Jeremias 3:17

Ang Biblia 2011

Nianang panahona ang Jerusalem tawgon nga trono sa Ginoo, ug ang tanang mga nasod tigomon ngadto niini, ngadto sa atubangan sa Ginoo, sa Jerusalem, ug dili na sila magmapugsanon sa pagsunod sa ilang daotang kasingkasing.

Cross References

Genesis 8:21

Sa diha nga ang Ginoo nakapanimaho sa kahumot, ang Ginoo miingon diha sa iyang kasingkasing, “Dili na nako tunglohon pag-usab ang yuta tungod sa tawo, kay ang tuyo sa kasingkasing sa tawo daotan sukad sa iyang pagkabata, ug dili na nako laglagon pag-usab ang tanang butang nga buhi sama sa akong gihimo.

1 Mga Hari 8:41

“Sa mao usab nga paagi, kon ang usa ka langyaw nga dili gikan sa imong katawhan nga Israel moabot gikan sa layo nga nasod tungod sa imong ngalan,

Salmo 102:23

Iyang gipaluya ang akong kusog diha sa dalan; gipamubo niya ang akong mga adlaw.

Salmo 78:8

ug dili unta sila mahisama sa ilang mga katigulangan, usa ka sukihan ug masinupakon nga kaliwatan, usa ka kaliwatan nga ang kasingkasing dili mahimutang, nga ang espiritu wala magmatinumanon sa Dios.

Salmo 87:3

Mga butang nga mahimayaon ang gihisgotan mahitungod kanimo, O siyudad sa Dios. Selah

Isaias 26:8

Diha sa dalan sa imong mga paghukom, O Ginoo, kami naghulat kanimo; ang imong ngalan nga halandomon mao ang tinguha sa among kalag.

Isaias 56:6

“Ug ang mga langyaw nga miduol sa Ginoo, aron sa pag-alagad kaniya ug sa paghigugma sa ngalan sa Ginoo, ug mahimo nga iyang mga sulugoon, ang matag usa nga nagtuman sa adlaw nga igpapahulay ug wala magpasipala niini, ug naghupot gayod sa akong kasabotan—

Isaias 59:19

Tungod niini sila mahadlok sa ngalan sa Ginoo gikan sa kasadpan, ug sa iyang himaya gikan sa sidlakan; kay siya moanhi sama sa magbaha nga suba, nga gihuyop sa hangin sa Ginoo.

Isaias 6:1

Sa tuig nga namatay si hari Uzias, nakita nako ang Ginoo nga naglingkod sa usa ka trono, taas ug tinuboy; ug ang iyang mga bisti milukop sa Templo.

Isaias 66:1

Mao kini ang giingon sa Ginoo: “Ang langit mao ang akong trono, ug ang yuta mao ang akong tumbanan; unsang balaya ang inyong tukoron alang kanako, ug unsang dapita ang akong pahulayan?

Isaias 66:18

“Kay ako nasayod sa ilang mga buhat ug sa ilang mga hunahuna ug ako moabot aron sa pagtigom sa tanang mga nasod ug mga pinulongan; ug sila manganhi ug makakita sa akong himaya,

Isaias 66:20

Ug ilang dad-on ang tanan ninyo nga mga kaigsoonan gikan sa tanan nga mga nasod ingon nga usa ka halad ngadto sa Ginoo, diha sa mga kabayo ug sa mga karwahi ug sa mga inatopan nga sakyanan, ug sa mga mula, ug sa mga kamilyo, ngadto sa akong balaan nga bukid nga Jerusalem, nag-ingon ang Ginoo, sa diha nga ang mga Israelinhon maghatod sa ilang halad nga pagkaon diha sa usa ka hinlo nga sudlanan ngadto sa balay sa Ginoo.

Jeremias 11:8

Apan wala sila magtuman, o mopakiling sa ilang mga dalunggan, hinuon ang matag usa nagsunod sa kagahi sa daotan niyang kasingkasing. Busa gidala nako kanila ang tanang pulong niining kasabotan, nga akong gisugo kanila aron buhaton, apan kini wala nila buhata.”

Jeremias 12:15

Human nako sila maibot, kaluy-an na usab nako sila ug dad-on na usab nako ang matag usa kanila ngadto sa iyang panulundon ug ang matag usa ngadto sa iyang yuta.

Jeremias 12:16

Kon sila magkugi sa pagtuon sa mga pamaagi sa akong katawhan, sa pagpanumpa pinaagi sa akong ngalan, ‘Ingon nga ang Ginoo buhi,’ bisan ug ilang gitudloan ang akong katawhan sa pagpanumpa kang Baal, sila akong tukoron sa taliwala sa akong katawhan.

Jeremias 14:21

Ayaw intawon kami ayri, tungod ug alang sa imong ngalan; ayaw pakaulawi ang imong mahimayaong trono; hinumdomi ug ayaw pakyasa ang imong kasabotan uban kanamo.

Jeremias 16:12

ug tungod kay ngil-ad pa ang inyong nabuhat kay sa inyong mga katigulangan, kay kamong tanan nagsunod sa inyong gahi ug daotan nga kabubut-on, nagdumili sa pagpamati kanako;

Jeremias 16:19

O Ginoo, akong kalig-on, ug akong panalipod, akong dalangpanan panahon sa kalisdanan, nganha kanimo ang mga nasod moanha gikan sa mga kinatumyan sa yuta, ug moingon, “Ang among katigulangan walay napanunod kondili kabakakan, mga butang nga walay bili nga walay kapuslanan.

Jeremias 17:12

Ang usa ka mahimayaong trono nga gipahiluna sa itaas sukad sa sinugdan mao ang dapit sa atong balaang puluy-anan.

Jeremias 18:12

“Apan sila miingon, ‘Kawang lamang kana! Sundon namo ang among kaugalingong mga plano, ug ang matag usa kanamo magbuhat sumala sa kagahi sa iyang kasingkasing nga daotan.’

Jeremias 3:19

“ ‘Ako naghunahuna unsaon nako pagpahimutang kanimo uban sa akong sa mga anak, ug paghatag kanimo sa maayong yuta, usa ka labing matahom nga panulundon sa tanang mga nasod. Ug ako naghunahuna nga motawag ikaw kanako, Akong Amahan, ug dili mobiya sa pagsunod kanako.

Jeremias 31:23

Mao kini ang giingon sa Ginoo sa mga panon, ang Dios sa Israel: “Sila maggamit pag-usab niining pulonga sa yuta sa Juda ug sa mga siyudad niini, sa diha nga ibalik nako ang ilang maayong kahimtang: ‘Ang Ginoo magpanalangin kanimo, O puluy-anan sa pagkamatarong, O bukid nga balaan!’

Jeremias 33:9

Kining siyudara mahimo alang kanako nga usa ka ngalan sa kalipay, usa ka pagdayeg ug usa ka himaya sa atubangan sa tanang mga nasod sa yuta nga makadungog sa tanang kaayohan nga buhaton nako kanila. Sila mangahadlok ug mangurog tungod sa tanang kaayohan ug tanang kauswagan nga akong gihatag niini.

Jeremias 4:2

ug kon ikaw manumpa, ‘Ingon nga ang Ginoo buhi,’ diha sa kamatuoran, sa hustisya ug sa pagkamatarong, ang mga nasod magpanalangin sa ilang kaugalingon diha kaniya, ug diha kaniya sila magpasidungog.”

Jeremias 7:24

Apan sila wala mamati, o magkiling sa ilang mga dalunggan, kondili naglakaw sa ilang kaugalingong mga tambag ug sa kagahi sa daotan nilang kasingkasing, ug misibog ug wala mopadayon.

Jeremias 9:14

apan mapugsanon hinuon silang misunod sa ilang kasingkasing ug nagsunod sa mga Baal, ingon sa gitudlo kanila sa ilang mga katigulangan.

Ezequiel 1:26

Ug ibabaw sa atop-atop nga diha sa ibabaw sa ilang mga ulo dihay daw trono nga sama ug panagway sa usa ka bato nga sapiro, ug diha sa daw trono, dihay daw tawo nga naglingkod niini.

Ezequiel 43:7

ug siya miingon kanako, “Anak sa tawo, mao kini ang dapit sa akong trono, ug ang dapit sa mga lapalapa sa akong mga tiil, diin ako magpuyo sa taliwala sa mga anak sa Israel hangtod sa kahangtoran. Ug ang akong balaan nga ngalan dili na hugawan pa sa balay sa Israel, nila o sa ilang mga hari, pinaagi sa ilang pagkamakihilawason ug pinaagi sa mga patayng lawas sa ilang mga hari diha sa ilang mga habog nga dapit,

Ezequiel 48:35

Ang sukod libot sa siyudad 18,000 ka maniko. Ang ngalan sa siyudad sukad nianang adlawa, Ang Ginoo atua didto.”

Zacarias 2:11

Ug daghang mga nasod ang magtipon ngadto sa Ginoo nianang adlawa, ug mahimo nga akong katawhan, ug ako mopuyo sa taliwala nimo, ug ikaw makaila nga ang Ginoo sa mga panon maoy nagsugo kanako nganhi kanimo.

Zacarias 8:8

ug sila dad-on nako aron magpuyo taliwala sa Jerusalem ug sila mahimong akong katawhan, ug ako mahimong ilang Dios, diha sa pagkamatinumanon ug diha sa pagkamatarong.”

Numeros 15:39

Ug kini mahimo alang kaninyo nga usa ka borlas nga inyong tan-awon ug mahinumdom kamo sa tanang kasugoan sa Ginoo, aron buhaton kini ug aron nga dili kamo magtuman sa inyong kasingkasing ug sa inyong mga mata, nga maoy buot ninyong patuyangan.

Roma 1:21

kay bisan ug nahibalo sila sa Dios, wala nila siya pasidunggi ingon nga Dios o magpasalamat sila kaniya, hinuon ang ilang pangatarongan nahimong walay hinungdan ug gingitngitan ang ilang walay buot nga kasingkasing.

Roma 6:14

Kay ang sala dili maggahom diha kaninyo, tungod kay dili man kamo ilalom sa Balaod kondili ilalom sa grasya.

Mga Taga-Galacia 4:26

Apan ang Jerusalem nga anaa sa itaas gawasnon ug siya mao ang atong inahan.

Deuteronomio 29:29

“Ang mga butang nga tinago iya sa Ginoo nga atong Dios apan ang mga butang nga gipadayag ato ug sa atong mga anak hangtod sa kahangtoran aron atong tumanon ang tanang mga pulong niini nga Balaod.

Mga Maghuhukom 2:19

Apan sa diha nga ang maghuhukom namatay, sila mibalik ug nagbuhat ug labi pang ngil-ad kay sa ilang katigulangan, sa pagsunod sa ilang mga dios, sa pag-alagad kanila ug sa pagyukbo kanila. Sila wala mohunong sa ilang mga buhat o sa ilang pagkagahi.