Jeremias 24:6

Ang Biblia 2011

Itutok nako ang akong mga mata ngadto kanila alang sa kaayohan ug dad-on nako sila pagbalik niining yutaa. Lig-onon nako sila ug dili gub-on. Itanom nako sila ug dili ibton.

Cross References

Genesis 44:21

Ug ikaw miingon sa imong mga ulipon, ‘Dad-a siya nganhi kanako aron ako makakita kaniya.’

2 Cronicas 16:9

Kay ang mga mata sa Ginoo nagtan-aw ngadto-nganhi sa tibuok yuta aron sa pagpakita sa iyang gahom alang kanila nga ang mga kasingkasing putli ngadto kaniya. Naghimo ikaw ug binuang tungod niini. Busa sukad karon ikaw aduna nay mga gubat.”

Nehemias 5:19

Hinumdomi alang sa akong kaayohan, O akong Dios, ang tanan nga akong gibuhat alang niining katawhan.

Salmo 34:15

Ang mga mata sa Ginoo anaa sa matarong, ug ang iyang mga dalunggan sa ilang pagtuaw.

Salmo 44:2

ikaw sa imong kaugalingong kamot naghingilin sa mga nasod, apan sila imong gipahimutang; gisakit nimo ang mga katawhan, apan gipalingkawas nimo sila;

Isaias 14:1

Ang Ginoo maluoy kang Jacob, ug pilion na usab niya ang Israel, ug ipahiluna sila sa ilang kaugalingong yuta, ug ang mga langyaw makigtipon kanila ug motipon sila sa balay ni Jacob.

Isaias 60:21

Ang imong katawhan mahimong matarong; sila makapanag-iya sa yuta hangtod sa kahangtoran, ang salingsing sa akong tinanom, ang buhat sa akong mga kamot, aron ako himayaon.

Jeremias 1:10

Tan-awa, ako nagpahiluna kanimo niining adlawa ibabaw sa kanasoran ug ibabaw sa mga gingharian, sa paglangkat ug sa paggun-ob, sa paglaglag ug sa pagpukan, sa pagtukod ug sa pagtanom.”

Jeremias 12:15

Human nako sila maibot, kaluy-an na usab nako sila ug dad-on na usab nako ang matag usa kanila ngadto sa iyang panulundon ug ang matag usa ngadto sa iyang yuta.

Jeremias 16:15

kondili, ‘Ingon nga buhi ang Ginoo nga nagdala sa katawhan sa Israel gikan sa yuta sa amihanan ug gikan sa tanang mga yuta diin sila giabog niya.’ Kay dad-on nako sila pagbalik ngadto sa ilang yuta nga akong gihatag sa ilang mga katigulangan.

Jeremias 21:10

Kay nakahukom ako batok niining siyudad alang sa kadaotan ug dili alang sa kaayohan, nag-ingon ang Ginoo: ihatag kini ngadto sa kamot sa hari sa Babilonia ug iya kining sunogon sa kalayo.’

Jeremias 23:3

Unya tigomon nako ang nahibilin sa akong panon gikan sa tanang mga dapit diin didto giabog ko sila ug dad-on nako sila pagbalik ngadto sa ilang mga toril ug sila magmabungahon ug mosanay.

Jeremias 29:10

“Kay mao kini ang giingon sa Ginoo: Sa dihang matapos ang 70 ka tuig sa Babilonia, moduaw ako kaninyo ug tumanon nako ang akong saad kaninyo ug dad-on ko kamo pagbalik niining dapita.

Jeremias 31:28

Ug ingon nga ako nagbantay kanila sa pag-ibot ug sa paglumpag, sa pagpukan, sa paglaglag ug sa pagdala ug kadaot, bantayan usab nako kini sa pagtukod ug pagtanom, nag-ingon ang Ginoo.

Jeremias 31:4

Tukoron ko ikaw pag-usab ug ikaw matukod, O ulay nga Israel! Dayandayanan na usab nimo ang imong kaugalingon sa mga tambor nga gagmay, ug ikaw moadto sa sayaw sa mga naglipay.

Jeremias 32:37

Tan-awa, tigomon nako sila gikan sa tanang dapit diin nako sila aboga tungod sa akong kasuko ug sa akong kapungot ug sa dakong kaligutgot. Dad-on nako sila pagbalik nganhi niining dapita, ug papuy-on nako sila nga layo sa kakuyaw.

Jeremias 32:41

Maglipay ako diha sa pagbuhat ug kaayohan kanila ug itanom nako sila niining yutaa diha sa pagkamatinumanon uban ang tibuok nakong kasingkasing ug ang tibuok nakong kalag.

Jeremias 33:7

Ibalik nako ang maayong kahimtang sa Juda ug ang maayong kahimtang sa Israel ug tukoron nako kini pag-usab sama sa una.

Jeremias 33:9

Kining siyudara mahimo alang kanako nga usa ka ngalan sa kalipay, usa ka pagdayeg ug usa ka himaya sa atubangan sa tanang mga nasod sa yuta nga makadungog sa tanang kaayohan nga buhaton nako kanila. Sila mangahadlok ug mangurog tungod sa tanang kaayohan ug tanang kauswagan nga akong gihatag niini.

Jeremias 39:12

“Kuhaa siya ug atimana pag-ayo ug ayaw siya pasipad-i, hinuon buhata kaniya ang bisan unsa nga isulti niya kanimo.”

Jeremias 42:10

Kon magpabilin kamo niining yutaa, lig-onon ko kamo ug dili tumpagon ug itanom ko kamo ug dili ibton, kay nasubo ako sa kadaot nga gibuhat nako kaninyo.

Ezequiel 36:24

Kay panguhaon ko kamo gikan sa taliwala sa kanasoran, ug tigomon ko kamo gikan sa tanang kayutaan, ug panad-on kamo ngadto sa inyong kaugalingon nga yuta.

Amos 9:14

Akong ibalik ang maayong kahimtang sa akong katawhan nga Israel, ug sila magtukod pag-usab sa guba nga mga siyudad, ug puy-an nila kini; sila magtanom ug kaparasan ug mag-inom sa bino niini, ug sila maghimo ug mga tanaman ug magkaon sa bunga niini.

Deuteronomio 11:12

Kini yuta nga giatiman sa Ginoo nga inyong Dios. Ang mga mata sa Ginoo nga inyong Dios kanunay nga anaa niini, sukad sa sinugdan sa tuig hangtod sa kataposan sa tuig.

1 Pedro 3:12

Kay ang mga mata sa Ginoo anaa sa mga matarong, ug ang iyang mga dalunggan sa ilang mga pangamuyo. Apan ang nawong sa Ginoo batok sa mga nagbuhat ug daotan.”