Jeremias 3:16

Ang Biblia 2011

Ug sa diha nga kamo mosanay ug modaghan sa yuta, nianang mga adlawa, nag-ingon ang Ginoo, dili na sila moingon, “Ang sudlanan sa kasabotan sa Ginoo.” Dili kini moabot sa hunahuna o mahinumdomanan, o pangitaon; dili na kini buhaton pag-usab.

Cross References

Isaias 60:22

Ang labing ubos mahimong usa ka banay, ug ang labing gamay mahimo nga usa ka gamhanang nasod; ako mao ang Ginoo; diha sa panahon niini dalion nako kini.

Isaias 61:4

Ilang tukoron ang karaang mga guba, patindogon nila ang karaang mga nangalumpag; ayohon nila ang guba nga mga siyudad, ang mga nangagun-ob sa daghang mga kaliwatan.

Isaias 65:17

“Kay tan-awa, ako naghimo ug bag-ong kalangitan ug usa ka bag-ong yuta; ug ang unang mga butang dili na hinumdoman, o moabot pa sa hunahuna.

Jeremias 3:17

Nianang panahona ang Jerusalem tawgon nga trono sa Ginoo, ug ang tanang mga nasod tigomon ngadto niini, ngadto sa atubangan sa Ginoo, sa Jerusalem, ug dili na sila magmapugsanon sa pagsunod sa ilang daotang kasingkasing.

Jeremias 30:19

Gikan kanila mogula ang mga awit sa pagpasalamat, ug ang mga tingog niadtong naglipay. Padaghanon nako sila, ug dili sila mahimong diyotay; himoon nako sila nga dungganan, ug sila dili mahimong ubos.

Jeremias 31:27

“Tan-awa, ang mga adlaw nagsingabot, nag-ingon ang Ginoo, nga akong pugsan ang balay sa Israel ug ang balay sa Juda sa binhi sa tawo ug sa binhi sa mananap.

Jeremias 31:8

Tan-awa, dad-on nako sila gikan sa amihanan nga yuta, ug tigomon nako sila gikan sa kinalayoang mga bahin sa yuta, uban kanila ang buta ug ang bakol, ang babaye nga nagmabdos ug siya nga nagbati; usa ka dakong pundok, mobalik sila dinhi.

Jeremias 7:4

Ayaw kamo pagsalig niining bakakong mga pulong, ‘Mao kini ang Templo sa Ginoo, ang Templo sa Ginoo, ang Templo sa Ginoo.’

Ezequiel 15:5

Sa diha nga kini tibuok pa, kini wala nay kapuslanan, unsa pa kaha kon ang kalayo mag-upos na niini ug kini sunog na, magamit pa ba kini alang sa bisan unsa?

Ezequiel 37:26

Maghimo ako ug kasabotan sa pakigdait uban kanila. Kini mahimo nga usa ka kasabotan nga walay kataposan uban kanila, ug panalanginan nako sila ug padaghanon, ug ipahiluna nako ang akong balaan nga puluy-anan sa taliwala nila hangtod sa kahangtoran.

Amos 9:9

“Kay tan-awa, ako magsugo ug uyogon nako ang balay sa Israel taliwala sa tanang mga nasod sama sa usa ka tawo nga mag-uyog sa ayagan, apan walay bisan usa ka lugas nga matagak sa yuta.

Sofonias 3:11

Nianang adlawa ikaw dili ibutang sa kaulawan tungod sa tanang binuhatan nga pinaagi niini ikaw misupil kanako; kay unya akong kuhaon gikan sa imong taliwala ang imong mga tawo nga mapahitas-ong nagpalabilabi, ug ikaw dili na mapahitas-on diha sa akong bukid nga balaan.

Mateo 1:11

ug si Josias ang amahan nila ni Jeconias ug sa iyang mga igsoong lalaki, sa panahon sa pagkabihag ngadto sa Babilonia.

Mateo 3:9

ug ayaw kamo panghambog sa pag-ingon sa inyong kaugalingon, ‘Si Abraham mao ang among amahan’, kay sultihan ko kamo nga ang Dios makahimo sa pagpabarog ug mga anak alang kang Abraham gikan niining mga bato.