Jeremias 30:12

Ang Biblia 2011

“Kay mao kini ang giingon sa Ginoo: Ang imong samad walay kaayohan ug ang imong samad hilabihan ka dako.

Cross References

2 Cronicas 36:16

Apan sila nagpadayon sa pagbugalbugal sa mga sinugo sa Dios ug gitamay ang iyang mga pulong ug nagbugalbugal sa iyang mga propeta hangtod nga ang kapungot sa Ginoo misilaob batok sa iyang katawhan, hangtod nga wala nay mahimo.

Jeremias 14:17

“Isulti kanila kining pulonga: ‘Paagasa ang mga luha sa akong mga mata sa adlaw ug gabii, ug ayaw kini pahunonga, kay ang ulay nga anak sa akong katawhan nasamdan sa usa ka dakong samad, sa hilabihan ka kusog nga hampak.

Jeremias 14:19

Gisalikway ba gayod nimo ang Juda? Giayran ba sa imong kalag ang Zion? Nganong gisamaran man nimo kami, nga tungod niana walay kaayohan alang kanamo? Nangita kami ug kalinaw, apan walay maayo nga miabot; alang sa panahon sa pagkaayo, apan kalisang hinuon.

Jeremias 15:18

Ngano ba nga ang akong kasakit walay paghunong, ang akong samad walay kaayohan, nagdumili sa pagkaayo? Mahimo ba ikaw alang kanako nga sama sa usa ka malimbongon nga sapa, sama sa katubigan nga mohubas?

Jeremias 30:15

Nganong nagtiyabaw ka man tungod sa imong samad? Ang imong kasakit walay kaayohan. Tungod kay dako ang imong kasal-anan, tungod kay ang imong mga sala hilabihan ka daghan, gibuhat ko kining mga butanga kanimo.

Jeremias 6:7

Ingon nga bag-o kanunay ang tubig sa atabay, gibag-o usab niya kanunay ang iyang pagkadaotan; ang kabangis ug pagpanglaglag nabati diha kaniya; ang balatian ug mga samad anaa kanunay sa akong atubangan.

Jeremias 8:22

Wala bay tambal sa Gilead? Wala bay mananambal didto? Busa ngano man nga wala maulii sa maayong panglawas ang anak nga babaye sa akong katawhan?

Mga Pagbangotan 2:13

Unsay akong ikasulti kanimo, unsay ikatandi kanimo, O anak nga babaye sa Jerusalem? Unsa ba ang akong ikatandi kanimo aron ako makahupay kanimo, O anak nga ulay sa Zion? Kay dako sama sa dagat ang imong pagkalaglag; kinsay makaayo kanimo?

Ezequiel 37:11

Unya siya miingon kanako, “Anak sa tawo, kining mga bukog mao ang tibuok nga balay sa Israel. Tan-awa, sila nag-ingon, ‘Ang among mga bukog nangauga, ug ang among paglaom nahanaw, kami gipahimulag sa hingpit.’

Oseas 5:13

Sa pagkakita sa Ephraim sa iyang sakit, ug sa Juda sa iyang samad, miadto ang Ephraim sa Asiria ug nagpadala ngadto sa gamhanang hari. Apan siya dili makahimo sa pag-ayo kaninyo, o sa pag-ayo sa inyong samad.

Miqueas 1:9

Kay ang iyang mga samad walay pagkaayo; ug kini miabot sa Juda, kini miabot ngadto sa ganghaan sa akong katawhan, hangtod sa Jerusalem.

Nahum 3:19

Walay makahupay sa imong kasakit, ang imong samad dako. Ang tanan nga nakabati sa balita mahitungod kanimo nagpakpak sa ilang mga kamot tungod kanimo. Kinsa bay wala maabti sa imong walay hunong nga pagkadaotan?