Jeremias 26:21

Ang Biblia 2011

Sa diha nga si Hari Jehoiakim, uban ang iyang mga sundalo ug ang tanang mga pangulo nakadungog sa iyang mga pulong, ang hari nagtinguha sa pagpatay kaniya. Apan sa pagkadungog ni Urias niini, siya nahadlok ug mikagiw ug miikyas ngadto sa Ehipto.

Cross References

1 Mga Hari 18:10

Ingon nga ang Ginoo nga imong Dios buhi, walay nasod o gingharian, diin ang akong agalon wala magpasugo sa pagpangita kanimo ug kon moingon sila, ‘Siya wala dinhi,’ siya naghimo ug usa ka panumpa sa gingharian o nasod nga wala ikaw nila makit-i.

2 Cronicas 16:10

Unya si Asa nasuko sa propeta ug gibalhog siya sa bilanggoan kay kini nasuko kaniya tungod niining butanga. Ug gipahiagom ni Asa sa kabangis ang ubang katawhan sa maong panahon.

2 Cronicas 24:21

Apan sila nagsabotsabot sa tago batok kaniya ug sa sugo sa hari ilang gilabay siya ug mga bato diha sa hawanan sa balay sa Ginoo.

Salmo 119:109

Ang akong kinabuhi ania kanunay sa akong kamot, apan wala nako kalimti ang imong Balaod.

Mga Panultihon 29:25

Ang kahadlok sa tawo nagbutang ug usa ka lit-ag, apan siya nga nagsalig sa Ginoo layo sa kakuyaw.

Jeremias 26:10

Sa pagkadungog sa mga pangulo sa Juda niining mga butanga, sila mitungas gikan sa balay sa hari ngadto sa balay sa Ginoo ug milingkod sila sa atubangan sa Bag-ong Ganghaan sa balay sa Ginoo.

Jeremias 36:26

Ug ang hari misugo kang Jerameel nga anak sa hari ug kang Seraias nga anak ni Asriel ug kang Selemias nga anak ni Abdeel aron pagdakop kang Baruk nga sekretaryo ug kang Jeremias nga propeta, apan gitagoan sila sa Ginoo.

Jeremias 38:4

Unya ang mga pangulo miingon sa hari, “Ipapatay kining tawhana kay siya nagpaluya sa mga kamot sa kasundalohan nga nahibilin niining siyudad, ug sa mga kamot sa tibuok katawhan pinaagi sa pagsulti niining mga pulong ngadto kanila. Kay kining tawhana wala mangita sa kaayohan niining katawhan, kondili sa ilang kadaot.”

Mateo 10:23

Sa diha nga lutoson kamo nila didto sa usa ka lungsod, pangagiw kamo ngadto sa sunod kay sa pagkatinuod sultihan ko kamo nga sa dili pa gani ninyo mahurot paglibot ang tanang kalungsoran sa Israel, ang Anak sa Tawo moabot na.

Mateo 10:28

Ayaw ninyo kahadloki kadtong mopatay sa lawas apan dili makahimo pagpatay sa kalag apan kahadloki hinuon ninyo ang makahimo paglaglag sa kalag ug lawas didto sa imperno.

Mateo 10:39

Ang mangita sa iyang kinabuhi mawad-an niini, apan ang mawad-an sa iyang kinabuhi tungod kanako, makakaplag hinuon niini.

Mateo 14:5

Ug buot unta niyang patyon si Juan, apan nahadlok siya sa katawhan kay siya ila mang giila nga propeta.

Marcos 6:19

Ug si Herodias nasilag kang Juan ug buot unta niyang patyon siya. Apan wala siya makahimo niini,