Jeremias 24:1

Ang Biblia 2011

Human bihaga ni Nabucodonosor nga hari sa Babilonia si Jeconias nga anak ni Jehoiakim, hari sa Juda gikan sa Jerusalem lakip ang mga pangulo sa Juda, ang mga batid sa pagpamuhat ug ang mga tigsalsal, ug gidala sila ngadto sa Babilonia, ang Ginoo nagpakita kanako niini nga panan-awon: Dihay duha ka bukag nga igos nga gibutang sa atubangan sa Templo sa Ginoo.

Cross References

2 Mga Hari 24:10

Niadtong panahona ang mga sulugoon ni Nabucodonosor nga hari sa Babilonia misulong sa Jerusalem, ug gilibotan ang siyudad.

2 Cronicas 36:10

Sa tingpamulak niadtong tuiga, si Hari Nabucodonosor misugo, ug gidala siya ngadto sa Babilonia uban sa mga bililhong galamiton sa balay sa Ginoo, ug si Zedekias nga iyang igsoon gihimong hari sa Juda ug sa Jerusalem.

Isaias 13:1

Ang mensahe mahitungod sa Babilonia, nga nakita ni Isaias nga anak ni Amos.

Jeremias 13:19

Ang mga lungsod sa Negeb natakpan, ug walay usa nga makaabli kanila; ang tibuok Juda gidala ngadto sa pagkabihag, nahurot pagkabihag.

Jeremias 27:20

nga wala kuhaa ni Nabucodonosor nga hari sa Babilonia, sa diha nga iyang gidala nga binihag si Jeconias nga anak ni Jehoiakim, ang hari sa Juda ug ang tanang mga inila sa Juda ug sa Jerusalem, gikan sa Jerusalem ngadto sa Babilonia.

Jeremias 28:4

Dad-on usab nako pagbalik nganhi niining dapita si Jeconias nga anak ni Jehoiakim, ang hari sa Juda, ug ang tanang mga binihag sa Juda nga miadto sa Babilonia, nag-ingon ang Ginoo, kay akong balion ang yugo sa hari sa Babilonia.”

Jeremias 29:1

Mao kini ang mga pulong sa sulat ni Jeremias nga propeta nga gipadala niya gikan sa Jerusalem ngadto sa mga kadagkoan sa mga binihag, ug ngadto sa mga pari, sa mga propeta ug sa tibuok nga katawhan, nga gibihag ni Nabucodonosor gikan sa Jerusalem ngadto sa Babilonia.

Jeremias 29:2

Kini nahitabo human mibiya sa Jerusalem si Hari Jeconias ug ang rayna nga inahan, ang mga yunoko, ang mga pangulo sa Juda ug sa Jerusalem, ang mga batid sa pagpamuhat ug ang mga tigsalsal.

Jeremias 37:1

Si Zedekias nga anak ni Josias nga gihimong hari sa yuta sa Juda ni Nabucodonosor nga hari sa Babilonia, naghari puli kang Conias nga anak ni Jehoiakim.

Ezequiel 17:4

Iyang giputol ang kinatumyan sa linghod nga mga sanga niini; iyang gidala ngadto sa yuta sa patigayon, iyang gipahimutang kini sa usa ka siyudad sa mga tigpatigayon.

Ezequiel 19:9

Gibutang nila siya sa halwa pinaagi sa mga kaw-it ug gidala siya ngadto sa hari sa Babilonia; gidala nila siya ngadto sa bilanggoan aron ang iyang tingog dili na madungog pag-usab didto sa kabukiran sa Israel.

Amos 3:7

Sa pagkatinuod ang Ginoong Dios dili magbuhat ug bisan unsa nga dili magpadayag sa iyang tinago ngadto sa iyang mga alagad nga mga propeta.

Amos 7:1

Mao kini ang gipakita sa Ginoong Dios kanako: gihimo niya ang mga panon sa dulon sa dihang misugod pagtubo ang ulahing pagpanurok, ug kadto ang ulahing pagpanurok human sa pagpanggalab sa hari.

Amos 7:4

Mao kini ang gipakita kanako sa Ginoong Dios: ang Ginoong Dios nagtawag ug paghukom pinaagi sa kalayo ug kini milamoy sa dakong kahiladman ug naglamoy sa yuta.

Amos 7:7

Gipakita niya kanako: ang Ginoo mitindog tupad sa usa ka kuta nga binuhat pinaagi sa usa ka tunton, usa ka tunton diha sa iyang kamot.

Zacarias 1:20

Ug ang Ginoo nagpakita kanako sa upat ka mga tigsalsal.

Zacarias 3:1

Unya iyang gipakita kanako si Josue, ang labawng pangulong pari nga nagtindog sa atubangan sa anghel sa Ginoo, ug si Satanas nga nagtindog dapit sa iyang tuo nga kamot aron sa pagsumbong kaniya.