Jeremias 23:22

Ang Biblia 2011

Apan kon sila mibarog diha sa akong tambag, makasangyaw unta sila sa akong mga pulong ngadto sa akong katawhan, ug mapalikay unta nila sila gikan sa daotan nilang dalan, ug gikan sa daotan nilang mga buhat.

Cross References

Zacarias 1:4

Ayaw kamo pagpakasama sa inyong katigulangan, nga kanila ang unang propeta misinggit, ‘Mao kini ang giingon sa Ginoo sa mga panon, Balik kamo karon gikan sa inyong daotan nga mga pamaagi, ug gikan sa inyong daotan nga mga buhat.’ Apan sila wala mamati o magpatalinghog kanako, nag-ingon ang Ginoo.

Jeremias 25:5

sa pag-ingon, ‘Pamiya kamo karon, ang matag usa kaninyo gikan sa iyang daotang pamaagi, ug sayop nga mga binuhatan ug pamuyo kamo sa yuta nga gihatag sa Ginoo kaninyo ug sa inyong mga katigulangan, sukad sa kakaraanan ug hangtod sa kahangtoran;

Jeremias 23:18

Kay kinsa ba kanila ang mibarog sa tambag sa Ginoo, aron sa pagsabot ug sa pagpamati sa iyang pulong, o kinsay bay nagtagad sa iyang pulong ug namati niini?

Mga Buhat 20:27

kay wala man nako itago kaninyo ang tanang katuyoan sa Dios.

Ezequiel 13:22

Tungod kay pinaagi sa bakak gipasubo ninyo ang kasingkasing sa matarong bisan ug wala ako magpasubo kaniya, ug gidasig ninyo ang daotan aron nga siya dili motalikod gikan sa daotan niyang dalan aron pagluwas sa iyang kinabuhi,

Jeremias 35:15

Ako nagpadala nganha kaninyo sa tanan nakong mga alagad, ang mga propeta, gipadala nako sila sa pag-ingon, ‘Biya kamo karon, ang matag usa kaninyo gikan sa iyang daotang dalan ug usba ang inyong mga binuhatan, ug ayaw pagsunod sa laing mga dios aron sa pag-alagad kanila, ug unya kamo magpuyo sa yuta nga akong gihatag kaninyo ug sa inyong mga katigulangan.’ Apan wala kamo magpakiling sa inyong mga dalunggan o mamati kanako.

1 Mga Taga-Tesalonica 5:6

busa, dili kita mangatulog, sama sa uban, hinuon magtukaw kita ug magmaugdang.

Ezequiel 3:17

“Anak sa tawo, gihimo ko ikaw nga tigbantay alang sa balay sa Israel. Sa dihang makadungog ikaw ug pulong gikan sa akong baba, hatagi sila sa pasidaan gikan kanako.

Ezequiel 2:7

Ug ikaw magsulti kanila sa akong mga pulong, mamati man sila o magdumili sa pagpamati, kay sila usa ka panimalay nga masupilon.

Ezequiel 18:30

“Busa ako maghukom kanimo, O balay sa Israel, ang matag usa sumala sa iyang mga pamaagi, nag-ingon ang Ginoong Dios. Paghinulsol kamo ug talikdi ninyo ang tanan ninyong kalapasan aron ang pagkadaotan dili mahimong inyong kalaglagan.

Jeremias 36:3

Basin pa ug ang balay sa Juda sa diha nga makadungog sa tanang kadaot nga gitinguha nako nga buhaton kanila, ang matag usa kanila mobiya gikan sa daotan niyang pamaagi ug nga mapasaylo nako ang ilang kasaypanan ug ang ilang mga sala.”

Jeremias 9:12

Kinsa bay tawo nga maalamon kaayo nga makasabot niini? Kinsa bay gisultihan sa Ginoo, aron siya makapahayag niini? Nganong nalaglag man ang yuta ug naawaaw sama sa kamingawan, nga tungod niini wala nay moagi?

Jeremias 23:14

Apan sa mga propeta sa Jerusalem, nakita nako ang usa ka makalilisang nga butang: sila nanapaw ug nagkinabuhi sa kabakakan; gipalig-on nila ang mga kamot sa mga tigbuhat ug daotan, aron walay mobiya gikan sa iyang pagkadaotan; ang tanan kanila nahimong sama sa Sodoma alang kanako ug ang mga nagpuyo niini sama sa Gomora.”

Ezequiel 13:5

Kamo wala makaadto sa mga buho, o makatukod ug paril alang sa balay sa Israel, aron makasugakod kini sa gubat sa adlaw sa Ginoo.

Amos 3:7

Sa pagkatinuod ang Ginoong Dios dili magbuhat ug bisan unsa nga dili magpadayag sa iyang tinago ngadto sa iyang mga alagad nga mga propeta.

Malaquias 2:6

Ang matuod nga pagtudlo anaa sa iyang baba ug walay sayop nga nakita diha sa iyang mga ngabil. Naglakaw siya uban kanako diha sa pakigdait ug sa pagkatul-id ug nagpabiya sa daghan gikan sa kasal-anan.