Jeremias 23:12

Ang Biblia 2011

Busa ang ilang dalan alang kanila mahimong mga agianan nga danglog diha sa kangitngitan, nga diha niini sila abogon ug mangahulog; kay magpadala ako kanila ug kadaot sa tuig sa pagsilot kanila, nag-ingon ang Ginoo.

Cross References

Job 18:18

Gitukmod siya gikan sa kahayag ngadto sa kangitngit, ug gihinginlan gikan sa kalibotan.

Salmo 35:6

Himoa nga ngitngit ug danglog ang ilang agianan, ug ang anghel sa Ginoo maggukod kanila!

Salmo 73:18

Sa pagkatinuod gibutang nimo sila sa mga dapit nga danglog, gihagbong nimo sila ngadto sa kalaglagan.

Salmo 82:5

Sila walay kahibalo o panabot, naglakawlakaw sila diha sa kangitngit; ang tanang mga patukoranan sa yuta nangatay-og.

Exodo 32:34

Karon lakaw, dad-a kining katawhan ngadto sa dapit nga akong giingon kanimo. Ang akong anghel mag-una kanimo apan sa adlaw sa akong pagduaw, duawon nako ang ilang sala diha kanila.”

Mga Panultihon 4:19

Ang dalan sa daotan sama sa hilabihan nga kangitngit; sila dili mahibalo kon unsa ang ilang napandolan.

Isaias 8:22

Sila motan-aw sa yuta, apan ilang makita ang kalisdanan ug ang kangitngit, ang kadulom sa kasakit, ug sila itambog ngadto sa hilabihan nga kangitngit.

Jeremias 11:23

ug walay mahibilin kanila. Kay ako magpadala ug kadaotan ngadto sa mga tawo sa Anatot, sa tuig sa pagsilot kanila.”

Jeremias 13:16

Himayaa ang Ginoo nga imong Dios sa dili pa siya magpadala ug kangitngit, sa dili pa mapandol ang inyong mga tiil sa ngiob nga kabukiran, ug samtang mangita kamo sa kahayag, iya kining gihimo nga kangitngit, ug gihimo kini nga hilabihang kangitngit.

Jeremias 48:44

Siya nga midagan gikan sa kahadlok mahulog ngadto sa gahong ug siya nga mosaka gikan sa gahong mabitik sa lit-ag. Kay dad-on nako kining mga butanga ngadto sa Moab sa tuig sa pagsilot kanila, nag-ingon ang Ginoo.

Jeremias 50:27

Pamatya ang tanan niyang mga torong baka, paadtoa sila sa ihawan. Alaot sila, kay ang ilang nga adlaw miabot na, ang panahon sa pagsilot kanila.

Jeremias 8:12

Nangaulaw ba sila sa diha nga nagbuhat sila sa dulumtanan? Wala, wala gayod sila mangaulaw, dili sila mahibalong manglipaghong. Busa mangapukan sila uban niadtong nangapukan; sa diha nga silotan nako sila, sila mangapukan, nag-ingon ang Ginoo.

Mga Pagbangotan 2:20

Tan-awa, O Ginoo, ug sud-onga! Kinsay imong gibuhatan sa ingon? Kan-on ba sa mga babaye ang ilang anak, ang mga bata nga ilang giatiman pag-ayo? Patyon ba ang pari ug ang propeta diha sa balaang puluy-anan sa Ginoo?

Miqueas 7:4

Ang labing maayo kanila sama sa sampinit, ang labing matarong kanila tanom nga tunokon. Ang adlaw sa ilang mga tigbantay, sa ilang silot miabot na; ug ang ilang pagkalibog anaa na.

Juan 12:35

Si Jesus miingon kanila, “Ang kahayag anaa pa uban kaninyo sa mubo nga panahon. Panglakaw kamo samtang anaa pa kaninyo ang kahayag, kay tingali unya ug maapsan kamo sa kangitngit. Siya nga maglakaw sa kangitngit dili mahibalo kon asa siya padulong.

Deuteronomio 32:35

Akoa ang panimalos, ug ang bayad, alang sa panahon nga ang ilang tiil madalin-as; kay ang adlaw sa ilang katalagman nagkaduol na ug ang ilang kalaglagan moabot sa kalit lamang.

1 Juan 2:11

Apan siya nga nagdumot sa iyang igsoon, anaa sa kangitngit ug naglakaw diha sa kangitngit ug wala siya mahibalo kon asa siya padulong, kay ang kangitngit mibuta man sa iyang mga mata.

Judas 1:13

Kini sila bangis nga mga balod sa dagat nga nagpabula sa ilang kaugalingong kaulawan; mga laag nga mga bituon nga ang kangiob sa kangitngit gitagana hangtod sa kahangtoran.