaas sa balay duol sa hawanan sa bantay. Sunod kaniya si Pedaias nga anak ni Paros

Salmo 88:8

Gihimo nimo nga magpalayo kanako ang akong mga kaila, gihimo nimo ako nga kahadlokan nila. Nabilanggo ako ug dili makaikyas;

Jeremias 32:3

Kay si Zedekias nga hari sa Juda mibilanggo kaniya, nga nag-ingon, “Ngano nga nagpropesiya man ikaw ug nag-ingon, ‘Mao kini ang giingon sa Ginoo: Tan-awa, naghatag ako niining siyudara ngadto sa kamot sa hari sa Babilonia, ug kini kuhaon niya;

Jeremias 32:8

Unya si Hanamel nga akong ig-agaw miadto kanako sa hawanan sa mga bantay sumala sa pulong sa Ginoo, ug miingon kanako, ‘Palita ang akong uma nga anaa sa Anatot sa yuta ni Benjamin, kay ang katungod sa pagpanag-iya ug sa paglukat imoha; palita kini alang sa imong kaugalingon.’ Unya ako nahibalo nga kini mao ang pulong sa Ginoo.

Jeremias 33:1

Ang pulong sa Ginoo midangat kang Jeremias sa ikaduhang higayon samtang gibilanggo pa siya didto sa hawanan sa mga bantay,

Jeremias 34:1

Ang pulong nga midangat kang Jeremias gikan sa Ginoo sa diha nga si Nabucodonosor nga hari sa Babilonia ug ang tanan niyang mga sundalo ug ang tanang mga gingharian sa yuta ubos sa iyang pagmando ug ang tanang mga katawhan nakig-away batok sa Jerusalem ug sa tanang mga siyudad niini:

Jeremias 36:5

Ug si Jeremias misugo kang Baruk, nga nag-ingon, “Ako gibilanggo aron dili makaadto sa balay sa Ginoo;

Jeremias 37:15

Ug ang mga pangulo nangasuko kang Jeremias ug gibun-og nila siya ug gibilanggo didto sa balay ni Jonatan nga sekretaryo, kay gibuhat kini nga bilanggoan.

Jeremias 37:21

Busa si Hari Zedekias misugo, ug ilang gitugyan si Jeremias ngadto sa hawanan sa mga bantay; ug usa ka haon nga pan ang gihatag kaniya matag adlaw gikan sa dalan sa mga tigbuhat ug pan, hangtod nga ang tanang pan sa siyudad nahurot. Busa si Jeremias nagpabilin sa hawanan sa mga bantay.

Jeremias 37:4

Niadtong panahona, si Jeremias nagsulod-gula pa uban sa katawhan, kay wala pa man siya mabutang sa bilanggoan.

Jeremias 38:13

Busa gibira nila si Jeremias pinaagi sa mga pisi ug gipagawas nila gikan sa atabay. Ug si Jeremias mipabilin sa hawanan sa mga bantay.

Jeremias 38:6

Busa gikuha nila si Jeremias ug gitambog ngadto sa atabay ni Malkias nga anak sa hari, nga didto sa hawanan sa mga bantay, gitunton si Jeremias pinaagi sa mga pisi. Ug walay tubig sa atabay kondili lapok lamang, ug si Jeremias naunlod sa lapok.

Mateo 5:12

Pagmaya ug paglipay kamo kay dako ang inyong ganti didto sa langit, kay sa ingon niini gilutos sa mga tawo ang mga propeta nga nag-una kaninyo.