Jeremias 24:9

Ang Biblia 2011

Himoon nako sila nga kalisangan ngadto sa tanang mga gingharian sa yuta aron mahimo nga usa ka talamayon, usa ka sanglitanan, usa ka biaybiay ug usa ka tunglo didto sa tanang mga dapit diin hinginlan nako sila.

Cross References

1 Mga Hari 9:7

ipahimulag nako ang Israel gikan sa yuta nga akong gihatag kanila, ug kining balay nga akong gibalaan alang sa akong ngalan isalikway nako gikan sa akong panan-aw ug ang Israel mahimong usa ka sanglitanan ug usa ka talamayon diha sa tanang katawhan.

2 Cronicas 7:20

kuhaon ko kamo gikan sa yuta nga akong gihatag kaninyo ug kining balaya nga akong gihalad alang sa akong ngalan, akong ipalayo sa akong mga mata, ug himoon nako kini nga usa ka sanglitanan ug usa ka pagya sa taliwala sa tanang mga katawhan.

Salmo 69:11

Sa diha nga gihimo nako ang sako nga akong bisti, ako nahimo nga usa ka pagya nila.

Isaias 43:28

Tungod niini gipasipad-an nako ang mga pangulo sa balaang dapit, gitugyan nako si Jacob ngadto sa kalaglagan, ug ang Israel ngadto sa kaulawan.

Isaias 65:15

Ibilin ninyo ang inyong ngalan ngadto sa akong mga pinili alang sa usa ka tunglo ug ang Ginoong Dios mopatay kaninyo, apan tawgon niya ang iyang mga sulugoon sa lain nga ngalan.

Jeremias 15:4

Himoon nako sila nga kalisangan ngadto sa tanang gingharian sa yuta tungod sa gibuhat ni Manases nga anak ni Hesekias, hari sa Juda, didto sa Jerusalem.

Jeremias 19:8

Ug kining siyudara himoon nako nga usa ka makalilisang, usa ka butang nga talamayon; ang tanan nga moagi niini malisang ug magtamay tungod sa tanang mga katalagman niini.

Jeremias 25:18

ang Jerusalem ug ang mga siyudad sa Juda, ang mga hari ug ang mga pangulo niini, aron sa paghimo kanila nga biniyaan ug usa ka kalisangan, usa ka talamayon ug usa ka tinunglo, sama niining adlawa;

Jeremias 26:6

himoon nako kining balaya nga sama sa Silo, ug himoon nako kining siyudara nga tinunglo sa tanang mga nasod sa yuta.’ ”

Jeremias 29:18

Gukdon nako sila pinaagi sa espada, sa gutom ug sa kamatay, ug himoon nga kalisangan sa tanang mga gingharian sa yuta aron mahimong tunglo, usa ka kahadlokan, usa ka talamayon ug usa ka kaulawan sa taliwala sa tanang mga nasod diin didto giabog nako sila,

Jeremias 29:22

Tungod kanila kining tunglo gamiton sa tanang mga binihag sa Juda nga atua sa Babilonia, ‘Ang Ginoo maghimo kanimo nga sama kang Zedekias ug kang Ahab nga giasal diha sa kalayo sa hari sa Babilonia,’

Jeremias 34:17

Busa mao kini ang giingon sa Ginoo: Wala kamo motuman kanako pinaagi sa pagsangyaw sa kagawasan, ang matag usa ngadto sa iyang igsoon, ug sa iyang isigkatawo. Tan-awa, ako nagsangyaw kaninyo ug usa ka kagawasan ngadto sa espada, sa kamatay ug sa gutom, nag-ingon ang Ginoo. Himoon ko kamo nga kalisangan sa tanang mga gingharian sa yuta.

Jeremias 42:18

“Kay mao kini ang giingon sa Ginoo sa mga panon, ang Dios sa Israel: Ingon nga ang akong kasuko ug ang akong kapungot gibubo ngadto sa mga nagpuyo sa Jerusalem, ang akong kapungot ibubo usab nako nganha kaninyo sa dihang moadto kamo sa Ehipto. Mahimo kamong dulumtanan, kalisangan, tunglo ug usa ka talamayon. Dili na kamo makakita pa niining yutaa.

Jeremias 44:12

Ug kuhaon nako ang nahibilin sa Juda nga mihukom sa pag-adto sa yuta sa Ehipto aron sa pagpuyo didto, ug silang tanan mangahurot, ug mangapukan sila didto sa yuta sa Ehipto; pinaagi sa espada ug sa gutom sila mangahurot. Gikan sa labing ubos ngadto sa labing dako sila mangamatay, pinaagi sa espada ug sa gutom ug sila mangahimong mga dulumtanan, kalisangan, tunglo ug talamayon.

Jeremias 44:13

Silotan nako ang mopuyo sa yuta sa Ehipto sama sa akong pagsilot sa Jerusalem pinaagi sa espada, sa gutom ug sa kamatay,

Jeremias 44:22

Ang Ginoo wala na makaantos sa inyong mga daotan buhat ug sa mga dulumtanan nga inyong nahimo, busa ang inyong yuta nahimong biniyaan, ug awaaw ug usa ka tunglo walay nagpuyo, ingon niining adlawa.

Ezequiel 23:46

Kay mao kini ang giingon sa Ginoong Dios: “Pagdala ug usa ka panon batok kanila ug himoa sila nga lisangonon ug ilogonon.

Ezequiel 25:3

Ingna ang mga Amonihanon, Pamatia ang pulong sa Ginoong Dios: Mao kini ang giingon sa Ginoong Dios, Tungod kay miingon ikaw, ‘Aha!’ batok sa akong balaang dapit, sa diha nga gipasipalahan kini, ug batok sa yuta sa Israel, sa diha nga gihimo kining biniyaan, ug batok sa balay sa Juda, sa diha nga sila nangadto sa pagkabihag,

Ezequiel 26:2

“Anak sa tawo, tungod kay ang Tiro nag-ingon mahitungod sa Jerusalem, ‘Aha, natumpag ang ganghaan sa katawhan; naabli kini alang kanako; ako mahulipan na, karon nga siya nalaglag.’

Ezequiel 5:8

busa mao kini ang giingon sa Ginoong Dios: Tan-awa, ako, ako gayod, batok kaninyo, ug ipahamtang nako ang mga hukom diha kaninyo sa atubangan sa mga nasod.

Deuteronomio 28:25

“Ipabuntog kamo sa Ginoo sa atubangan sa inyong mga kaaway. Manggula kamo batok kanila sa usa ka dalan ug gikan kanila mangagiw kamo sa pito ka dalan ug mahimo kamong kahadlokan sa tanang mga gingharian sa yuta.

Deuteronomio 28:37

Ug mahimo kamo nga kahadlokan, usa ka sanglitanan ug usa ka pagya taliwala sa tanang katawhan diin adto kamo dad-on sa Ginoo.