Jeremias 32:18

Ang Biblia 2011

nga nagpakita ug gugmang walay paglubad sa mga linibo apan nagsilot sa kasal-anan sa mga amahan ngadto sa ilang mga anak sunod kanila, O dako ug makagagahom nga Dios, nga ang ngalan mao si Yahweh sa mga panon,

Cross References

Genesis 49:24

Apan ang iyang pana nagpabilin nga wala matarog, ug ang iyang mga bukton naabtik pinaagi sa mga kamot niadtong Gamhanan ni Jacob, pinaagi sa ngalan sa Magbalantay, ang Bato ni Israel,

2 Mga Hari 9:26

‘Ingon nga nakita gayod nako kagahapon ang dugo ni Nabot ug ang dugo sa iyang mga anak nga lalaki, nag-ingon ang Ginoo, ako manimalos kanimo niining lunaa.’ Busa karon kuhaa ug ilabay siya ngadto sa yuta; sumala sa pulong sa Ginoo.”

Nehemias 1:5

Ug ako miingon, “O Ginoo nga Dios sa langit, ang dako ug makalilisang nga Dios nga nagtuman sa kasabotan ug sa gugmang walay paglubad ngadto kanila nga nahigugma kaniya ug nagtuman sa iyang mga sugo,

Salmo 50:1

Ang Gamhanan, ang Dios, ang Ginoo, nagsulti ug nagtawag sa yuta gikan sa pagsilang sa adlaw ngadto sa pagsalop niini.

Salmo 89:9

Ikaw ang nagmando sa kapintas sa dagat; sa diha nga ang mga balod niini misaka gipalinaw nimo kini.

Exodo 34:6

Ang Ginoo miagi sa iyang atubangan ug miingon, “Si Yahweh, si Yahweh, usa ka Dios nga maluluy-on, mapuangoron, hinay sa pagkasuko, puno sa gugmang walay paglubad ug pagkamatinumanon,

Exodo 34:7

nagpadayon sa gugmang walay paglubad ngadto sa mga linibo, nagpasaylo sa pagkadaotan ug sa pagkamalapason ug sa sala, apan dili magpalingkawas sa sad-an, nagsilot sa mga sala sa mga ginikanan diha sa mga anak ug sa mga anak sa mga anak ngadto sa ikatulo ug ikaupat nga kaliwatan.”

Isaias 10:21

May usa ka salin nga mobalik, ang salin ni Jacob, ngadto sa Dios nga makagagahom.

Isaias 57:15

Kay kini mao ang giingon sa taas ug sa Usa nga halangdon nga nagpuyo sa walay kataposan, nga ang ngalan Balaan: “Ako nagpuyo sa habog ug balaan nga dapit, ug uban usab kaniya nga may mahinulsolon ug mapaubsanon nga espiritu, aron sa pagpabuhi sa espiritu sa mapaubsanon, ug aron sa pagpabuhi sa kasingkasing sa mahinulsolon.

Isaias 9:6

Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”

Jeremias 10:16

Dili sama niini siya nga mao ang bahin ni Jacob, kay siya mao ang naghimo sa tanang mga butang, ug ang Israel mao ang banay sa iyang panulundon; si Yahweh sa mga panon mao ang iyang ngalan.

Jeremias 10:6

Walay si bisan kinsa nga sama kanimo, O Ginoo; bantogan ikaw, ug ang imong ngalan bantogan sa gahom.

Jeremias 20:11

Apan ang Ginoo nag-uban kanako sama sa usa ka kahadlokan nga manggugubat; busa ang mga naglutos kanako mapandol, dili sila makabuntog kanako. Sila maulawan pag-ayo, kay sila dili molampos. Ang ilang dayon nga kaulawan dili gayod makalimtan.

Jeremias 31:35

Mao kini ang giingon sa Ginoo, nga naghatag sa adlaw alang sa kahayag sa adlawan, ug sa natakda nga han-ay sa bulan ug sa mga bituon alang sa kahayag sa kagabhion, nga nagkutaw sa dagat aron modahunog ang mga balod niini— si Yahweh sa mga panon mao ang iyang ngalan,

Jeremias 33:2

“Mao kini ang giingon sa Ginoo, nga nagbuhat sa kalibotan, ang Ginoo nga nag-umol niini aron sa pagtukod niini, Yahweh ang iyang ngalan:

Jeremias 50:34

Ang ilang Manunubos kusgan, si Yahweh sa mga panon ang iyang ngalan. Siya maglaban gayod sa ilang katungod, aron siya makahatag ug pahulay ngadto sa yuta apan kasamok sa mga nagpuyo sa Babilonia.

Daniel 2:45

Ingon sa imong nakita nga ang bato gisapsap sa dili kamot sa tawo gikan sa usa ka bukid ug nga kini nagdugmok sa puthaw, sa bronsi, sa yutang kulonon, sa plata, ug sa bulawan. Ang gamhanan nga Dios nagpahibalo sa hari unsa ang mahitabo sa kaulahian. Ang damgo siguro gayod ug ang hubad niini dili kaduhaduhaan.”

Habacuc 1:12

Dili ba ikaw gikan man sa walay kataposan, O Ginoo nga akong Dios, ang akong Balaan? Dili kami mangamatay. O Ginoo, ikaw nagtudlo kanila alang sa paghukom; ug ikaw, O Bato, nagpabarog kanila alang sa pagpanton.

Numeros 14:18

‘Ang Ginoo hinay sa kasuko ug madagayaon sa gugmang walay paglubad, nagpasaylo sa kasal-anan ug sa kalapasan ug nga dili gayod magpakamatarong sa tawong sad-an, naghinumdom siya sa sala sa mga amahan diha sa mga anak, diha sa ikatulo ug diha sa ikaupat nga kaliwatan.’

Mateo 27:25

Ug ang tanang mga tawo mitubag nga nag-ingon, “Kami ug ang among mga anak maoy manubag sa iyang dugo.”

Lucas 6:38

Panghatag kamo ug kamo hatagan. Ang hustong takos, dinasok, tinantan ug nag-awas, ibutang ra unya diha sa inyong sabakan. Kay ang gidaghanon nga inyong ihatag mao usab unya ang gidaghanon nga inyong madawat.”

Deuteronomio 10:17

Kay ang Ginoo nga inyong Dios, Dios sa mga dios, ug Ginoo sa mga ginoo, ang dako, gamhanan ug makalilisang nga Dios nga walay pinalabi ug dili usab modawat ug suborno.

Deuteronomio 7:21

Ayaw kamo kahadlok kanila kay ang Ginoo nga inyong Dios anaa sa taliwala ninyo, ang Dios nga dako ug makalilisang.