Jeremias 23:11

Ang Biblia 2011

“Ang propeta ug ang pari dili diosnon; bisan sa akong balay nakita nako ang ilang pagkadaotan, nag-ingon ang Ginoo.

Cross References

2 Cronicas 33:5

Siya nagtukod ug mga halaran alang sa tanang panon sa langit didto sa duha ka hawanan sa balay sa Ginoo.

2 Cronicas 33:7

Ang larawan sa diosdios nga iyang gihimo iyang gipahimutang diha sa balay sa Dios, nga tungod niana ang Dios misulti kang David ug kang Solomon nga iyang anak, “Niining balaya ug sa Jerusalem nga akong gipili gikan sa tanang mga banay sa Israel, ibutang nako ang akong ngalan hangtod sa kahangtoran.

2 Cronicas 36:14

Ang tanan nga nangulo nga mga pari ug ang katawhan hilabihan ka masupilon, nagsunod sa tanan nga mga dulumtanan sa mga nasod ug ilang gihugawan ang balay sa Ginoo nga iyang gibalaan didto sa Jerusalem.

Esdras 10:18

Sa mga anak nga lalaki sa mga pari may nakit-an nga nakapangasawa ug mga langyaw nga mga babaye: si Maasias, si Elieser, si Jarib ug si Gedalias sa mga kaliwat ni Jesua nga anak ni Josadak, ug ang iyang mga kaigsoonan.

Jeremias 11:15

Unsay katungod sa akong hinigugma diha sa akong balay, nga siya nagbuhat man ug daotang mga buhat? Makasanta ba sa imong kaalaotan ang mga panumpa ug mga halad nga unod? Makahimo ba ikaw sa paglipay?

Jeremias 23:15

Busa mao kini ang giingon sa Ginoo sa mga panon mahitungod sa mga propeta: “Tan-awa, pakan-on nako sila ug panyawan ug hatagan nako sila ug tubig nga may hilo aron imnon; kay gikan sa mga propeta sa Jerusalem ang pagkadili diosnon miabot sa tibuok nga yuta.”

Jeremias 32:34

Gipahimutang nila ang ilang mga dulumtanan diha sa balay nga gitawag sa akong ngalan aron sa paghugawhugaw niini.

Jeremias 5:31

ang mga propeta nagpropesiya ug bakak, ug ang mga pari nagmando diha sa ilang kaugalingong kagahom; ang akong katawhan nahigugma nga maingon niana, apan unsay inyong buhaton kon ang kataposan moabot?

Jeremias 50:6

“Ang akong katawhan mga karnero nga nangawala; ang ilang mga tigbantay maoy nagpasaag kanila, nag-abog kanila ngadto sa kabukiran; gikan sa bukid ngadto sa bungtod sila nangadto, sila nalimot sa ilang pahulayanan.

Jeremias 6:13

“Kay gikan sa labing gamay ngadto sa labing dako kanila, ang matag usa hakog sa dili matarong nga ganansiya; ug gikan sa propeta ngadto sa pari, ang matag usa nanglimbong.

Jeremias 7:30

“Kay ang mga anak sa Juda nagbuhat ug daotan sa akong panan-aw, nag-ingon ang Ginoo; sila nagpahimutang sa ilang mga dulumtanan sa balay nga gitawag sa akong ngalan, aron sa paghugaw niini.

Jeremias 8:10

Busa akong ihatag ang ilang mga asawa ngadto sa lain ug ang ilang mga uma ngadto sa mobuntog kanila, tungod kay gikan sa labing gamay ngadto sa labing dagko ang matag usa hakog sa dili matarong nga ganansiya; gikan sa propeta ngadto sa pari ang matag usa naglimbong.

Mga Pagbangotan 2:20

Tan-awa, O Ginoo, ug sud-onga! Kinsay imong gibuhatan sa ingon? Kan-on ba sa mga babaye ang ilang anak, ang mga bata nga ilang giatiman pag-ayo? Patyon ba ang pari ug ang propeta diha sa balaang puluy-anan sa Ginoo?

Ezequiel 23:39

Kay sa pagpamatay nila sa ilang mga anak ingon nga halad sa ilang mga diosdios, sa mao gihapong adlaw misulod sila sa akong balaan nga dapit aron sa pagpasipala niini. Tan-awa, mao kini ang ilang gibuhat diha sa akong balay.

Ezequiel 44:10

Apan ang mga Levihanon nga nagpalayo kanako, nahisalaag gikan kanako aron sa pagsunod sa ilang mga diosdios sa diha nga ang Israel nahisalaag, sila magpas-an sa ilang silot.

Ezequiel 7:20

Ang matahom nga mga dayandayan nila ilang gipahimutang sa kawang nga himaya ug sila nagbuhat sa ilang mga dulumtanan nga larawan ug sa ilang mga talamayon nga mga butang, busa himoon nako kini nga hugaw alang kanila.

Ezequiel 8:11

Ug sa atubangan niini nagtindog ang 70 ka tawo sa mga kadagkoan sa balay sa Israel, ug sa taliwala nila nagtindog si Jaasanias nga anak ni Safan. Ang matag tawo may sudlanan sa insenso diha sa iyang kamot ug ang humot nga panganod sa insenso miutbo.

Ezequiel 8:16

Ug gidala niya ako ngadto sa sulod nga hawanan sa balay sa Ginoo, didto sa pultahan sa templo sa Ginoo, sa tungatunga sa agianan ug sa halaran, may mga 25 ka tawo, nga ang ilang likod nag-atubang sa templo sa Ginoo, ug ang ilang mga nawong gipaatubang sa silangan ug sila nagyukbo ngadto sa adlaw, nag-atubang sila sa silangan.

Sofonias 3:3

Ang iyang mga tinugyanan sa taliwala niya mga liyon nga nagngulob; ang iyang mga maghuhukom mao ang mga lobo sa kagabhion nga dili magsalin hangtod sa pagkabuntag.

Sofonias 3:4

Ang iyang mga propeta mapatuyangon ug dili kasaligan nga mga tawo; ang iyang mga pari nagpasipala sa unsay balaan, gisupak nila ang Balaod.