Jeremias 3:8

Ang Biblia 2011

Nakita niya nga alang sa tanang pagpanapaw niadtong maluibon nga Israel, gipalakaw ko siya uban sa sulat sa pakigbulag. Apan ang iyang malinglahong igsoon nga Juda wala mahadlok, hinuon siya usab miadto ug nagkighilawas.

Cross References

2 Cronicas 21:11

Dugang pa niana siya naghimo ug mga habog nga dapit didto sa kabukiran sa Juda ug nangulo siya sa mga nagpuyo sa Jerusalem ngadto sa pagkadili matinumanon ug gipahisalaag ang Juda.

Isaias 50:1

Mao kini ang giingon sa Ginoo, “Hain man ang sulat sa pakigbulag sa imong inahan, nga pinaagi niini siya akong gibiyaan? O kinsa sa akong mga gikautangan ang gibaligyaan nako kaninyo? Tan-awa, tungod sa inyong mga kasal-anan nabaligya kamo, ug tungod sa inyong mga paglapas gibiyaan ang inyong inahan.

Jeremias 2:19

Ang imong pagkadaotan maoy magpanton kanimo, ug ang imong pagbalik sa pagpakasala magbadlong kanimo. Hibaloi ug tan-awa nga daotan ug pait kini alang kanimo ang pagbiya nimo sa Ginoo nga imong Dios; ang pagkahadlok kanako wala diha kanimo, nag-ingon ang Ginoong Dios sa mga panon.

Jeremias 3:1

“Kon ang usa ka lalaki makigbulag sa iyang asawa ug kini mobiya kaniya ug mahimong asawa sa laing lalaki, mobalik ba siya niini? Dili ba kanang yutaa mahugaw pag-ayo? Ikaw nakighilawas uban sa daghang mga hinigugma; ug mobalik ba ikaw kanako? nag-ingon ang Ginoo.

Jeremias 33:24

“Wala ba ikaw makamatikod sa gisulti niining katawhan, ‘Ang Ginoo nagsalikway sa duha ka panimalay nga iyang gipili’? Sa ingon gitamay nila ang akong katawhan nga tungod niana dili na sila usa ka nasod sa ilang panan-aw.

Jeremias 5:7

“Unsaon nako sa pagpasaylo kanimo? Ang imong mga anak mitalikod kanako, ug nanumpa pinaagi niadtong dili mga dios. Sa diha nga gipakaon nako sila hangtod sa pagkabusog, sila nanapaw hinuon ug nagpanon ngadto sa mga balay sa mga babaye nga nagbaligya sa ilang dungog.

Ezequiel 16:46

Ug ang imong magulang nga babaye mao ang Samaria, nga nagpuyo uban sa iyang mga anak nga babaye dapit sa amihanan nimo. Ug ang imong manghod nga babaye nga nagpuyo dapit sa habagatan mao ang Sodoma uban sa iyang mga anak nga babaye.

Ezequiel 16:47

Bisan pa niana wala ikaw matagbaw sa pagsunod sa ilang mga pamaagi o sa pagbuhat sumala sa ilang mga dulumtanan. Sa mubo lamang nga panahon nahimo ikaw nga labaw pa ka ngil-ad kay kanila sa tanan nimong nga mga pamaagi.

Ezequiel 16:51

Ang Samaria wala makabuhat sa katunga sa imong mga sala. Ikaw makahimo ug daghang mga dulumtanan labaw kay kanila ug gihimo nimo ang imong mga igsoong babaye nga makita nga matarong pinaagi sa tanang mga dulumtanan nga imong nabuhat.

Ezequiel 23:44

Kay sila misulod ngadto kaniya sama nga ang mga tawo misulod ngadto sa usa ka babaye nga nagbaligya sa iyang dungog. Busa misulod sila ngadto kang Ohola ug ngadto kang Oholiba, mga law-ay nga mga babaye.

Ezequiel 23:9

Busa gitugyan nako siya ngadto sa kamot sa iyang mga hinigugma, ngadto sa kamot sa mga Asirianhon nga iyang gikabuangan.

Oseas 3:4

Kay ang mga anak sa Israel magpuyo sulod sa daghang mga adlaw nga walay hari o pangulo, walay halad o walay haligi nga halaran, walay ephod o mga larawan.

Deuteronomio 24:1

“Sa diha nga ang usa ka tawo magpili ug asawa ug mangasawa kaniya, unya kon kini wala makapahimuot kaniya tungod kay may nakaplagan siya nga dili maayo sa maong babaye, magsulat siya kaniya ug sulat sa pagpakigbulag ug ihatag niya kini sa iyang kamot ug papahawaon siya gikan sa iyang balay.

Deuteronomio 24:3

ug ang ikaduhang bana masilag kaniya ug magsulat kaniya ug sulat sa pagpakigbulag ug ihatag kini sa iyang kamot ug papahawaon niya siya sa iyang balay o kon mamatay ang ikaduhang bana nga mikuha kaniya aron maasawa siya,