Jeremias 3:25

Ang Biblia 2011

Manghigda kami sa among kaulawan, magpatabon kami sa among pagkatinamay, kay nakasala kami batok sa Ginoo nga among Dios, kami ug ang among mga katigulangan, gikan sa among pagkabatan-on bisan hangtod niining adlawa; ug kami wala magtuman sa tingog sa Ginoo nga among Dios.”

Cross References

Salmo 106:6

Kami ug ang among katigulangan nakasala; nagbuhat kami ug kasal-anan, nagbuhat sa kadaotan.

Salmo 106:7

Ang among katigulangan, sa dihang didto sila sa Ehipto, wala makasabot sa kahibulongan nimong mga buhat; wala sila mahinumdom sa kadagaya sa imong gugmang walay paglubad, kondili nagmasukihon batok sa Labing Halangdon, didto sa Dagat nga Pula.

Salmo 109:29

Magbisti unta ug kaulawan ang mga nakigbatok kanako; maputos unta sila sa ilang kaugalingong kaulaw sama sa usa ka kupo!

Mga Panultihon 13:18

Ang kakabos ug kaulawan modangat kaniya nga dili manumbaling ug pahimangno, apan siya nga manumbaling sa pagbadlong pasidunggan.

Mga Panultihon 5:13

Wala ako mamati sa tingog sa akong mga magtutudlo, o nagkiling sa akong igdulungog ngadto sa mga nagpahimangno kanako.

Isaias 48:8

Ikaw wala makadungog, ikaw wala mahibalo, gikan pa kaniadto ang imong dalunggan wala maablihi. Kay ako nasayod nga ikaw magbudhi gayod, ug gitawag nga usa ka masupilon gikan pa sa pagkahimugso.

Isaias 50:11

Tan-awa, kamong tanan nga naghaling ug kalayo, nga nagpasiga sa mga agipo! Lakaw kamo pinaagi sa kahayag sa inyong kalayo ug sa mga agipo nga inyong gihaling! Kini mabatonan ninyo gikan sa akong kamot: kamo manghigda diha sa kasub-anan.

Jeremias 11:13

Kay ang inyong mga dios nahimong sama kadaghan sa inyong mga siyudad, O Juda, ug sama kadaghan sa kadalanan sa Jerusalem ang mga halaran nga inyong gitukod ngadto sa kaulawan, mga halaran nga sunogan ug insenso alang kang Baal.

Jeremias 12:13

Sila nagpugas ug trigo apan nag-ani ug mga tunok, naghago sila sa ilang kaugalingon apan walay nakuha. Sila maulawan sa ilang mga abot, tungod sa bangis nga kasuko sa Ginoo.”

Jeremias 14:20

Among giila ang among pagkadaotan, O Ginoo, ug ang kasal-anan sa among mga katigulangan kay nakasala kami batok kanimo.

Jeremias 14:7

“Bisan ang among mga kasal-anan nagpamatuod batok kanamo, pagbuhat, O Ginoo, tungod ug alang sa imong ngalan; kay kami mibalik sa among naandan sa makadaghan, kami nakasala batok kanimo.

Jeremias 2:17

Wala ba ikaw magdala niini sa imong kaugalingon pinaagi sa pagbiya sa Ginoo nga imong Dios, sa diha nga siya nagmando kanimo diha sa dalan?

Jeremias 2:19

Ang imong pagkadaotan maoy magpanton kanimo, ug ang imong pagbalik sa pagpakasala magbadlong kanimo. Hibaloi ug tan-awa nga daotan ug pait kini alang kanimo ang pagbiya nimo sa Ginoo nga imong Dios; ang pagkahadlok kanako wala diha kanimo, nag-ingon ang Ginoong Dios sa mga panon.

Jeremias 2:2

“Lakaw ug isangyaw diha sa pangdungog sa Jerusalem, Mao kini ang gisulti sa Ginoo: Ako nahinumdom sa pagkamatinud-anon sa imong pagkabatan-on, ang imong gugma ingon nga pangasaw-onon, giunsa nimo sa pagsunod kanako didto sa kamingawan, sa yuta nga wala matamni.

Jeremias 2:26

“Ingon nga ang kawatan maulawan sa dihang madakpan, mao usab ang balay sa Israel maulawan: sila, ang ilang mga hari, ang ilang mga pangulo, ang ilang mga pari ug ang ilang mga propeta,

Jeremias 20:18

Ngano nga migula man ako gikan sa taguangkan aron sa pagtan-aw sa kabudlay ug sa kasubo, ug pagtapos sa akong mga adlaw diha sa kaulawan?

Jeremias 22:21

Misulti ako kanimo diha sa imong pagkamauswagon, apan ikaw nag-ingon, ‘Dili ako mamati.’ Kini mao ang imong pamaagi sukad sa imong pagkabatan-on nga wala ikaw magtuman sa akong tingog.

Jeremias 3:13

Angkona lamang ang imong kasal-anan, nga ikaw misupil batok sa Ginoo nga imong Dios, ug nagsabwag sa imong mga pagpahimuot ngadto sa mga langyaw ilalom sa matag lunhawng kahoy, ug wala nimo pamatia ang akong tingog, nag-ingon ang Ginoo.

Jeremias 31:19

Kay human ako mibiya, ako naghinulsol; ug human ako matudloi, akong gihampak ang akong paa; naulaw ako ug ako nalibog, tungod kay ako nag-antos sa kaulawan sa akong pagkabatan-on.’

Jeremias 6:26

O anak sa akong katawhan, pagsul-ob ug sako ug ligid sa abo; pagsubo nga daw alang sa bugtong anak, ang labing pait nga pagbangutan; kay sa kalit ang tiglaglag moanhi kanato.

Jeremias 7:19

Ako ba ang ilang gihagit sa pagkasuko? nag-ingon ang Ginoo. Dili ba ang ilang kaugalingon, ngadto sa ilang kaugalingong kalibog?

Jeremias 8:14

Nganong naglingkod kita nga hilom? Pagtigom kamo, ug manulod kita ngadto sa mga kinutaan nga siyudad ug mangamatay didto; kay ang Ginoo nga atong Dios nagsilot kanato aron mamatay, ug naghatag kanato ug tubig nga may hilo aron imnon, tungod kay kita nakasala batok sa Ginoo.

Jeremias 9:18

padalia sila ug paminataya alang kanamo, aron ang among mga mata makapaagas ug mga luha, ug ang among mga tabontabon mopabuhagay ug tubig.

Mga Pagbangotan 5:16

Ang purongpurong nahulog gikan sa among ulo; alaot kami, kay kami nakasala!

Mga Pagbangotan 5:7

Ang among mga amahan nakasala ug wala na, ug among giantos ang ilang kasal-anan

Ezequiel 2:3

Ug siya miingon kanako, “Anak sa tawo, ipadala ko ikaw ngadto sa katawhan sa Israel, ngadto sa nasod sa masupilon, nga misupil batok kanako, sila ug ilang mga katigulangan nakasala batok kanako hangtod niining adlawa.

Ezequiel 36:32

Dili tungod ug alang kaninyo nga gibuhat nako kini, nag-ingon ang Ginoong Dios, hibaloi kana ninyo. Pangaulaw ug pangalibog kamo tungod sa inyong mga pamaagi, O balay sa Israel.

Ezequiel 44:13

Kinahanglang dili sila moduol kanako, sa pag-alagad kanako ingon nga pari, o moduol sa bisan unsa sa akong balaang mga butang, sa mga butang nga labing balaan, apan pas-anon nila ang ilang kaulawan tungod sa mga dulumtanan nga ilang gihimo.

Ezequiel 7:18

Sila magtapis ug sako, ug ang kalisang motabon kanila. Ang kaulaw anaa sa tanang mga nawong, ang pagkaupaw anaa sa tanan nilang mga ulo.

Daniel 12:2

Ug daghan kanila nga nangatulog sa abog sa yuta ang makamata, ang uban ngadto sa walay kataposang kinabuhi ug ang uban ngadto sa kaulawan ug sa walay kataposang pagtamay.

Oseas 9:10

Sama sa mga paras diha sa kamingawan, akong nakaplagan ang Israel. Sama sa unang bunga sa kahoyong igera sa unang pagpamunga niini, nakita nako ang inyong mga katigulangan. Apan nangadto sila sa Baal-peor ug naghalad sa ilang kaugalingon ngadto sa kaulawan ug nangahimong dulumtanan sama niadtong ilang gihigugma.

Sofonias 1:17

Akong dad-on ang kasakitan diha sa mga tawo, aron sila maglakaw sama sa mga buta, tungod kay sila nakasala batok sa Ginoo; ang ilang dugo iyabo sama sa abog, ug ang ilang unod sama sa kinalibang.

Roma 6:21

Apan unsa may bunga nga naani ninyo gikan niadtong mga butang nga inyo nang gikaulaw karon? Ang sangpotan sa maong mga butang mao ang kamatayon.

Mga Maghuhukom 2:2

ug ayaw kamo paghimo ug kasabotan uban sa mga nagpuyo niining yutaa. Gub-a ang ilang mga halaran.’ Apan wala ninyo tumana ang akong sugo. Unsa man kining inyong gibuhat?