Jeremias 23:26

Ang Biblia 2011

Hangtod kanus-a kutob nga adunay mga bakak sa kasingkasing sa mga propeta nga nagpropesiya ug mga bakak ug nagpropesiya ug limbong sa kaugalingon nilang kasingkasing,

Cross References

Salmo 4:2

O katawhan, hangtod kanus-a ba nga ang akong dungog mapakaulawan? Hangtod kanus-a ba ang inyong paghigugma sa kakawangan, ug ang inyong pagpangita sa mga bakak? Selah

Isaias 30:10

nga nag-ingon sa mga tigpanagna, “Ayaw pagtan-aw”; ug ngadto sa mga propeta, “Ayaw pagpropesiya kanamo sa mga butang nga matarong, pagsulti kanamo ug malumo nga mga butang, pagpropesiya ug mga lamat,

Jeremias 13:27

Nakita nako ang imong mga dulumtanan, ang imong mga pagpanapaw ug ang imong mga pagbahihi, ang kalaw-ay sa imong pagpakighilawas, diha sa mga bungtod sa kaumahan. Alaot ikaw, O Jerusalem! Unsa ba ka dugay hangtod nga ikaw mahimo nga hinlo?”

Jeremias 14:14

Unya ang Ginoo miingon kanako, “Ang mga propeta nagpropesiya ug mga bakak sa akong ngalan. Wala ako magpadala kanila, o magsugo kanila, o magsulti kanila. Nagpropesiya sila kaninyo ug mga bakak nga panan-awon, walay pulos nga pagpanagna ug limbong sa ilang kaugalingong mga hunahuna.

Jeremias 17:9

Ang kasingkasing malimbongon labaw sa tanang mga butang, ug hilabihan gayod ka daotan; kinsay makasabot niini?

Jeremias 4:14

O Jerusalem, hugasi ang imong kasingkasing gikan sa kadaotan, aron ikaw maluwas. Hangtod kanus-a ba nga ang imong daotan nga hunahuna magpuyo diha kanimo?

Oseas 8:5

Gisalibay ang imong nating baka, O Samaria. Ang akong kasilag nagdilaab batok kanila. Kanus-a ba sila maputli?

Mga Buhat 13:10

ug miingon, “Ikaw nga anak sa yawa, ikaw nga kaaway sa tanang pagkamatarong, puno sa tanang limbong ug kadaotan, dili ka ba mohunong sa pagtuis sa mga tul-id nga dalan sa Ginoo?

2 Timoteo 4:3

Kay moabot ang panahon nga ang mga tawo dili na molahutay sa maayong pagtulun-an, kondili sumala sa ilang kaugalingong mga pangibog, magpatigom sila ug mga magtutudlo nga maghapohap sa ilang nagkatol nga mga dalunggan,

2 Pedro 1:21

tungod kay walay propesiya nga miabot pinaagi sa kabubut-on sa tawo apan minandoan sa Espiritu Santo, ang mga tawo nagsulti gikan sa Dios.