Jeremias 23:3

Ang Biblia 2011

Unya tigomon nako ang nahibilin sa akong panon gikan sa tanang mga dapit diin didto giabog ko sila ug dad-on nako sila pagbalik ngadto sa ilang mga toril ug sila magmabungahon ug mosanay.

Cross References

Salmo 106:47

Luwasa kami, O Ginoo nga among Dios, ug tigoma kami gikan sa kanasoran, aron kami magpasalamat sa imong ngalan nga balaan, ug maghimaya diha sa pagdayeg kanimo.

Jeremias 16:15

kondili, ‘Ingon nga buhi ang Ginoo nga nagdala sa katawhan sa Israel gikan sa yuta sa amihanan ug gikan sa tanang mga yuta diin sila giabog niya.’ Kay dad-on nako sila pagbalik ngadto sa ilang yuta nga akong gihatag sa ilang mga katigulangan.

Jeremias 29:14

ako makaplagan ninyo, nag-ingon ang Ginoo, ug akong ipahiuli ang inyong maayong kahimtang ug tigomon kamo gikan sa tanang mga nasod ug sa tanang mga dapit diin giabog ko kamo, nag-ingon ang Ginoo, ug dad-on ko kamo pagbalik ngadto sa dapit diin kamo gihinginlan gikan niini.

Jeremias 30:10

“Busa ayaw kahadlok, O Jacob nga akong alagad, nag-ingon ang Ginoo, ayaw kalisang, O Israel; kay tan-awa, luwason nako ikaw gikan sa layo, ug ang imong kaliwatan gikan sa yuta sa ilang pagkabihag. Si Jacob mobalik ug makabaton ug kalinaw ug kahusay, ug walay maghadlok kaniya.

Jeremias 30:3

Kay tan-awa, ang mga adlaw nagsingabot, nag-ingon ang Ginoo, nga ibalik na nako ang maayong kahimtang sa akong katawhan nga Israel ug Juda, nag-ingon ang Ginoo, ug dad-on nako sila pagbalik ngadto sa yuta nga akong gihatag sa ilang mga katigulangan, ug sila manag-iya niini.”

Jeremias 31:7

Kay mao kini ang giingon sa Ginoo, “Pag-awit kamo ug kusog uban sa kalipay alang kang Jacob, ug paninggit kamo alang sa pangulo sa mga nasod; pagsangyaw kamo, paghatag ug pagdayeg ug isulti, ‘Ang Ginoo nagluwas sa iyang katawhan, sa nahibilin sa Israel.’

Jeremias 31:8

Tan-awa, dad-on nako sila gikan sa amihanan nga yuta, ug tigomon nako sila gikan sa kinalayoang mga bahin sa yuta, uban kanila ang buta ug ang bakol, ang babaye nga nagmabdos ug siya nga nagbati; usa ka dakong pundok, mobalik sila dinhi.

Jeremias 32:37

Tan-awa, tigomon nako sila gikan sa tanang dapit diin nako sila aboga tungod sa akong kasuko ug sa akong kapungot ug sa dakong kaligutgot. Dad-on nako sila pagbalik nganhi niining dapita, ug papuy-on nako sila nga layo sa kakuyaw.

Jeremias 46:27

“Apan ayaw kahadlok, O Jacob nga akong alagad, o malisang ikaw Oh Israel; kay tan-awa, ikaw akong luwason gikan sa layo, ug ang imong kaliwatan gikan sa yuta sa ilang pagkabinihag; Si Jacob mobalik ug makabaton ug kalinaw ug kasayon ug walay makapahadlok kaniya.

Jeremias 50:19

Akong ibalik ang Israel ngadto sa iyang sibsibanan, ug siya magsibsib diha sa Carmel ug sa Basan, ug ang iyang tinguha matagbaw diha sa kabungtoran sa Efraim ug sa Gilead.

Jeremias 8:3

Ang kamatayon maoy palabihon kay sa kinabuhi sa tanang mga salin nga nahibilin niining daotang panimalay sa tanang mga dapit diin didto giabog nako sila, nag-ingon ang Ginoo sa mga panon.

Ezequiel 11:17

Busa isulti, ‘Mao kini ang giingon sa Ginoong Dios: Tigumon ko kamo gikan sa mga katawhan, ug pundokon gikan sa mga kayutaan diin kamo gipatibulaag, ug ako maghatag kaninyo sa yuta sa Israel.’

Ezequiel 36:11

Padaghanon nako diha kaninyo ang tawo ug ang mga mananap, ug sila modaghan ug magmabungahon. Himoon nako nga puy-an kamo sama sa kahimtang ninyo kaniadto ug buhaton nako ang labi pang maayo kaninyo kay sa kaniadto. Unya kamo makaila nga ako mao ang Ginoo.

Ezequiel 36:24

Kay panguhaon ko kamo gikan sa taliwala sa kanasoran, ug tigomon ko kamo gikan sa tanang kayutaan, ug panad-on kamo ngadto sa inyong kaugalingon nga yuta.

Ezequiel 36:37

“Mao kini ang giingon sa Ginoong Dios: Ipapangayo usab nako sa balay sa Israel ngari kanako ang pagbuhat niini alang kanila, nga padaghanon nako sila sama sa usa ka panon.

Levitico 26:9

Ako mag-atiman kaninyo ug himoon ko kamo nga mabungahon ug padaghanon ug lig-onon nako ang akong kasabotan uban kaninyo.

Miqueas 2:12

Tigomon gayod nako kamong tanan, O Jacob, tigomon nako ang mga salin sa Israel; tigomon nako sila sama sa mga karnero sa toril, sama sa panon sa karnero diha sa ilang sibsibanan, usa ka banha nga panon sa katawhan.

Miqueas 7:12

Nianang adlawa sila moanha kanimo, gikan sa Asiria ngadto sa Ehipto, ug gikan sa Ehipto ngadto sa Suba, gikan sa dagat ngadto sa dagat ug gikan sa bukid ngadto sa bukid.