Jeremias 28:3

Ang Biblia 2011

Sulod sa duha ka tuig akong dad-on pagbalik nganhi niining dapita ang tanang mga kagamitan sa balay sa Ginoo, nga gikuha ni Nabucodonosor nga hari sa Babilonia gikan niining dapita, ug gidala ngadto sa Babilonia.

Cross References

Genesis 47:28

Ug si Jacob nagpuyo sa yuta sa Ehipto sulod sa napulo ug pito ka tuig, busa ang mga adlaw ni Jacob, ang mga tuig sa iyang kinabuhi, 147 ka tuig.

Genesis 47:9

Si Jacob mitubag sa Paraon, “Ang mga adlaw sa mga tuig sa akong pagpanaw, 130 ka tuig. Diyotay ug lisod ang mga adlaw sa mga tuig sa akong kinabuhi ug kini wala makaabot sa mga adlaw sa mga tuig sa akong katigulangan, sa mga adlaw sa ilang pagpanaw.”

2 Mga Hari 24:13

Ug iyang gidala gikan didto ang tanan nga mga bahandi sa balay sa Ginoo ug ang mga bahandi sa balay sa hari, ug gidugmok ang tanan nga mga sudlanan nga bulawan nga diha sa Templo sa Ginoo nga gibuhat ni Solomon nga hari sa Israel sumala sa gisulti nang daan sa Ginoo.

2 Cronicas 36:10

Sa tingpamulak niadtong tuiga, si Hari Nabucodonosor misugo, ug gidala siya ngadto sa Babilonia uban sa mga bililhong galamiton sa balay sa Ginoo, ug si Zedekias nga iyang igsoon gihimong hari sa Juda ug sa Jerusalem.

2 Cronicas 36:7

Si Nabucodonosor midala usab sa ubang mga kagamitan sa balay sa Ginoo ngadto sa Babilonia ug gibutang kini didto sa iyang balay sa Babilonia.

Salmo 90:10

Ang mga adlaw sa among kinabuhi 70 ka tuig, o tingali tungod sa kabaskog 80 ka tuig, bisan pa niana ang ilang gidugayon mao lamang ang kabudlay ug kasub-anan; kay kini matapos dayon ug kami manglupad.

Daniel 1:2

Ang Ginoo mitugyan kang Jehoiakim nga hari sa Juda ngadto sa iyang kamot uban ang pipila ka mga galamiton sa balay sa Dios, ug gidala niya sila ngadto sa yuta sa Sinar, sa balay sa iyang diosdios, ug gibutang ang mga galamiton diha sa tipiganan sa iyang diosdios.