Jeremias 25:3

Ang Biblia 2011

“Sulod sa 23 ka tuig gikan sa ikanapulo ug tulo nga tuig ni Josias nga anak ni Amon, ang hari sa Juda, hangtod niining adlawa, ang pulong sa Ginoo midangat kanako, ako kanunayng nagsulti kaninyo, apan wala kamo mamati.

Cross References

Genesis 22:3

Busa si Abraham mibangon pagsayo nianang pagkabuntag ug iyang gisangonan ang iyang asno ug giuban niya ang duha ka batan-ong sulugoon ug si Isaac nga iyang anak. Ug nagbugha siya ug kahoy alang sa halad nga sunogon, ug mitindog ug miadto sa dapit nga giingon sa Dios kaniya.

1 Mga Hari 22:3

Ug ang hari sa Israel miingon sa iyang mga sulugoon, “Nahibalo ba kamo nga ang Ramot-gilead atoa ug kita nagpakahilom ug wala kini nato kuhaa gikan sa kamot sa hari sa Siria?”

2 Mga Hari 17:13

Bisan pa niana ang Ginoo nagpasidaan batok sa Israel ug batok sa Juda, pinaagi sa matag propeta ug sa matag mananagna nga nag-ingon, “Balik kamo gikan sa daotan ninyong mga dalan, ug tumana ang akong mga sugo ug mga lagda, sumala sa tanang balaod nga akong gisugo sa inyong katigulangan ug nga akong gipadala kaninyo pinaagi sa akong mga sulugoon nga mga propeta.”

2 Cronicas 24:19

Bisan pa niana siya nagpadala ug mga propeta ngadto kanila aron sa pagpabalik kanila ngadto sa Ginoo, ug kini sila nagpamatuod batok kanila, apan sila wala mamati.

2 Cronicas 34:1

Si Josias walo ka tuig ang panuigon sa iyang pagsugod sa paghari ug siya naghari sulod sa 31 ka tuig didto sa Jerusalem.

2 Cronicas 34:3

Kay sa ikawalo nga tuig sa iyang paghari, samtang batan-on pa siya, siya nag-alagad sa Dios ni David nga iyang amahan ug sa ikanapulo ug duha nga tuig siya nagsugod sa paghinlo sa Juda ug sa Jerusalem sa mga habog nga dapit, sa mga Asera, ug sa mga kinulit ug sa mga tinunaw nga larawan.

2 Cronicas 34:8

Sa ikanapulo ug walo nga tuig sa iyang paghari, sa diha nga nahinloan na niya ang yuta ug ang balay, iyang gipaadto si Safan nga anak ni Asalias ug si Maasias nga gobernador sa siyudad ug si Joa nga anak ni Joahas nga tiglista aron sa pag-ayo sa balay sa Ginoo nga iyang Dios.

2 Cronicas 36:15

Ug ang Ginoo, ang Dios sa ilang mga katigulangan kanunay nga nagpaadto kanila pinaagi sa iyang mga sinugo tungod kay siya may kaluoy sa iyang katawhan ug sa iyang dapit nga puluy-anan.

Salmo 81:13

O mamati unta kanako ang akong katawhan, aron ang Israel maglakaw diha sa akong mga dalan!

Exodo 8:20

Unya ang Ginoo miingon kang Moises, “Sayo pagbangon sa pagkabuntag, ug paabota ang Paraon kay siya moadto sa tubig ug ingna siya, ‘Mao kini ang giingon sa Ginoo: Tugoti sa paglakaw ang akong katawhan aron sila makaalagad kanako.

Isaias 55:2

Nganong maggasto man kamo sa inyong salapi alang sa dili pan, ug sa inyong hinagoan alang niadtong dili makatagbaw? Pamati kamo pag-ayo kanako, ug kaona unsay maayo, ug palipaya ang inyong kaugalingon diha sa katambok.

Jeremias 1:2

nga diha kaniya midangat ang pulong sa Ginoo sa mga adlaw ni Josias nga anak ni Amon, hari sa Juda, sa ikanapulo ug tulo nga tuig sa iyang paghari.

Jeremias 11:7

Kay ako nagpasidaan sa inyong mga katigulangan sa dihang gidala ko kamo gikan sa yuta sa Ehipto, nagpadayon ako sa pagpasidaan kanila nga nag-ingon, Tumana ang akong tingog.

Jeremias 19:15

“Mao kini ang giingon sa Ginoo sa mga panon, ang Dios sa Israel: Nagpadala ako niining siyudara ug sa tanang mga lungsod niini, sa tanang kadaot nga akong gibungat batok niini tungod kay gipatikig nila ang ilang mga liog, nagdumili sa pagpamati sa akong mga pulong.”

Jeremias 22:21

Misulti ako kanimo diha sa imong pagkamauswagon, apan ikaw nag-ingon, ‘Dili ako mamati.’ Kini mao ang imong pamaagi sukad sa imong pagkabatan-on nga wala ikaw magtuman sa akong tingog.

Jeremias 25:4

Wala kamo mamati o mokiling sa inyong mga dalunggan aron sa pagpamati, bisan pa ug ang Ginoo nagpadayon sa pagpadala nganha kaninyo sa tanan niyang mga sulugoon nga propeta

Jeremias 26:5

ug sa pagtagad sa mga pulong sa akong mga alagad nga mga propeta nga gipaanha dayon nako kaninyo, bisan wala kamo magtagad,

Jeremias 29:19

tungod kay sila wala magtagad sa akong mga pulong, nag-ingon ang Ginoo, nga sa makanunayon gipadala nako ngadto kanila pinaagi sa akong mga alagad nga mga propeta, apan wala kamo mamati, nag-ingon ang Ginoo.

Jeremias 32:33

Ilang gipaatubang kanako ang ilang likod ug dili ang ilang nawong, ug bisan kon nagpadayon ako sa pagtudlo kanila, wala sila mamati aron sa pagdawat sa pahimangno.

Jeremias 35:14

Ang sugo nga gihatag ni Jonadab nga anak ni Rekab ngadto sa iyang mga anak sa dili pag-inom ug bino natuman, ug hangtod niining adlawa sila wala moinom, kay sila nagtuman sa sugo sa ilang amahan. Apan ako mapadayonon nga nagsulti kaninyo, apan kamo wala mamati kanako.

Jeremias 35:15

Ako nagpadala nganha kaninyo sa tanan nakong mga alagad, ang mga propeta, gipadala nako sila sa pag-ingon, ‘Biya kamo karon, ang matag usa kaninyo gikan sa iyang daotang dalan ug usba ang inyong mga binuhatan, ug ayaw pagsunod sa laing mga dios aron sa pag-alagad kanila, ug unya kamo magpuyo sa yuta nga akong gihatag kaninyo ug sa inyong mga katigulangan.’ Apan wala kamo magpakiling sa inyong mga dalunggan o mamati kanako.

Jeremias 36:1

Sa ikaupat nga tuig ni Jehoiakim nga anak ni Josias, hari sa Juda, kining pulonga midangat kang Jeremias gikan sa Ginoo:

Jeremias 36:2

“Pagkuha ug usa ka linukot nga sulatanan ug isulat niini ang tanang mga pulong nga gisulti nako kanimo batok sa Israel ug sa Juda ug batok sa tanang mga nasod, sukad sa adlaw sa akong pagsulti kanimo, sukad sa mga adlaw ni Josias hangtod karong adlawa.

Jeremias 44:4

Bisan pa niana nagpadayon ako sa pagpadala kaninyo sa tanan nakong mga alagad nga mga propeta, sa pag-ingon, ‘Ayaw buhata kining dulomtanan nga butang nga akong gidumtan!’

Jeremias 7:13

Ug karon tungod kay inyong gibuhat kining tanang mga butanga, nag-ingon ang Ginoo, ug sa dihang misulti ako kaninyo, wala kamo mamati ug sa diha nga mitawag ako kaninyo, wala kamo motubag,

Jeremias 7:25

Sukad sa adlaw nga migula ang inyong mga katigulangan gikan sa yuta sa Ehipto hangtod niining adlawa, ako nagpadayon gayod sa pagpadala ngadto kanila sa tanan nakong mga sulugoon, ang mga propeta, adlaw adlaw.

Ezequiel 33:4

unya bisan kinsa nga makadungog sa tingog sa trumpeta ug dili manumbaling sa pasidaan, kon ang espada moabot na ug magkuha kaniya, ang iyang dugo anha sa iyang kaugalingon nga ulo.

Zacarias 1:4

Ayaw kamo pagpakasama sa inyong katigulangan, nga kanila ang unang propeta misinggit, ‘Mao kini ang giingon sa Ginoo sa mga panon, Balik kamo karon gikan sa inyong daotan nga mga pamaagi, ug gikan sa inyong daotan nga mga buhat.’ Apan sila wala mamati o magpatalinghog kanako, nag-ingon ang Ginoo.

Marcos 1:35

Unya sayo sa kaadlawon samtang ngitngit pa, si Jesus mibangon ug miadto sa usa ka dapit nga mingaw, ug didto nag-ampo siya.

Juan 8:2

Ug sa pagkabuntag, siya miadto na usab sa Templo. Ug ang tanang tawo nangadto kaniya ug siya milingkod ug gitudloan niya sila.

Juan 8:47

Siya nga gikan sa Dios mamati sa mga pulong sa Dios. Busa dili kamo mamati kay kamo dili man gikan sa Dios.”

2 Timoteo 4:2

iwali ang pulong, pagmadasigon maayo man ang kahigayonan o dili; himoa ang pagpamadlong, ang pagpasidaan ug ang pagpangdasig diha sa tanang pagkamainantoson ug sa pagpanudlo.