Jeremias 23:7

Ang Biblia 2011

“Busa, tan-awa, ang mga adlaw nagsingabot, nag-ingon ang Ginoo, nga ang mga tawo dili na moingon, ‘Ingon nga buhi ang Ginoo nga nagdala sa katawhan sa Israel gikan sa yuta sa Ehipto,’

Cross References

Isaias 11:11

Nianang adlawa ang Ginoo magbakyaw sa iyang kamot sa ikaduhang higayon aron sa pagbawi sa salin sa iyang katawhan nga nahibilin, gikan sa Asiria, sa Ehipto, sa Patros, sa Etiopia, sa Elam, sa Sinar, sa Hamat, ug gikan sa mga pulo sa dagat.

Isaias 43:5

Ayaw kahadlok, kay ako ania uban kanimo; dad-on nako ang imong kaliwatan gikan sa silangan, ug tigomon ikaw gikan sa kasadpan.

Jeremias 23:3

Unya tigomon nako ang nahibilin sa akong panon gikan sa tanang mga dapit diin didto giabog ko sila ug dad-on nako sila pagbalik ngadto sa ilang mga toril ug sila magmabungahon ug mosanay.

Jeremias 30:3

Kay tan-awa, ang mga adlaw nagsingabot, nag-ingon ang Ginoo, nga ibalik na nako ang maayong kahimtang sa akong katawhan nga Israel ug Juda, nag-ingon ang Ginoo, ug dad-on nako sila pagbalik ngadto sa yuta nga akong gihatag sa ilang mga katigulangan, ug sila manag-iya niini.”

Joel 3:5

Kay inyong gikuha ang akong plata ug ang akong bulawan ug gidala ang akong daghang mga bahandi ngadto sa inyong mga templo.

Miqueas 7:15

Sama sa mga adlaw sa paggula nimo gikan sa yuta sa Ehipto, ipakita nako kanila ang mga butang nga kahibulongan.