Jeremias 26:20

Ang Biblia 2011

Dihay laing tawo nga nagpropesiya pinaagi sa ngalan sa Ginoo, si Urias nga anak ni Semaias sa Kiriat-jearim. Siya nagpropesiya batok niining siyudara ug batok niining yutaa sa mga pulong nga sama sa mga pulong ni Jeremias.

Cross References

1 Mga Hari 18:10

Ingon nga ang Ginoo nga imong Dios buhi, walay nasod o gingharian, diin ang akong agalon wala magpasugo sa pagpangita kanimo ug kon moingon sila, ‘Siya wala dinhi,’ siya naghimo ug usa ka panumpa sa gingharian o nasod nga wala ikaw nila makit-i.

2 Mga Hari 23:37

Ug iyang gibuhat ang daotan diha sa panan-aw sa Ginoo, sumala sa tanan nga gihimo sa iyang katigulangan.

Jeremias 2:30

Kawang lamang ang akong paghampak sa inyong mga anak, wala nila dawata ang pagsaway; ang inyong kaugalingong espada maoy milamoy sa inyong mga propeta, sama sa usa ka manunukob nga liyon.

Jeremias 36:19

Unya ang mga pangulo miingon kang Baruk, “Lakaw ug tago, ikaw ug si Jeremias, ug ayaw kamo pagpahibalo kang bisan kinsa kon asa kamo.”

Josue 15:60

Ang Kiriat-baal nga mao ang Kiriat-jearim ug ang Raba, duha ka siyudad, lakip ang mga balangay niini.

Josue 18:14

Ug ang utlanan miliko sa kasadpang bahin paingon sa habagatan sa bukid nga nahimutang atbang sa Bet-horon paingon sa habagatan. Ug kini misangko sa Kiriat-baal nga mao ang Kiriat-jearim, usa ka siyudad sa banay ni Juda. Kini mao ang dapit sa kasadpan.

Josue 9:17

Busa ang katawhan sa Israel migikan ug nakaabot sa ilang mga siyudad sa ikatulong adlaw. Karon ang ilang mga siyudad mao ang Gibeon, ug ang Chefira, ang Beerot ug ang Kiriat-jearim.

1 Samuel 6:21

Busa nagpadala sila ug mga sinugo sa mga nagpuyo sa Kiriat-jearim nga nag-ingon, “Giuli sa mga Filistihanon ang sudlanan sa kasabotan sa Ginoo. Lugsong kamo ug kuhaa ninyo kini.”

1 Samuel 7:2

Taas nga panahon ang milabay sukad sa adlaw nga ang sudlanan sa kasabotan diha sa Kiriat-jearim, mga 20 ka tuig, ug ang tibuok nga balay sa Israel nagbangutan ngadto sa Ginoo.