Jeremias 24:5

Ang Biblia 2011

“Mao kini ang giingon sa Ginoo, ang Dios sa Israel: Sama niining mga maayong igos, isipon usab nako nga maayo ang mga binihag nga gikan sa Juda, nga akong gipadala gikan niining dapita ngadto sa yuta sa mga Caldeanhon.

Cross References

Salmo 119:67

Sa wala pa ako paantosa, nahisalaag ako, apan karon nagtuman ako sa imong pulong.

Salmo 119:71

Maayo alang kanako nga ako gisakit, aron ako makakat-on sa imong mga lagda.

Jeremias 24:4

Unya ang pulong sa Ginoo midangat kanako,

Jeremias 29:11

Kay ako nahibalo sa akong mga laraw alang kaninyo, nag-ingon ang Ginoo, mga laraw sa kaayohan ug dili sa kadaotan, sa paghatag kaninyo ug kaugmaon ug paglaom.

Jeremias 29:20

Busa pamatia ninyo ang pulong sa Ginoo, kamong tanan nga binihag nga akong gipapahawa gikan sa Jerusalem ngadto sa Babilonia.

Jeremias 29:4

“Mao kini ang giingon sa Ginoo sa mga panon, ang Dios sa Israel, ngadto sa tanang binihag nga akong gipadala nga binihag gikan sa Jerusalem ngadto sa Babilonia:

Ezequiel 11:17

Busa isulti, ‘Mao kini ang giingon sa Ginoong Dios: Tigumon ko kamo gikan sa mga katawhan, ug pundokon gikan sa mga kayutaan diin kamo gipatibulaag, ug ako maghatag kaninyo sa yuta sa Israel.’

Ezequiel 11:20

aron sila maglakaw diha sa akong mga lagda ug magtamod sa akong mga tulumanon ug magtuman niini, sila mahimo nga akong katawhan ug ako mahimo nga ilang Dios.

Levitico 26:44

Apan bisan pa niining tanan, sa dihang atua sila sa yuta sa ilang mga kaaway, ako dili magsalikway kanila o magdumot kanila aron sa paglaglag gayod kanila ug sa paglapas sa akong kasabotan kanila kay ako mao ang Ginoo nga ilang Dios;

Nahum 1:7

Ang Ginoo maayo, lig-on nga salipdanan sa adlaw sa kasamok; siya makaila kanila nga modangop kaniya.

Zacarias 13:9

Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”

Mateo 25:12

Apan siya mitubag nga nag-ingon, ‘Sa pagkatinuod, sultihan ko kamo, wala ako makaila kaninyo.’

Juan 10:27

Ang akong mga karnero mamati sa akong tingog ug ako nakaila kanila ug sila nagsunod kanako.

Roma 8:28

Kita nasayod nga diha sa tanang butang ang Dios nagbuhat sa maayo ngadto kanila nga mga nahigugma kaniya ug mga tinawag sumala sa iyang katuyoan.

1 Mga Taga-Corinto 8:3

Apan kon ang usa ka tawo nahigugma sa Dios, kining tawhana nailhan sa Dios.

Mga Taga-Galacia 4:9

apan karon nga nakaila na kamo sa Dios, o nailhan na kamo sa Dios, naunsa ba nga namalik man hinuon kamo pag-usab ngadto sa mga huyang ug walay bili nga mga gahom sa kalibotan ug buot magpaulipon kanila pag-usab?

Deuteronomio 8:16

kaniya nga nagpakaon kaninyo didto sa kamingawan ug mana nga wala mailhi sa inyong katigulangan, aron unta himoon kamo niya nga ubos ug sulayan kamo aron sa paghimo ug maayo kaninyo sa kaulahian.

2 Timoteo 2:19

Apan ang lig-on nga patukoranan sa Dios nagpabilin sa pagbarog, nagdala niining timaan, “Ang Ginoo nakaila sa mga iya,” ug “Ang matag usa nga nagsangpit sa ngalan sa Ginoo kinahanglang mobiya sa pagkadaotan.”

Gipadayag 3:19

Sila nga akong gihigugma akong gibadlong ug gipanton, busa kinahanglang magmadasigon ikaw ug maghinulsol.