Jeremias 30:13

Ang Biblia 2011

Walay si bisan kinsa nga magtagad sa imong katungod, walay tambal alang sa imong samad, walay pagkaayo alang kanimo.

Cross References

Job 34:29

Sa diha nga siya magpakahilom, kinsa man ang makahukom? Sa diha nga tagoan niya ang iyang nawong, kinsa man ang makasud-ong kaniya, nasod man kini o usa ka tawo?

Job 5:18

Kay siya magsamad apan iya kining bugkosan; siya maghampak apan ang iyang mga kamot maoy mag-ayo.

Salmo 106:23

Busa siya miingon nga laglagon niya sila— kon si Moises nga iyang pinili wala pa motindog sa atubangan niya aron sa pagpugong sa iyang kapungot, aron dili sila malaglag.

Salmo 142:4

Mitan-aw ako ngadto sa tuo ug nagbantay apan walay bisan kinsa nga nakamatikod kanako, walay dalangpanan nga nagpabilin kanako, walay bisan kinsa nga nagtagad kanako.

Exodo 15:26

Siya miingon, “Kon mamati gayod kamo pag-ayo sa tingog sa Ginoo nga inyong Dios ug magbuhat sa unsay matarong sa iyang mga mata, ug magpatalinghog sa iyang mga sugo ug magtuman sa tanan niyang mga lagda, walay bisan unsang sakit nga ipahamtang nako kaninyo nga akong gipahamtang sa mga Ehiptohanon kay ako mao ang Ginoo nga nag-ayo kaninyo.”

Isaias 1:6

Gikan sa lapalapa sa tiil bisan hangtod sa ulo, walay maayo diha niini, apan mga samad ug bun-og ug mga pangos; kini wala pa mapuga o mabugkosi o mahidhiri ug lana.

Isaias 59:16

Siya nakakita nga walay bisan usa, ug nahibulong nga walay nagpataliwala; busa ang iyang kaugalingon nga bukton nagdala ug kaluwasan kaniya, ug ang iyang pagkamatarong mao ang naglig-on kaniya.

Jeremias 14:19

Gisalikway ba gayod nimo ang Juda? Giayran ba sa imong kalag ang Zion? Nganong gisamaran man nimo kami, nga tungod niana walay kaayohan alang kanamo? Nangita kami ug kalinaw, apan walay maayo nga miabot; alang sa panahon sa pagkaayo, apan kalisang hinuon.

Jeremias 17:14

Ayoha ako, O Ginoo, ug ako mamaayo; luwasa ako, ug ako maluwas; kay ikaw mao ang akong pagdayeg.

Jeremias 30:17

Kay ibalik nako ang kalagsik nganha kanimo, ug ayohon nako ang imong mga samad, nag-ingon ang Ginoo, tungod kay sila nagtawag kanimo nga usa ka sinalikway: ‘Mao kini ang Zion, walay nagtagad kaniya!’

Jeremias 33:6

Dad-an nako kini ug maayong panglawas ug kaayohan sa sakit ug ayohon nako sila ug ipadayag kanila ang kadagaya sa pagkamauswagon ug kasigurohan.

Jeremias 46:11

Tungas ngadto sa Gilead ug pagkuha ug balsamo, O ulay nga anak sa Ehipto! Kawang lamang ang paggamit nimo ug daghang mga tambal; walay kaayohan alang kanimo.

Jeremias 6:7

Ingon nga bag-o kanunay ang tubig sa atabay, gibag-o usab niya kanunay ang iyang pagkadaotan; ang kabangis ug pagpanglaglag nabati diha kaniya; ang balatian ug mga samad anaa kanunay sa akong atubangan.

Jeremias 8:22

Wala bay tambal sa Gilead? Wala bay mananambal didto? Busa ngano man nga wala maulii sa maayong panglawas ang anak nga babaye sa akong katawhan?

Mga Pagbangotan 2:13

Unsay akong ikasulti kanimo, unsay ikatandi kanimo, O anak nga babaye sa Jerusalem? Unsa ba ang akong ikatandi kanimo aron ako makahupay kanimo, O anak nga ulay sa Zion? Kay dako sama sa dagat ang imong pagkalaglag; kinsay makaayo kanimo?

Ezequiel 22:30

Ug gipangita nako ang tawo sa ilang taliwala nga magtukod sa kuta ug motindog diha sa buho sa atubangan nako alang sa yuta, aron dili nako kini laglagon; apan ako walay nakaplagan.

Ezequiel 30:21

“Anak sa tawo, gibali nako ang bukton sa Paraon nga hari sa Ehipto; ug tan-awa, kini wala bugkosi, aron tambalan kini pinaagi sa pagbugkos ug bendahi aron malig-on unta kini alang sa pagkupot sa espada.

Oseas 14:4

Ayohon nako ang ilang pagkamaluibon; higugmaon nako sila sa walay sukod, kay ang akong kasuko mibiya kanila.

Oseas 6:1

Sila miingon, “Dali, mamalik kita ngadto sa Ginoo, kay gilaksi kita niya aron ayohon niya kita, gisamaran kita niya ug bugkosan niya kita.

Nahum 3:19

Walay makahupay sa imong kasakit, ang imong samad dako. Ang tanan nga nakabati sa balita mahitungod kanimo nagpakpak sa ilang mga kamot tungod kanimo. Kinsa bay wala maabti sa imong walay hunong nga pagkadaotan?

Deuteronomio 32:39

“ ‘Tan-awa ninyo, karon nga ako, bisan ako, mao siya, ug walay dios gawas kanako. Ako nagpatay ug ako nagbuhi; ako nagsamad ug ako nag-ayo; ug walay makalingkawas gikan sa akong kamot.

1 Pedro 2:24

Siya gayod mao ang midala sa atong mga sala diha sa iyang lawas ngadto sa kahoy, aron kita mamatay ngadto sa sala ug mabuhi ngadto sa pagkamatarong. Pinaagi sa iyang mga samad kamo nangaayo.

1 Juan 2:1

Akong mga anak, nagsulat ako kaninyo niining mga butanga aron kamo dili magpakasala. Apan kon may makasala man gayod, kita adunay Manlalaban nga mangatubang sa Amahan, si Jesu-Cristo, ang matarong.