Jeremias 27:6

Ang Biblia 2011

Karon gihatag na nako kining tibuok nga yuta ngadto sa kamot ni Nabucodonosor nga hari sa Babilonia, nga akong alagad, ug gihatag usab nako kaniya ang mga mananap sa kapatagan aron sa pag-alagad kaniya.

Cross References

2 Mga Hari 25:28

Ug siya misulti nga maluluy-on kaniya ug gibutang ang iyang trono labaw sa trono sa mga hari nga diha uban kaniya sa Babilonia.

2 Cronicas 36:23

“Mao kini ang gisulti ni Ciro nga hari sa Persia, ‘Ang Ginoo, ang Dios sa langit, naghatag kanako sa tanan nga gingharian sa yuta ug iya akong gisugo sa pagtukod alang kaniya ug usa ka balay didto sa Jerusalem nga anaa sa Juda. Si bisan kinsa nga anaa uban kaninyo sa tanan niyang katawhan, ang Ginoo nga iyang Dios mag-uban unta kaniya! Paadtoa siya.’ ”

Isaias 44:28

nga nag-ingon mahitungod kang Ciro, ‘Siya mao ang akong tigbantay sa karnero, ug siya magbuhat sa tanan nakong katuyoan,’ nag-ingon mahitungod sa Jerusalem, ‘Siya tukoron,’ ug mahitungod sa templo, ‘Ang imong patukoranan ipahiluna.’ ”

Jeremias 21:7

Human niini, nag-ingon ang Ginoo, akong itugyan si Zedekias nga hari sa Juda ug ang iyang mga alagad, ug ang katawhan niining siyudad nga nahibilin gikan sa kamatay, sa espada ug sa gutom, ngadto sa kamot ni Nabucodonosor nga hari sa Babilonia ug ngadto sa kamot sa ilang nga kaaway ug ngadto sa kamot sa mga nagtinguha sa ilang kinabuhi. Siya magtigbas kanila pinaagi sa sulab sa espada, siya dili maluoy kanila, o magsaylo kanila o magbaton ug kahangawa kanila.’

Jeremias 22:25

ug ihatag ko ikaw ngadto sa kamot niadtong nagtinguha sa imong kinabuhi, ngadto sa kamot niadtong imong gikahadlokan, bisan ngadto sa kamot ni Nabucodonosor nga hari sa Babilonia ug ngadto sa kamot sa mga Caldeanhon.

Jeremias 24:1

Human bihaga ni Nabucodonosor nga hari sa Babilonia si Jeconias nga anak ni Jehoiakim, hari sa Juda gikan sa Jerusalem lakip ang mga pangulo sa Juda, ang mga batid sa pagpamuhat ug ang mga tigsalsal, ug gidala sila ngadto sa Babilonia, ang Ginoo nagpakita kanako niini nga panan-awon: Dihay duha ka bukag nga igos nga gibutang sa atubangan sa Templo sa Ginoo.

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 28:14

Kay mao kini ang giingon sa Ginoo sa mga panon, ang Dios sa Israel: Ako nagbutang ug usa ka yugo nga puthaw sa liog niining tanang mga nasod, aron sila mag-alagad kang Nabucodonosor nga hari sa Babilonia ug sila mag-alagad kaniya, ug gihatag usab nako kaniya ang mga mananap sa kapatagan.’ ”

Jeremias 43:10

ug ingna sila, ‘Mao kini ang giingon sa Ginoo sa mga panon, ang Dios sa Israel: Ako magpadala ug magkuha kang Nabucodonosor nga hari sa Babilonia nga akong alagad. Ipahimutang niya ang iyang trono ibabaw niining mga bato nga akong gitagoan ug siya magbukhad sa harianon niyang puluy-anan ibabaw kanila.

Jeremias 49:30

Palayo kamo, kagiw kamo ngadto sa layo, pamuyo kamo sa mga kahiladman, O mga lumulupyo sa Hasor! nag-ingon ang Ginoo. Kay si Nabucodonosor nga hari sa Babilonia naglaraw batok kaninyo ug adunay tuyo batok kaninyo.

Ezequiel 29:12

Ug ang yuta sa Ehipto himoon nako nga usa ka biniyaan taliwala sa mga yuta nga biniyaan ug ang iyang mga siyudad mahimong biniyaan sulod sa 40 ka tuig uban sa mga siyudad nga nangahimong awaaw. Akong patibulaagon ang mga Ehiptohanon taliwala sa mga nasod ug katagon nako sila ngadto sa kayutaan.

Ezequiel 30:24

Ug akong lig-onon ang mga bukton sa hari sa Babilonia ug ipabitbit ang akong espada sa iyang kamot apan akong balion ang mga bukton sa Paraon ug siya mag-agulo sa iyang atubangan sama sa usa ka tawo nga may samad nga makamatay.

Daniel 4:12

Ang mga dahon niini matahom ug daghan ang mga bunga niini, ug diha niini ang pagkaon alang sa tanan. Ang mga mananap sa kapatagan nakapasilong sa ilalom niini, ug ang mga langgam sa kalangitan nagpuyo sa mga sanga niini, ug ang tanang unod gipakaon gikan niini.

Daniel 4:22

ikaw kini, O hari, mao ang mitubo ug nalig-on. Ang imong pagkagamhanan mitubo ug miabot sa langit ug ang imong paghari ngadto sa kinatumyan sa yuta.