Jeremias 27:22

Ang Biblia 2011

Kini dad-on ngadto sa Babilonia, ug kini magpabilin didto, hangtod sa adlaw nga moadto ako niini, nag-ingon ang Ginoo. Unya dad-on nako kini pagbalik ug ibalik kini niining dapita.”

Cross References

2 Mga Hari 25:13

Ug ang mga haligi nga bronsi nga diha sa balay sa Ginoo ug ang mga tungtonganan ug ang bronsi nga tangke nga diha sa balay sa Ginoo gidugmok sa mga Caldeanhon ug gidala ang mga bronsi niini ngadto sa Babilonia.

2 Cronicas 36:21

aron sa pagtuman sa pulong sa Ginoo pinaagi sa baba ni Jeremias, hangtod nga ang yuta makapahimulos sa iyang mga adlaw nga igpapahulay. Sa tanang mga adlaw nga kini magpabilin nga biniyaan, kini nagtuman sa adlaw nga igpapahulay, sa pagtuman sa 70 ka tuig.

Esdras 1:11

Ang tanang kagamitan nga bulawan ug plata 5,400. Kining tanan gidala ni Sesbasar sa diha nga ang mga binihag gidala gikan sa Babilonia ngadto sa Jerusalem.

Esdras 7:19

Ang mga kagamitan nga gihatag kanimo alang sa pag-alagad sa balay sa Dios, imong ihatag sa atubangan sa Dios sa Jerusalem.

Esdras 7:9

Kay sa unang adlaw sa unang bulan misugod siya sa pagtungas gikan sa Babilonia ug sa unang adlaw sa ikalima nga bulan miabot siya sa Jerusalem kay ang maayong kamot sa iyang Dios diha kaniya.

Mga Panultihon 21:30

Walay kaalam, walay salabotan, walay tambag nga magpulos batok sa Ginoo.

Jeremias 20:5

Dugang pa, akong ihatag ang tanang bahandi niining siyudad, ang tanang ganansiya niini, ang tanang mga bililhon nga butang niini ug ang tanang mga bahandi sa mga hari sa Juda ngadto sa mga kamot sa ilang mga kaaway nga manglungkab kanila ug modakop kanila ug magdala kanila ngadto sa Babilonia.

Jeremias 27:21

Mao kini ang giingon sa Ginoo sa mga panon, ang Dios sa Israel, mahitungod sa mga kagamitan nga nahibilin diha sa balay sa Ginoo, sa balay sa hari sa Juda, ug sa Jerusalem:

Jeremias 27:7

Ang tanang mga nasod mag-alagad kaniya ug sa iyang anak, ug sa anak sa iyang anak, hangtod nga moabot ang panahon sa iyang kaugalingong yuta; unya daghang mga nasod ug gamhanang mga hari ang mag-ulipon kaniya.

Jeremias 29:10

“Kay mao kini ang giingon sa Ginoo: Sa dihang matapos ang 70 ka tuig sa Babilonia, moduaw ako kaninyo ug tumanon nako ang akong saad kaninyo ug dad-on ko kamo pagbalik niining dapita.

Jeremias 32:5

ug dad-on niya si Zedekias ngadto sa Babilonia ug didto magpabilin siya hangtod nga ako moduaw kaniya, nag-ingon ang Ginoo; bisan ug ikaw makig-away sa mga Caldeanhon dili ikaw molampos’?”

Jeremias 34:2

“Mao kini ang giingon sa Ginoo, ang Dios sa Israel: Lakaw ug sultihi si Zedekias nga hari sa Juda, ug ingna siya, ‘Mao kini ang giingon sa Ginoo: Ihatag nako kining siyudad ngadto sa kamot sa hari sa Babilonia ug iya kining sunogon sa kalayo.

Jeremias 34:3

Dili ikaw makaikyas gikan sa iyang mga kamot, hinuon madakpan gayod ikaw ug itugyan ngadto sa iyang kamot; imong makita ang hari sa Babilonia mata sa mata ug makigsulti ikaw kaniya nawong sa nawong ug moadto ikaw sa Babilonia.’

Jeremias 34:5

Mamatay ikaw diha sa kalinaw; ug ingon nga ang pahumot gisunog alang sa imong mga katigulangan, ang karaang mga hari nga nag-una kanimo, ang katawhan usab magsunog ug mga pahumot alang kanimo ug magbangutan alang kanimo, nga mag-ingon, “Ah, ginoo!” ’ Kay ako nagsulti sa pulong, nag-ingon ang Ginoo.”

Daniel 5:23

Apan nagmapahitas-on ikaw sa imong kaugalingon batok sa Ginoo sa langit ug ang mga galamiton sa iyang balay gidala nganhi sa imong atubangan ug ikaw ug ang imong mga kadagkoan, ang imong mga asawa ug ang imong mga puyopuyo nanginom sa bino gikan niini. Ug gidayeg nimo ang mga dios nga plata ug bulawan, bronsi, puthaw, kahoy ug bato nga dili makakita o makadungog o makaila, apan ang Dios nga sa iyang kamot anaa ang imong gininhawa ug iya ang tanan nimong mga pamaagi, wala nimo pasidunggi.

Daniel 9:2

sa unang tuig sa iyang paghari, ako, si Daniel, nakasabot diha sa mga basahon mahitungod sa gidaghanon sa mga tuig, nga sumala sa pulong sa Ginoo kang Jeremias nga propeta kinahanglang molabay sa dili pa ang kataposan sa pagkalumpag sa Jerusalem, 70 ka tuig.