Jeremias 23:18

Ang Biblia 2011

Kay kinsa ba kanila ang mibarog sa tambag sa Ginoo, aron sa pagsabot ug sa pagpamati sa iyang pulong, o kinsay bay nagtagad sa iyang pulong ug namati niini?

Cross References

1 Mga Hari 22:24

Unya si Zedekias nga ang anak ni Kenaanan miduol ug misagpa kang Micaias sa aping ug miingon, “Giunsa pagbiya sa Espiritu sa Ginoo gikan kanako aron sa pagpakigsulti kanimo?”

2 Cronicas 18:23

Unya si Zedekias nga anak ni Kenaana miduol ug gisagpa si Micaias sa aping ug miingon, “Diin bang dapita nga ang Espiritu sa Ginoo mibiya gikan kanako aron sa pagpakigsulti kanimo?”

Job 21:22

May makatudlo ba sa Dios ug kahibalo, nga nakita man siya nga naghukom niadtong atua sa kahitas-an?

Job 33:31

Timan-i pag-ayo, O Job, pamati kanako; paghilom ug ako mosulti.

Salmo 25:14

Ang pagpakighigala sa Ginoo ila niadtong may kahadlok kaniya, ug siya magpadayag kanila sa iyang kasabotan.

Jeremias 23:22

Apan kon sila mibarog diha sa akong tambag, makasangyaw unta sila sa akong mga pulong ngadto sa akong katawhan, ug mapalikay unta nila sila gikan sa daotan nilang dalan, ug gikan sa daotan nilang mga buhat.

Amos 3:7

Sa pagkatinuod ang Ginoong Dios dili magbuhat ug bisan unsa nga dili magpadayag sa iyang tinago ngadto sa iyang mga alagad nga mga propeta.

Juan 15:15

Dili na nako kamo tawgon nga mga ulipon, kay ang ulipon wala masayod sa gibuhat sa iyang agalon. Apan ako nagtawag kaninyo nga mga higala kay ang tanan nga nadungog nako gikan sa akong Amahan gipahibalo nako kaninyo.

1 Mga Taga-Corinto 2:16

“Kay kinsa ba ang nakasabot sa hunahuna sa Ginoo aron motudlo kaniya?” Apan atong nabatonan ang hunahuna ni Cristo.