Jeremias 23:19

Ang Biblia 2011

Tan-awa, ang bagyo sa Ginoo! Ang kapungot migula, usa ka nagtuyoktuyok nga alimpulos; kini mobuto ibabaw sa ulo sa mga daotan.

Cross References

Salmo 58:9

Sa dili pa mobati ang inyong kulon sa kainit sa mga tunok, buhi man o nagdilaab na, wagtangon unta niya sila!

Mga Panultihon 1:27

sa diha nga ang kalisang moabot kaninyo sama sa usa ka bagyo, ug ang inyong kadaot moabot sama sa usa ka alimpulos, sa diha nga ang kalisdanan ug kaguol modangat kaninyo.

Mga Panultihon 10:25

Sa dihang molabay ang unos, mahanaw ang daotan, apan ang matarong malig-on hangtod sa kahangtoran.

Isaias 21:1

Ang mensahe mahitungod sa kamingawan sa dagat. Ingon nga ang mga alimpulos sa Negeb molahos, kini naggikan sa kamingawan, gikan sa usa ka yuta nga makalilisang.

Isaias 40:24

Dili sila maayong pagkatanom, dili maayong pagkapugas, ang ilang punoan wala makagamot sa yuta, sa diha nga siya maghuyop kanila, sila mangalaya, ug ang alimpulos mag-ibot kanila nga daw tuod sa balili.

Jeremias 25:31

Ang kaguliyang modangat bisan pa ngadto sa kinatumyan sa yuta, kay ang Ginoo adunay isudya batok sa mga nasod; siya mosulod ngadto sa paghukom sa tanang unod, ug ang mga daotan iyang ibutang sa espada, nag-ingon ang Ginoo.’

Jeremias 25:32

“Mao kini ang giingon sa Ginoo sa mga panon: Tan-awa, ang kadaot modangat gikan sa usa ka nasod ngadto sa laing nasod, ug ang usa ka dakong bagyo naghaguros gikan sa kinatumyan nga mga bahin sa yuta!

Jeremias 30:23

Tan-awa, ang unos sa Ginoo! Ang iyang kaligutgot migula, usa ka unos nga nagtuyok; mobuto kini diha sa ulo sa mga daotan.

Jeremias 30:24

Ang bangis nga kapungot sa Ginoo dili na mosibog hangtod nga mabuhat niya ug matuman ang mga tinguha sa iyang kasingkasing. Sa ulahing mga adlaw inyo kining masabtan.

Jeremias 4:11

Nianang panahona kini isulti ngadto niining katawhan ug sa Jerusalem, “Ang usa ka init nga hangin gikan sa mga hawan nga kabungtoran didto sa kamingawan ngadto sa anak nga babaye sa akong katawhan, dili alang sa pagtahop o pagpanghinlo,

Jeremias 51:1

Mao kini ang giingon sa Ginoo: “Tan-awa, akong hagiton ang espiritu sa tiglaglag batok sa Babilonia, batok sa mga nagpuyo sa Caldea;

Ezequiel 1:4

Samtang ako nagtan-aw, dihay usa ka unos nga migula gikan sa amihanan, usa ka dakong panganod uban ang kahayag nga naglibot niini ug ang kalayo nga nagpangidlap, ug sa taliwala niini dihay sama sa naggilakgilak nga bronsi.

Ezequiel 13:13

Busa mao kini ang giingon sa Ginoong Dios: Pinaagi sa usa ka kusog nga hangin sa akong kapungot, ug moabot ang magbaha nga ulan sa akong kasuko, ug ang dagkong ulan nga yelo sa akong kapungot sa pagguba niini.

Amos 1:14

Busa maghaling ako ug kalayo sa kuta sa Raba, ug kini maglamoy sa mga salipdanan niini uban ang mga singgit sa adlaw sa gubat, uban ang bagyo sa panahon sa alimpulos;

Zacarias 7:14

ug gipatibulaag nako sila pinaagi sa alimpulos ngadto sa tanang mga nasod nga wala nila mailhi. Sa ingon niini ang yuta nahimong kamingawan nga ilang gitalikdan, tungod kay wala nay tawo nga milatas ngadto-nganhi ug ang maayong yuta nahimong kamingawan.”

Zacarias 9:14

Unya ang Ginoo magpakita ibabaw kanila, ug ang iyang udyong mokilab sama sa kilat; ang Ginoong Dios mopatingog sa trumpeta, ug mokuyog sa mga alimpulos sa habagatan.