Jeremias 23:9

Ang Biblia 2011

Mahitungod sa mga propeta: Ang akong kasingkasing nadugmok sa sulod nako, ang tanan nako nga mga bukog nangurog; ako sama sa usa ka tawo nga hubog, sama sa usa ka tawo nga gidaog sa bino, tungod sa Ginoo ug tungod sa iyang balaan nga mga pulong.

Cross References

Salmo 60:3

Gipaantos nimo ang imong katawhan sa mga kalisdanan; gipainom nimo kami sa bino nga makabarag kanamo.

Salmo 69:20

Ang pagpakaulaw nakadugmok sa akong kasingkasing, busa ako nagmagul-anon. Nangita ako ug kaluoy, apan wala; ug mga tiglipay, apan wala akoy nakit-an.

Isaias 28:1

Alaot kadtong purongpurong sa garbo sa mga palahubog sa Efraim, ug sa nagkalawos nga bulak sa iyang mahimayaong kaanyag, nga anaa sa ulo sa tabunok nga walog niadtong nangapukan tungod sa bino!

Isaias 29:9

Pakurati ang inyong kaugalingon ug kakugang, butai ang inyong kaugalingon ug pagpakabuta! Paghubog, apan dili sa bino; pagsusapinday, apan dili sa isog nga ilimnon!

Isaias 51:21

Busa pamatia kini, ikaw nga sinakit, nga hubog, apan dili sa bino:

Isaias 6:5

Unya miingon ako, “Alaot ako! Kay ako nawala; tungod kay ako usa ka tawo nga hugaw ug mga ngabil; ug ako nagpuyo taliwala sa mga tawo nga hugaw ug mga ngabil; kay ang akong mga mata nakakita sa Hari, ang Ginoo sa mga panon!”

Jeremias 20:9

Kon ako moingon, “Dili ako maghisgot kaniya, o magsulti pa sa iyang ngalan,” ania sa akong kasingkasing ang sama sa nagdilaab nga kalayo nga natakpan sulod sa akong mga bukog, ug ako gikapoyan sa pagpugong niini ug dili na makaantos.

Jeremias 36:16

Sa dihang nakadungog sila sa tanang mga pulong, sila milingi sa usa ug usa nga may kahadlok ug miingon kang Baruk, “Kinahanglan nga among isugilon kining tanang mga pulong ngadto sa hari.”

Jeremias 5:31

ang mga propeta nagpropesiya ug bakak, ug ang mga pari nagmando diha sa ilang kaugalingong kagahom; ang akong katawhan nahigugma nga maingon niana, apan unsay inyong buhaton kon ang kataposan moabot?

Jeremias 8:18

Ang akong kasubo dili gayod mahupay, ang akong kasingkasing luya sa sulod nako.

Jeremias 9:1

O katubigan unta ang akong ulo, ug ang akong mga mata tuboran sa mga luha, aron ako maghilak adlaw ug gabii tungod sa mga nangamatay sa anak nga babaye sa akong katawhan!

Mga Pagbangotan 3:15

Gipuno niya ako sa kapaitan, gitagbaw niya ako sa panyawan.

Ezequiel 13:3

Mao kini ang giingon sa Ginoong Dios: Alaot ang mga buangbuang nga propeta nga nagsunod sa ilang kaugalingon nga espiritu ug walay nakita!

Ezequiel 9:4

Ug ang Ginoo miingon kaniya, “Lakaw, latas sa siyudad, latas sa Jerusalem, ug ibutang ang usa ka timaan diha sa mga agtang sa mga tawo nga nagpanghupaw ug nag-agulo tungod sa tanang mga dulumtanan nga gibuhat diha niini.”

Ezequiel 9:6

Patya gayod ang mga tigulang, ang mga batan-ong lalaki ug ang mga ulay, ug ang mga bata ug ang kababayen-an, apan ayaw ninyo hilabti ang tawo nga may timaan, ug pagsugod kamo diha sa akong balaan nga puluy-anan.” Unya gisugdan nila ang mga tigulang nga diha sa atubangan sa balay.

Daniel 8:27

Unya ako, si Daniel, nagluya ug nasakit sa pipila ka adlaw. Unya ako mitindog ug nagbuhat sa buluhaton sa hari apan nahibulong ako sa panan-awon, ug wala makasabot niini.

Habacuc 3:16

Nakabati ako, ug mikurog ang akong lawas, ang akong mga ngabil mikurog sa pagkabati sa tingog; ang pagkadunot misulod sa akong kabukogan, nagkurogkurog ang akong mga lakang. Magpaabot lamang ako sa hilom alang sa adlaw sa kasamok sa pag-abot ngadto sa katawhan nga mosulong kanamo.

Roma 7:9

Buhi ako kaniadto nga wala pay Balaod, apan sa pag-abot sa kasugoan, ang sala nabuhi ug ako namatay.