Jeremias 26:9

Ang Biblia 2011

Nganong nagpropesiya man ikaw pinaagi sa ngalan sa Ginoo nga nag-ingon, ‘Kining balaya mahisama sa Silo, ug kining siyudara mahimong biniyaan nga walay nagpuyo’?” Ug ang tibuok katawhan mialirong kang Jeremias didto sa balay sa Ginoo.

Cross References

2 Cronicas 25:16

Apan samtang nagsulti pa siya, ang hari miingon kaniya, “Naghimo ba kami kanimo nga magtatambag sa hari? Hunong! Ngano bang kinahanglang patyon ikaw?” Busa ang propeta mihunong ug miingon, “Ako nahibalo nga ang Dios nagtakda sa paglaglag kanimo tungod kay ikaw nagbuhat niini ug wala mamati sa akong tambag.”

Isaias 29:21

nga pinaagi sa pulong naghimo sa tawo nga sad-an, ug nagbutang ug usa ka lit-ag alang niadtong nagbadlong diha sa ganghaan, ug nagpasimang sa matarong tungod sa usa ka butang nga walay hinungdan.

Jeremias 32:3

Kay si Zedekias nga hari sa Juda mibilanggo kaniya, nga nag-ingon, “Ngano nga nagpropesiya man ikaw ug nag-ingon, ‘Mao kini ang giingon sa Ginoo: Tan-awa, naghatag ako niining siyudara ngadto sa kamot sa hari sa Babilonia, ug kini kuhaon niya;

Jeremias 33:10

“Mao kini ang giingon sa Ginoo: Niining dapita nga imong giingon, ‘Biniyaan kini, walay tawo o mananap,’ sa mga siyudad sa Juda, ug sa kadalanan sa Jerusalem nga mingaw, walay tawo o lumulupyo o mananap, didto madunggan na usab

Jeremias 36:29

Ug mahitungod kang Jehoiakim nga hari sa Juda, ikaw mag-ingon, ‘Mao kini ang giingon sa Ginoo: Gisunog nimo kining linukot nga basahon nga nag-ingon, “Nganong gisulat nimo diha niini nga ang hari sa Babilonia moanhi gayod ug maglaglag niining yutaa ug magpuo sa tawo ug sa mananap gikan niini?”

Jeremias 9:11

Himoon nako ang Jerusalem nga usa ka tinapok sa nangatumpag, usa ka puluy-anan sa mga irong ihalas; ug buhaton nako ang mga siyudad sa Juda nga biniyaan, wala nay magpuyo.”

Mga Pagbangotan 4:13

Kini tungod sa mga sala sa iyang mga propeta ug sa mga kalapasan sa iyang mga pari, nga nagpaagas sa dugo sa mga matarong diha sa iyang taliwala.

Amos 5:10

Sila nagdumot kaniya nga nagbadlong didto sa ganghaan ug nasilag kaniya nga nagsulti sa kamatuoran.

Miqueas 2:6

“Ayaw pagsangyaw”—sa ingon sila nagsangyaw— “kinahanglan nga ang usa dili magsangyaw niining mga butanga; ang mga kaulawan dili makaabot kanamo.”

Mateo 21:23

Unya sa pagsulod niya sa Templo, ang kadagkoan sa mga pari ug ang mga pangulo sa lungsod miduol kaniya samtang nagtudlo siya ug miingon sila kaniya, “Pinaagi sa unsang kagahom nga gihimo nimo kining mga butanga ug kinsa may naghatag kanimo sa maong kagahom?”

Mateo 27:20

Apan ang mga pangulong pari ug mga kadagkoan midani sa katawhan nga ilang pangayoon si Barabas ug ipapatay si Jesus.

Marcos 15:11

Apan ang mga pangulong pari misugyot sa panon sa katawhan sa pagpabuhi hinuon kang Barabas alang kanila.

Juan 8:20

Kining mga pulonga gisulti ni Jesus didto sa panudlanan sa salapi nga hinalad samtang nagtudlo siya sulod sa Templo. Apan walay midakop kaniya kay wala pa man moabot ang iyang takna.

Juan 8:59

Tungod niini namunit sila ug mga bato aron ilabay kaniya apan si Jesus mitago ug migula sa Templo.

Mga Buhat 13:50

Apan ang mga Judio mihulhog sa mga inilang kababayen-an nga mga relihiyoso ug sa mga kadagkoan sa siyudad, ug naghagit sila ug mga pagpanglutos kang Pablo ug kang Bernabe, ug gihinginlan sila gikan sa ilang dapit.

Mga Buhat 21:30

Unya nagubot ang tibuok siyudad ug ang mga tawo nanugok ug ilang gidakop si Pablo ug giguyod siya ngadto sa gawas sa Templo, ug gitakpan dayon ang mga pultahan.

Mga Buhat 22:22

Ug sila naminaw kaniya hangtod niining sultiha. Unya misinggit sila nga nag-ingon, “Kuhaa ang maong tawo gikan sa yuta, kay dili siya angay nga mabuhi.”

Mga Buhat 3:11

Samtang nagkupot pa siya kang Pedro ug kang Juan, ang tanang tawo nanagan ngadto kanila didto sa portico nga ginganlan ug iya ni Solomon.

Mga Buhat 5:12

Ug pinaagi sa mga kamot sa mga apostoles, daghan ang mga ilhanan ug mga kahibulongan nga nahimo diha sa mga tawo. Ug silang tanan didto magtigom sa Portico ni Solomon.

Mga Buhat 5:28

nga nag-ingon, “Dili ba higpit man kamong gipahimangnoan namo sa dili pagpanudlo pinaagi niining ngalana? Apan tan-awa, ang Jerusalem gilukop ninyo sa inyong pagpanudlo, ug maoy inyong tuyo nga kami ang paninglan sa dugo niining tawhana.”

Mga Buhat 6:14

kay kami nakadungog kaniya nga nag-ingon nga si Jesus nga Nazaretnon maglumpag niining dapita ug mag-usab sa mga pamatasan nga gibilin kanato ni Moises.”

Josue 18:1

Unya ang tibuok nga katilingban sa katawhan sa Israel nagtigom didto sa Silo ug gipatindog ang tolda nga tagboanan. Ang yuta ilang nabuntog sa ilang atubangan.