Jeremias 23:8

Ang Biblia 2011

kondili, ‘Ingon nga buhi ang Ginoo nga nagdala ug nagmando sa kaliwatan sa banay sa Israel gikan sa amihanang dapit ug gikan sa tanang dapit diin giabog niya sila.’ Unya magpuyo sila sa ilang kaugalingong yuta.”

Cross References

Isaias 11:11

Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia, sa Elam, sa Sinar, sa Hamat, ug gikan sa mga pulo sa dagat.

Isaias 14:1

Ang Ginoo maluoy kang Jacob, ug pilion na usab niya ang Israel, ug ipahiluna sila sa ilang kaugalingong yuta, ug ang mga langyaw makigtipon kanila ug motipon sila sa balay ni Jacob.

Jeremias 16:14

“Busa, ania, ang mga adlaw nagsingabot, nag-ingon ang Ginoo, nga dili na kini masulti, ‘Ingon nga buhi ang Ginoo nga nagdala sa katawhan sa Israel gikan sa yuta sa Ehipto,’

Jeremias 16:15

kondili, ‘Ingon nga buhi ang Ginoo nga nagdala sa katawhan sa Israel gikan sa yuta sa amihanan ug gikan sa tanang mga yuta diin sila giabog niya.’ Kay dad-on nako sila pagbalik ngadto sa ilang yuta nga akong gihatag sa ilang mga katigulangan.

Jeremias 23:3

Unya tigomon nako ang nahibilin sa akong panon gikan sa tanang mga dapit diin didto giabog ko sila ug dad-on nako sila pagbalik ngadto sa ilang mga toril ug sila magmabungahon ug mosanay.

Jeremias 29:14

ako makaplagan ninyo, nag-ingon ang Ginoo, ug akong ipahiuli ang inyong maayong kahimtang ug tigomon kamo gikan sa tanang mga nasod ug sa tanang mga dapit diin giabog ko kamo, nag-ingon ang Ginoo, ug dad-on ko kamo pagbalik ngadto sa dapit diin kamo gihinginlan gikan niini.

Jeremias 30:10

“Busa ayaw kahadlok, O Jacob nga akong alagad, nag-ingon ang Ginoo, ayaw kalisang, O Israel; kay tan-awa, luwason nako ikaw gikan sa layo, ug ang imong kaliwatan gikan sa yuta sa ilang pagkabihag. Si Jacob mobalik ug makabaton ug kalinaw ug kahusay, ug walay maghadlok kaniya.

Jeremias 30:3

Kay tan-awa, ang mga adlaw nagsingabot, nag-ingon ang Ginoo, nga ibalik na nako ang maayong kahimtang sa akong katawhan nga Israel ug Juda, nag-ingon ang Ginoo, ug dad-on nako sila pagbalik ngadto sa yuta nga akong gihatag sa ilang mga katigulangan, ug sila manag-iya niini.”

Jeremias 31:8

Tan-awa, dad-on nako sila gikan sa amihanan nga yuta, ug tigomon nako sila gikan sa kinalayoang mga bahin sa yuta, uban kanila ang buta ug ang bakol, ang babaye nga nagmabdos ug siya nga nagbati; usa ka dakong pundok, mobalik sila dinhi.

Jeremias 32:37

Tan-awa, tigomon nako sila gikan sa tanang dapit diin nako sila aboga tungod sa akong kasuko ug sa akong kapungot ug sa dakong kaligutgot. Dad-on nako sila pagbalik nganhi niining dapita, ug papuy-on nako sila nga layo sa kakuyaw.

Jeremias 8:3

Ang kamatayon maoy palabihon kay sa kinabuhi sa tanang mga salin nga nahibilin niining daotang panimalay sa tanang mga dapit diin didto giabog nako sila, nag-ingon ang Ginoo sa mga panon.

Ezequiel 28:25

“Mao kini ang giingon sa Ginoong Dios: Sa diha nga tigomon nako ang banay sa Israel gikan sa mga katawhan diin sila nagkatibulaag, ug magpadayag sa akong pagkabalaan diha kanila sa panan-aw sa mga nasod, sila magpuyo sa ilang kaugalingong yuta nga akong gihatag sa akong sulugoon nga si Jacob.

Ezequiel 34:13

Ug kuhaon nako sila gikan sa mga katawhan ug tigomon sila gikan sa kayutaan ug dad-on nako sila ngadto sa ilang kaugalingong yuta, ug pasibsibon nako sila sa kabukiran sa Israel, duol sa mga tuboran sa tubig ug sa tanang mga gipuy-an nga mga dapit sa yuta.

Ezequiel 36:24

Kay panguhaon ko kamo gikan sa taliwala sa kanasoran, ug tigomon ko kamo gikan sa tanang kayutaan, ug panad-on kamo ngadto sa inyong kaugalingon nga yuta.

Ezequiel 36:35

Ug sila moingon, ‘Kining yutaa nga biniyaan nahimong sama sa tanaman sa Eden, ug ang awaaw ug biniyaan ug guba nga mga siyudad gipuy-an na ug giparilan.’

Ezequiel 37:25

Sila magpuyo sa yuta nga gipuy-an sa inyong mga katigulangan, nga akong gihatag sa akong alagad nga si Jacob, ug sila ug ang ilang mga anak ug ang mga anak sa ilang mga anak magpuyo didto hangtod sa kahangtoran, ug ang akong alagad nga si David mahimo nga ilang pangulo hangtod sa kahangtoran.

Ezequiel 39:28

Unya sila makaila nga ako mao ang Ginoo nga ilang Dios, tungod kay ako ang nagpabihag kanila ngadto sa mga nasod, ug unya nagtigom kanila ngadto sa ilang kaugalingong yuta. Ug ako walay ibilin bisan kinsa kanila didto.

Joel 3:7

Apan karon, aghaton nako sila gikan sa mga dapit diin gibaligya ninyo sila ug balosan nako ang inyong binuhatan nganha sa inyong ulo.

Miqueas 7:15

Sama sa mga adlaw sa paggula nimo gikan sa yuta sa Ehipto, ipakita nako kanila ang mga butang nga kahibulongan.

Sofonias 3:20

Nianang panahona dad-on ko kamo sa inyong pinuy-anan, sa panahon nga tigomon ko kamo. Kay kamo himoon nako nga bantogan ug dinayeg taliwala sa tanang mga katawhan sa yuta, sa diha nga ipahiuli nako ang inyong maayong kahimtang sa atubangan sa inyong mga mata, nag-ingon ang Ginoo.