Jeremias 3:24

Ang Biblia 2011

“Apan gikan sa among pagkabatan-on ang butang nga makauulaw naglamoy sa tanan nga gihagoan sa among mga amahan, ang ilang mga panon sa karnero, ang ilang mga baka, ang ilang mga anak nga lalaki ug ang ilang mga anak nga babaye.

Cross References

Jeremias 11:13

Kay ang inyong mga dios nahimong sama kadaghan sa inyong mga siyudad, O Juda, ug sama kadaghan sa kadalanan sa Jerusalem ang mga halaran nga inyong gitukod ngadto sa kaulawan, mga halaran nga sunogan ug insenso alang kang Baal.

Jeremias 22:21

Misulti ako kanimo diha sa imong pagkamauswagon, apan ikaw nag-ingon, ‘Dili ako mamati.’ Kini mao ang imong pamaagi sukad sa imong pagkabatan-on nga wala ikaw magtuman sa akong tingog.

Jeremias 44:7

Ug karon mao kini ang giingon sa Ginoo sa mga panon, ang Dios sa Israel: Ngano man nga nagbuhat man kamo niining dakong kadaotan batok sa inyong kaugalingon sa pagpahimulag gikan kaninyo sa lalaki ug sa babaye, sa masuso ug sa bata, gikan sa kinataliwad-an sa Juda, nga wala magbilin kaninyo ug salin?

Jeremias 8:16

“Ang pangusmo sa ilang mga kabayo nadungog gikan sa Dan, sa pagbahihi sa ilang mga kabayo ang tibuok yuta mikurog. Sila miabot ug milamoy sa yuta ug sa tanan nga anaa niini, ang siyudad ug kadtong nagpuyo sa sulod niini.

Jeremias 9:18

padalia sila ug paminataya alang kanamo, aron ang among mga mata makapaagas ug mga luha, ug ang among mga tabontabon mopabuhagay ug tubig.

Ezequiel 16:19

Ang akong pan usab nga gihatag nako kanimo—ako mipakaon kanimo ug pinong harina ug lana ug dugos—kini gibutang nimo sa ilang atubangan ingon nga usa ka kahumot, ug nahimo kini, nag-ingon ang Ginoong Dios.

Ezequiel 16:20

Unya gikuha pa gayod nimo ang imong mga anak nga lalaki ug mga anak nga babaye, nga imong gipanganak alang kanako, ug kini imong gihalad kanila aron lamyon. Gamay ba lamang nga butang ang imong mga pagpakighilawas,

Ezequiel 16:61

Unya ikaw mahinumdom sa imong mga pamaagi, ug maulaw, sa diha nga ako modawat sa imong mga igsoong babaye, ang imong magulang ug ang imong manghod, ug ihatag nako sila kanimo ingon nga mga anak, apan dili tungod sa kasabotan uban kanimo.

Ezequiel 16:63

aron ikaw mahinumdom ug malibog, ug dili na gayod makabuka pag-usab sa imong baba tungod sa imong kaulaw, sa diha nga ako magpasaylo kanimo sa tanan nimong nabuhat, nag-ingon ang Ginoong Dios.”

Oseas 10:6

Ang mao gayod nga butang dad-on ngadto sa Asiria, ingon nga usa ka gasa alang sa gamhanang hari. Ang Ephraim maulawan ug ang Israel maulaw sa iyang diosdios.

Oseas 2:8

Siya wala mahibalo nga ako ang naghatag kaniya sa trigo, sa bino ug sa lana, ug nagsangkap kaniya sa plata ug bulawan nga ilang gigamit alang sa Baal.

Oseas 9:10

Sama sa mga paras diha sa kamingawan, akong nakaplagan ang Israel. Sama sa unang bunga sa kahoyong igera sa unang pagpamunga niini, nakita nako ang inyong mga katigulangan. Apan nangadto sila sa Baal-peor ug naghalad sa ilang kaugalingon ngadto sa kaulawan ug nangahimong dulumtanan sama niadtong ilang gihigugma.