Jeremias 23:1

Ang Biblia 2011

“Alaot ang mga tigbantay sa karnero nga naglaglag ug nagpatibulaag sa mga karnero sa akong sibsibanan!” nag-ingon ang Ginoo.

Cross References

Jeremias 10:21

Kay ang mga tigbantay sa karnero mga hungog, ug wala magpakisayod sa Ginoo; busa sila wala mouswag, ug ang tanan nilang mga panon nagkatibulaag.

Jeremias 12:10

Daghan ang mga tigbantay sa karnero nga naglaglag sa akong kaparasan, ilang gitumban ang akong bahin, ang akong matahom nga bahin gihimo nila nga usa ka kamingawan.

Jeremias 13:17

Apan kon kamo dili mamati, ang akong kalag mohilak sa tago tungod sa inyong garbo; ug ang akong mga mata mohilak pag-ayo ug magpaagas sa mga luha, kay ang panon sa Ginoo nabihag.

Jeremias 2:26

“Ingon nga ang kawatan maulawan sa dihang madakpan, mao usab ang balay sa Israel maulawan: sila, ang ilang mga hari, ang ilang mga pangulo, ang ilang mga pari ug ang ilang mga propeta,

Jeremias 2:8

Ang mga pari wala mag-ingon, ‘Hain man ang Ginoo?’ Kadtong nagkupot sa Balaod wala makaila kanako; ang mga pangulo usab nagmasinupakon batok kanako; ang mga propeta nagpropesiya pinaagi kang Baal, ug nag-apas sa mga butang nga walay kapuslanan.

Jeremias 22:22

Ang hangin mag-abog sa tanan nimong mga tigbantay sa karnero, ug ang imong mga hinigugma bihagon; busa maulawan ikaw ug malibog tungod sa tanan nimong pagkadaotan.

Jeremias 23:2

Busa mao kini ang giingon sa Ginoo, ang Dios sa Israel, mahitungod sa mga tigbantay nga nag-atiman sa akong katawhan: “Inyong gipatibulaag ang akong panon ug giabog sila, ug wala kamo magtagad kanila. Busa, ako magtagad kaninyo tungod sa daotan ninyong mga buhat, nag-ingon ang Ginoo.

Jeremias 50:6

“Ang akong katawhan mga karnero nga nangawala; ang ilang mga tigbantay maoy nagpasaag kanila, nag-abog kanila ngadto sa kabukiran; gikan sa bukid ngadto sa bungtod sila nangadto, sila nalimot sa ilang pahulayanan.

Ezequiel 13:3

Mao kini ang giingon sa Ginoong Dios: Alaot ang mga buangbuang nga propeta nga nagsunod sa ilang kaugalingon nga espiritu ug walay nakita!

Ezequiel 34:1

Ug ang pulong sa Ginoo midangat kanako,

Ezequiel 34:21

Tungod kay gidasmagan ninyo sa kilid ug sa abaga ug gisungay ang tanang mga masakiton pinaagi sa inyong mga sungay hangtod nga sila napatibulaag ninyo,

Ezequiel 34:31

Ug kamo akong mga karnero, ang mga karnero sa akong sibsibanan, kamo katawhan, ug ako mao ang inyong Dios, nag-ingon ang Ginoong Dios.”

Ezequiel 36:38

Sama sa panon alang sa halad, sama sa panon didto sa Jerusalem sa iyang gitakda nga mga kasaulogan, ang mga awaaw usab nga mga siyudad mapuno sa mga panon sa mga tawo. Unya sila makaila nga ako mao ang Ginoo.”

Zacarias 10:3

“Ang akong kasuko misilaob batok sa mga tigbantay, ug akong silotan ang mga pangulo; kay ang Ginoo sa mga panon nag-atiman sa iyang panon sa karnero, ang balay sa Juda, ug himoon nako sila nga sama sa iyang maayo nga mga kabayo sa gubat.

Mateo 15:14

Pasagdi ninyo sila! Mga giya sila nga buta ug kon ang buta mogiya ug buta, silang duha mangahulog sa gahong.”

Mateo 9:36

Sa nakita niya ang panon sa katawhan, naluoy siya kanila kay sila nangalibog ug makaluluoy sama sa mga karnero nga walay tigbantay.

Juan 10:10

Ang kawatan moanhi aron lamang sa pagpangawat ug sa pagpatay ug sa paglaglag. Ako mianhi aron sila makabaton ug kinabuhi ug magbaton niini sa madagayaon gayod.

Juan 10:12

Ang sinuholan lamang ug dili magbalantay ug dili tag-iya sa mga karnero, inigkakita niya sa lobo nga magsingabot, mobiya sa mga karnero ug molayas ug ang mga karnero tukbon sa lobo ug patibulaagon.

Juan 10:8

Ang tanan nga mianhi una kanako, mga kawatan ug mga tulisan apan ang mga karnero wala mamati kanila.