Jeremias 3:2

Ang Biblia 2011

Iyahat ang imong mga mata ngadto sa mga hawan nga kahitas-an, ug tan-awa! Diin ba ikaw nga wala dulogi sa paghigda? Sa kadalanan ikaw milingkod nga nagpaabot sa mga hinigugma sama sa usa ka Arabo diha sa kamingawan. Imong gihugawan ang yuta pinaagi sa imong mga pagpakighilawas ug pagkadaotan.

Cross References

Genesis 38:14

gihubo niya ang iyang mga bisti sa pagkabiyuda, ug nagtabon siya ug usa ka pandong ug iyang giputos ang iyang nawong. Unya milingkod siya didto sa pultahan sa Enaim nga diha sa dalan sa Timna kay nakita niya nga dako na si Sela, ug siya wala ikahatag kang Sela ingon nga asawa niya.

1 Mga Hari 11:3

Ug aduna siyay pito ka gatos ka asawa nga mga princesa, ug tulo ka gatos ka mga puyopuyo, ug ang iyang mga asawa nakapasimang sa iyang kasingkasing.

2 Mga Hari 23:13

Gipasipalahan sa hari ang mga habog nga dapit nga diha sa silangan sa Jerusalem, dapit sa habagatan sa Bungtod sa Pagkadunot nga gitukod ni Solomon nga hari sa Israel alang kang Astarot nga dulumtanan nga iya sa mga Sidonhanon, ug alang kang Camos nga dulumtanan nga iya sa Moab ug alang kang Milcom nga dulumtanan nga iya sa mga Amonihanon.

Salmo 106:38

giula nila ang dugo sa walay sala, ang dugo sa ilang mga anak nga lalaki ug sa ilang mga anak nga babaye, nga gihalad nila ngadto sa mga diosdios sa Canaan; ug ang yuta nahugawan tungod sa dugo.

Mga Panultihon 23:28

Siya mag-atang sama sa usa ka kawatan, ug magpadaghan sa mga dili matinud-anon diha sa kalalakin-an.

Mga Panultihon 7:11

Siya sabaan ug sukihan, ang iyang mga tiil dili magpuyo sa iyang balay;

Jeremias 12:12

Diha sa tibuok hawan nga kabungtoran sa kamingawan, ang mga tiglaglag nangabot; kay ang espada sa Ginoo milamoy gikan sa usa ka tumoy sa yuta ngadto sa pikas sa yuta; walay usa nga adunay kalinaw.

Jeremias 2:20

“Kay sa kanhing panahon gibali nimo ang imong yugo ug gibugto ang imong mga gapos ug ikaw miingon, ‘Dili ako moalagad.’ Kay sa matag habog nga bungtod, ug ilalom sa matag lunhaw nga kahoy ikaw miyukbo sama sa usa ka babayeng nagbaligya sa iyang dungog.

Jeremias 2:23

Unsaon nimo sa pag-ingon, ‘Dili ako hugaw, wala ako mosunod sa mga Baal’? Tan-awa ang imong dalan diha sa walog; hibaloi ang imong nabuhat— usa ka tulin nga nating kamilyo nga naglubidlubid sa iyang mga tunob,

Jeremias 2:7

Ug gidala ko kamo ngadto sa usa ka mabungahon nga yuta, aron sa pagpahimulos sa bunga niini ug sa mga maayong butang niini. Apan sa dihang misulod kamo, inyong gihugawan ang akong yuta, ug gihimo ninyo ang akong panulundon nga usa ka dulumtanan.

Jeremias 3:1

“Kon ang usa ka lalaki makigbulag sa iyang asawa ug kini mobiya kaniya ug mahimong asawa sa laing lalaki, mobalik ba siya niini? Dili ba kanang yutaa mahugaw pag-ayo? Ikaw nakighilawas uban sa daghang mga hinigugma; ug mobalik ba ikaw kanako? nag-ingon ang Ginoo.

Jeremias 3:13

Angkona lamang ang imong kasal-anan, nga ikaw misupil batok sa Ginoo nga imong Dios, ug nagsabwag sa imong mga pagpahimuot ngadto sa mga langyaw ilalom sa matag lunhawng kahoy, ug wala nimo pamatia ang akong tingog, nag-ingon ang Ginoo.

Jeremias 3:21

Nadungog ang usa ka tingog sa kabungtoran, ang paghilak ug mga pangaliyupo sa mga anak sa Israel, tungod kay gipasukwahi nila ang ilang dalan, sila nalimot sa Ginoo nga ilang Dios.

Jeremias 3:9

Tungod kay ang pagkamakihilawason gaan lamang alang kaniya, iyang gihugawhugawan ang yuta, naghimo ug pagpanapaw uban sa bato ug sa kahoy.

Jeremias 7:29

Putli ang imong buhok ug isalibay kini; pagbangutan didto sa hawan nga kabungtoran kay ang Ginoo misalikway ug mibiya sa kaliwatan sa iyang kapungot.’

Ezequiel 16:16

Nagkuha ikaw ug pipila sa imong mga bisti, ug nagbuhat ikaw alang kanimo ug mga dinayandayanan nga alampoanan, ug diha niini ikaw nakighilawas. Ang sama niini wala mahitabo kaniadto o mahitabo pa.

Ezequiel 20:28

Kay sa diha nga gidala nako sila ngadto sa yuta nga akong gipanumpa nga ihatag kanila, sa diha nga sila nakakita ug habog nga bungtod o kahoy nga labong ug dahon, sila naghimo didto sa ilang mga paghalad, ug didto nagdulot sa ilang halad nga mahagiton. Didto gipautbo usab nila ang ilang humot nga halad ug didto gibubo ang ilang mga halad nga ilimnon.

Oseas 2:5

Kay ang ilang inahan makihilawason; siya nga nagsamkon kanila nagbuhat sa makauulaw. Kay siya nag-ingon, ‘Moapas ako sa akong mga hinigugma, nga naghatag kanako sa akong pan ug sa akong tubig, sa akong delana, ug sa akong lino ug sa akong lana ug sa akong ilimnon.’

Lucas 16:23

Ug didto sa Hades, sa nag-antos siya sa mga kasakit, giyahat niya ang iyang mga mata ug iyang nakita si Abraham didto sa layo ug si Lazaro diha sa iyang kiliran.

Deuteronomio 12:2

Gun-oba gayod ninyo ang tanang mga dapit diin ang mga nasod nga inyong ilogan nag-alagad sa ilang mga dios, sa ibabaw sa habog nga kabukiran, ug sa ibabaw sa kabungtoran, ug sa ilalom sa tanang kahoy nga lunhaw.