Jeremias 26:15

Ang Biblia 2011

Apan hibaloi lamang gayod ninyo nga kon patyon ninyo ako, magdala kamo ug dugo nga walay sala nganha sa inyong kaugalingon ug niining siyudad ug sa mga nagpuyo niini kay sa pagkatinuod, ang Ginoo nagpadala kanako nganhi kaninyo aron sa pagsulti niining tanang mga pulong diha sa inyong mga igdulungog.”

Cross References

Genesis 4:10

Ug ang Ginoo miingon, “Unsa man ang imong gibuhat? Ang tingog sa dugo sa imong igsoon nagtuaw kanako gikan sa yuta.

Genesis 42:22

Ug si Ruben mitubag kanila, “Wala ba ako magsulti kaninyo, ‘Ayaw kamo pagpakasala batok sa bata?’ Apan wala gayod kamo mamati. Busa karon, ang iyang dugo gipaningil na.”

2 Mga Hari 24:4

ug tungod usab sa dugo sa mga walay sala nga iyang giula; kay iyang gipuno ang Jerusalem sa dugo sa mga walay sala, ug ang Ginoo dili gayod mopasaylo niini.

2 Cronicas 24:22

Busa si Joas nga hari wala mahinumdom sa kaayo nga gipakita kaniya ni Jehoiada nga amahan ni Zacarias, apan gipatay ang iyang anak. Ug sa dayong pagkamatay niya, siya miingon, “Ang Ginoo makakita unta niini ug manimalos!”

Mga Panultihon 6:16

Adunay unom ka butang nga gidumtan sa Ginoo, pito ang dulumtanan niya:

Mga Panultihon 6:17

mapahitas-ong mga mata, bakakon nga dila, ug mga kamot nga nag-ula ug dugo nga walay sala,

Jeremias 2:30

Kawang lamang ang akong paghampak sa inyong mga anak, wala nila dawata ang pagsaway; ang inyong kaugalingong espada maoy milamoy sa inyong mga propeta, sama sa usa ka manunukob nga liyon.

Jeremias 2:34

Sa imong mga saya usab nakit-an ang dugo sa mga kabos nga walay sala; wala nimo sila masakpi nga nanglungkab. Apan bisan pa niining tanan

Jeremias 22:17

Apan ikaw adunay mga mata ug kasingkasing alang lamang sa pagpanikas, sa pagpaagas ug dugo sa walay sala, ug sa pagdaogdaog ug sa kapintas.”

Jeremias 22:3

Mao kini ang giingon sa Ginoo: Buhata ninyo ang hustisya ug ang pagkamatarong, ug luwasa siya nga gitulis gikan sa kamot sa nagdaogdaog. Ayaw pagbuhat ug kasaypanan o kapintas ngadto sa langyaw, sa wala nay amahan ug sa biyuda o magpaagas ug dugo sa walay sala niining dapita.

Jeremias 26:12

Unya si Jeremias misulti sa tanang mga pangulo ug sa tibuok katawhan, nga nag-ingon, “Ang Ginoo nagpadala kanako aron sa pagpropesiya batok niining balaya ug niining siyudad sa tanang mga pulong nga inyong nadungog.

Jeremias 30:1

Ang pulong nga midangat kang Jeremias gikan sa Ginoo,

Jeremias 7:6

kon kamo dili manaogdaog sa langyaw, sa mga wala nay amahan ug sa biyuda, o magpaagas ug dugo sa walay sala niining dapita, ug kon dili kamo magsunod sa laing mga dios alang sa inyong kaugalingong kadaotan,

Numeros 35:33

Busa ayaw ninyo hugawi ang yuta nga inyong gipuy-an, kay ang dugo makahugaw sa yuta, ug walay paghinlo nga mahimo alang sa yuta tungod sa dugo nga moagas diha niini kondili pinaagi sa dugo niadtong nagpaagas niini.

Mateo 26:25

Si Judas nga mao ang nagbudhi kaniya, miingon, “Magtutudlo, ako ba?” Siya mitubag kaniya, “Gipamulong nimo.”

Mateo 26:4

ug nagsabot sila aron sa pagdakop kang Jesus sa tago ug sa pagpatay kaniya.

Mga Buhat 7:60

Ug siya miluhod ug misinggit sa kusog nga tingog, “Ginoo, ayaw paningla kining salaa diha kanila.” Ug sa nakasulti na siya niini, siya namatay.

Deuteronomio 19:10

aron dili kaagasan ug dugo sa walay sala ang inyong yuta nga gihatag kaninyo sa Ginoo nga inyong Dios ingon nga panulundon, nga sa ingon ang sala sa dugo anha kaninyo.

Gipadayag 16:6

Kay giula sa mga tawo ang dugo sa mga balaan ug sa mga propeta, ug gihatag nimo kanila ang dugo aron ilang imnon. Mao kini ang angay kanila!”