Jeremias 23:5

Ang Biblia 2011

“Ang mga adlaw nagsingabot gayod, nag-ingon ang Ginoo, nga ako magpatindog alang kang David ug usa ka matarong nga Sanga, ug siya magmando ingon nga hari ug magdumala nga maalamon ug magpahamtang sa hustisya ug pagkamatarong dinhi sa yuta.

Cross References

2 Samuel 23:3

Ang Dios sa Israel nagsulti, ang Bato sa Israel nagsulti kanako: Kon ang usa ka tawo maghari sa katawhan uban sa katarong, naghari diha sa kahadlok sa Dios,

Salmo 45:4

Diha sa imong pagkahalangdon pagkabayo nga madaogon tungod sa kamatuoran ug sa pagpanalipod sa pagkamatarong; itugot nga ang imong tuong kamot magtudlo kanimo ug mga butang nga makalilisang!

Salmo 80:15

ang punoan nga gitanom sa imong tuong kamot

Salmo 99:4

Gamhanang Hari, mahigugmaon sa hustisya, ikaw nagpahiluna sa kaangayan; ikaw nagpahamtang sa hustisya ug pagkamatarong diha kang Jacob.

Isaias 33:5

Ang Ginoo gipasidunggan, kay siya nagpuyo sa kahitas-an; pun-on niya ang Zion sa hustisya ug pagkamatarong;

Isaias 4:2

Nianang adlawa, ang sanga sa Ginoo mahimong matahom ug mahimayaon, ug ang bunga sa yuta mahimong garbo ug himaya sa mga nahibilin sa Israel.

Isaias 42:6

“Ako mao ang Ginoo, ako nagtawag kanimo diha sa pagkamatarong, ako nagkupot sa imong kamot ug nagbantay kanimo; ako naghatag kanimo ngadto sa katawhan ingon nga usa ka kasabotan, usa ka suga ngadto sa kanasoran,

Isaias 45:24

“Sa Ginoo lamang, giingon kini mahitungod kanako, anaa ang pagkamatarong ug ang kusog, kaniya manuol ug maulawan kadtong tanan nga nasilag kaniya.

Isaias 52:13

Tan-awa, ang akong sulugoon mouswag, siya pasidunggan ug bayawon, ug mahimong habog gayod kaayo.

Isaias 53:10

Apan kabubut-on sa Ginoo ang pagsamad kaniya; gisakit niya siya; sa diha nga gihimo niya ang iyang kaugalingon nga usa ka halad alang sa sala, makita niya ang iyang kaliwat, siya maglugway sa iyang mga adlaw; ug ang kabubut-on sa Ginoo mouswag diha sa iyang kamot;

Isaias 53:2

Kay siya mitubo sa iyang atubangan sama sa usa ka linghod nga tanom, ug sama sa gamot sa uga nga yuta; siya walay panagway o kaanyag nga kita motan-aw kaniya, ug walay katahom nga kita magtinguha kaniya.

Isaias 9:5

Kay ang tanang sapatos sa mga sundalo diha sa gubat ug ang tanang bisti nga natumog sa dugo, sunogon ingon nga sugnod sa kalayo.

Isaias 9:6

Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”

Isaias 9:7

Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.

Jeremias 22:15

Nagtuo ka ba nga ikaw hari tungod kay ikaw nagpalabaw pinaagi sa sedro? Dili ba nga ang imong amahan nagkaon ug nag-inom ug nagbuhat ug hustisya ug pagkamatarong? Unya kadto maayo alang kaniya.

Jeremias 22:3

Mao kini ang giingon sa Ginoo: Buhata ninyo ang hustisya ug ang pagkamatarong, ug luwasa siya nga gitulis gikan sa kamot sa nagdaogdaog. Ayaw pagbuhat ug kasaypanan o kapintas ngadto sa langyaw, sa wala nay amahan ug sa biyuda o magpaagas ug dugo sa walay sala niining dapita.

Jeremias 22:30

Mao kini ang giingon sa Ginoo: “Isulat kining tawhana ingon nga walay anak, usa ka tawo nga dili mouswag sa iyang mga adlaw; kay walay usa sa iyang kaliwat nga mouswag diha sa paglingkod sa trono ni David, ug sa pagmando pag-usab diha sa Juda.”

Jeremias 23:6

Sa iyang mga adlaw ang Juda maluwas, ug ang Israel magpuyo nga layo sa kakuyaw. Ug mao kini ang ngalan nga itawag kaniya: ‘Ang Ginoo mao ang among pagkamatarong.’

Jeremias 29:11

Kay ako nahibalo sa akong mga laraw alang kaninyo, nag-ingon ang Ginoo, mga laraw sa kaayohan ug dili sa kadaotan, sa paghatag kaninyo ug kaugmaon ug paglaom.

Jeremias 30:3

Kay tan-awa, ang mga adlaw nagsingabot, nag-ingon ang Ginoo, nga ibalik na nako ang maayong kahimtang sa akong katawhan nga Israel ug Juda, nag-ingon ang Ginoo, ug dad-on nako sila pagbalik ngadto sa yuta nga akong gihatag sa ilang mga katigulangan, ug sila manag-iya niini.”

Jeremias 30:9

Apan sila mag-alagad sa Ginoo nga ilang Dios ug kang David nga ilang hari nga maoy akong paharion kanila.

Jeremias 31:27

“Tan-awa, ang mga adlaw nagsingabot, nag-ingon ang Ginoo, nga akong pugsan ang balay sa Israel ug ang balay sa Juda sa binhi sa tawo ug sa binhi sa mananap.

Ezequiel 21:27

Usa ka guba, usa ka guba, himoon nako kini nga guba. Wala na gani unyay makita niini hangtod moabot siya nga may katungod niini ug ihatag nako kini kaniya.

Ezequiel 34:16

Pangitaon nako kadtong nawala, pabalikon kadtong nagkatibulaag sa layo, bugkosan ang napiang ug palig-onon ang nagmaluyahon, apan akong laglagon ang mga tambok ug kusgan, sila pasibsibon nako diha sa hustisya.

Ezequiel 34:29

Ug ako maghatag kanila ug usa ka malamboon nga tanaman aron dili sila mahurot tungod sa gutom diha sa yuta o mag-antos pa sa pakaulaw sa mga nasod.

Ezequiel 45:8

Kini mao ang iyang mapanag-iya diha sa Israel. Ug ang akong mga pangulo dili na magdaogdaog sa akong katawhan, hinuon ihatag nila sa balay sa Israel ang yuta sumala sa ilang mga banay.

Daniel 9:24

Ang gisugo mahitungod sa imong katawhan ug sa imong balaang siyudad, sa paghuman sa kalapasan ug sa pagtapos sa mga sala, ug sa paghimo sa pagtabon alang sa kasal-anan, ug sa pagdala sa walay kataposang pagkamatarong, ug sa pagmatuod sa panan-awon ug sa propeta, ug pagdihog sa labing balaan nga dapit, 70 ka pito ka tuig.

Oseas 1:11

Ang katawhan sa Juda ug ang katawhan sa Israel tigomon ug sila magtudlo ug usa ka pangulo alang kanila ug manungas gikan sa yuta kay dako ang adlaw ni Jesreel.

Oseas 3:5

Human niana ang mga anak sa Israel mamalik, ug mangita sa Ginoo nga ilang Dios ug kang David nga ilang hari. Sila mangadto nga may kahadlok sa Ginoo ug sa iyang pagkamaayo sa ulahing mga adlaw.

Amos 9:11

“Nianang adlawa akong patindogon ang balongbalong ni David nga napukan ug ayohon ang mga nangalumpag niini, ug akong bangonon ang mga nangaguba niini, ug tukoron kini nako pag-usab ingon sa mga adlaw sa kakaraanan;

Miqueas 5:3

Busa pasagdan niya sila hangtod sa panahon nga kadtong nagbati manganak; unya ang uban sa iyang kaigsoonan mobalik ngadto sa katawhan sa Israel.

Zacarias 3:8

Pamati karon, O Josue nga labawng pangulong pari, ikaw ug ang imong mga higala nga naglingkod sa imong atubangan, kay sila mga tawo nga adunay maayong tilimad-on: tan-awa, paanhion nako ang akong alagad nga mao ang Sanga.

Zacarias 9:9

Paglipay sa hilabihan, O anak nga babaye sa Zion! Singgit ug kusog, O anak nga babaye sa Jerusalem! Tan-awa, ang imong hari mianhi kanimo, malamposon ug madaogon siya, mapaubsanon ug nagsakay sa asno, sa usa ka nati nga asno.

Mateo 2:2

“Hain man ang gipanganak nga hari sa mga Judio? Kay nakita namo ang iyang bituon didto sa Sidlakan ug nanganhi kami aron sa pagsimba kaniya.”

Juan 1:45

Unya gikahibalag ni Felipe si Natanael, ug giingnan siya, “Among gikahibalag siya nga gihisgotan sa gisulat ni Moises diha sa Balaod ug sa mga Propeta usab. Siya si Jesus nga Nazaretnon, ang anak ni Jose.”

Juan 1:49

Ug si Natanael mitubag kaniya, “Rabi, ikaw mao ang Anak sa Dios! Ikaw mao ang Hari sa Israel!”

1 Mga Taga-Corinto 1:30

Apan tungod kaniya kamo anaa kang Cristo Jesus, nga gihimo nga atong kaalam gikan sa Dios, pagkamatarong, pagkabalaan, pagkatinubos,

Mga Hebreo 8:8

Apan kay nakita man sa Dios nga sila may apan, siya nag-ingon, “Moabot ang mga adlaw, nag-ingon ang Ginoo, nga himoon nako ang usa ka bag-ong kasabotan uban sa panimalay ni Israel ug sa panimalay ni Juda;

Gipadayag 19:11

Unya nakita nako nga nabukas ang langit, ug dihay usa ka puti nga kabayo! Ang nagkabayo niini ginganlan ug Kasaligan ug Matuod ug pinaagi sa pagkamatarong siya naghukom ug nakiggubat.