Jeremias 28:11

Ang Biblia 2011

Ug si Ananias misulti sa atubangan sa tibuok katawhan, nga nag-ingon, “Mao kini ang giingon sa Ginoo: Sa ingon niini balion nako ang yugo ni Nabucodonosor nga hari sa Babilonia gikan sa liog sa tanang mga nasod sulod sa duha ka tuig.” Apan ang propeta nga si Jeremias mipadayon sa iyang panaw.

Cross References

1 Mga Hari 13:18

Ug siya miingon kaniya, “Ako usab usa ka propeta sama kanimo, ug usa ka anghel nagsulti kanako pinaagi sa pulong sa Ginoo, nga nag-ingon, ‘Dad-a siya pagbalik uban kanimo ngadto sa imong balay, aron siya makakaon ug pan ug makainom ug tubig.’ ” Apan namakak siya kaniya.

1 Mga Hari 22:6

Unya gitigom sa hari sa Israel ang mga propeta, mga upat ka gatos ka tawo, ug giingnan sila, “Moadto ba ako sa Ramot-gilead aron sa pagpakiggubat o pasagdan ba lamang nako kini?” Ug sila miingon, “Tungas kay ang Ginoo magtugyan niini ngadto sa kamot sa hari.”

2 Cronicas 18:10

Ug si Zedekias nga ang anak ni Kenaana naghimo alang kaniya ug mga sungay nga puthaw ug miingon, “Kini mao ang giingon sa Ginoo, ‘Pinaagi niini imong dasmagan ang mga Sirianhon hangtod nga sila mangalaglag.’ ”

Mga Panultihon 14:7

Palayo gikan sa buangbuang, kay diha kaniya ikaw walay makita nga mga pulong sa kahibalo.

Jeremias 14:14

Unya ang Ginoo miingon kanako, “Ang mga propeta nagpropesiya ug mga bakak sa akong ngalan. Wala ako magpadala kanila, o magsugo kanila, o magsulti kanila. Nagpropesiya sila kaninyo ug mga bakak nga panan-awon, walay pulos nga pagpanagna ug limbong sa ilang kaugalingong mga hunahuna.

Jeremias 23:17

Sila kanunayng nag-ingon ngadto sa mga nagtamay sa pulong sa Ginoo, ‘Maayo kini alang kaninyo,’ ug ngadto sa tanan nga hugot nga nagsunod sa kaugalingon niyang kasingkasing, sila miingon, ‘Walay kadaot nga modangat kaninyo.’ ”

Jeremias 28:15

Unya si Jeremias nga propeta miingon sa propeta nga si Ananias, “Pamati, Ananias, ang Ginoo wala magpadala kanimo ug imong gipasalig kining katawhan sa bakak.

Jeremias 29:9

kay bakak ang ilang gipropesiya nganha kaninyo pinaagi sa akong ngalan. Wala ako magpadala kanila, nag-ingon ang Ginoo.

Ezequiel 13:7

Wala ba kamo makakita sa bakak nga panan-awon ug magsulti ug bakak nga pagpropesiya, sa dihang kamo miingon, ‘Ang Ginoo nag-ingon,’ bisan pa ug wala ako magsulti?”