Jeremias 24:2

Ang Biblia 2011

Ang usa ka bukag adunay maayo kaayo nga mga igos, sama sa mga igos nga unang nahinog, apan sa laing bukag dunot kaayo nga mga igos, dunot kaayo nga dili na makaon.

Cross References

Isaias 5:4

Unsa pay angay nakong buhaton sa akong parasan nga wala nako buhata diha niini? Sa nagpaabot ako nga kini mamunga ug paras, ngano nga namunga man kini ug paras nga ihalas?

Isaias 5:7

Kay ang parasan sa Ginoo sa mga panon mao ang balay sa Israel, ug ang mga tawo sa Juda mao ang iyang tanom nga makapahimuot, ug siya nagpaabot sa hustisya apan tan-awa, pagpaagas ug dugo; sa pagkamatarong, apan tan-awa, usa ka pagtuaw!

Jeremias 29:17

Mao kini ang giingon sa Ginoo sa mga panon: Tan-awa, ako nagpadala kanila sa espada, sa gutom ug sa kamatay, ug himoon nako sila nga sama sa dunot nga mga igos nga hilabihan ka dunot nga dili na makaon.

Oseas 9:10

Sama sa mga paras diha sa kamingawan, akong nakaplagan ang Israel. Sama sa unang bunga sa kahoyong igera sa unang pagpamunga niini, nakita nako ang inyong mga katigulangan. Apan nangadto sila sa Baal-peor ug naghalad sa ilang kaugalingon ngadto sa kaulawan ug nangahimong dulumtanan sama niadtong ilang gihigugma.

Miqueas 7:1

Alaot ako! Kay ako nahimong sama sa human na maani nga mga bunga sa ting-init, sama sa dihang gihagdawan na ang kaparasan, walay mga pungpong sa bunga nga makaon, walay unang hinog nga igera nga akong gitinguha.

Nahum 3:12

Ang tanan nimong mga dalangpanan sama sa mga kahoyng igera nga adunay unang hinog nga bunga, kon uyogon, sila mangatagak ngadto sa baba sa tigkaon.

Numeros 18:13

Ang unang hinog nga mga bunga sa tanang mga butang sa ilang yuta nga dad-on nila sa Ginoo, kini imo usab, ang matag usa nga hinlo diha sa imong balay makakaon niini.

Mateo 5:13

“Kamo mao ang asin sa yuta apan kon ang asin kawad-an sa iyang lami, unsaon pa man sa pagpabalik sa kaparat niini? Kini wala na gayoy kapuslanan ug angay na lang kining isalibay sa gawas aron tunobtunoban sa mga tawo.