Jeremias 22:26

Ang Biblia 2011

Ilabog ko ikaw ug ang imong inahan nga nanganak kanimo ngadto sa laing yuta, diin kamo wala mangatawo didto, ug adto kamo mangamatay.

Cross References

2 Mga Hari 24:15

Unya gidala ngadto sa Babilonia si Jehoiakin ug ang inahan sa hari, ang mga asawa sa hari, ang iyang mga tinugyanan, ug ang mga kadagkoan sa nasod iyang gidala ingon nga binihag gikan sa Jerusalem ngadto sa Babilonia.

2 Mga Hari 24:8

Si Jehoiakin napulo ug walo ka tuig ang panuigon sa pagsugod niya sa paghari, ug siya naghari sulod sa tulo ka bulan didto sa Jerusalem. Ang ngalan sa iyang inahan mao si Nehosta nga anak ni Elnatan sa Jerusalem.

2 Mga Hari 25:27

Sa ika-37 nga tuig sa pagkabihag ni Jehoiakin nga hari sa Juda, sa ikanapulo ug duha nga bulan, sa ikakawhaan ug pito nga adlaw sa bulan, si Ebil-merodac nga hari sa Babilonia, sa tuig nga siya nagsugod sa paghari, mibuhi kang Jehoiakin nga hari sa Juda gikan sa bilanggoan.

2 Mga Hari 25:29

Busa giilisan ni Jehoiakin ang iyang mga bisti sa bilanggoan. Ug matag adlaw sa iyang kinabuhi nagkan-anan siya diha sa lamisa sa hari;

2 Mga Hari 25:30

ug alang sa iyang galastohon, kanunay siyang hatagan sa hari, matag adlaw usa ka bahin, sa tanang mga adlaw sa iyang kinabuhi.

Isaias 22:17

Tan-awa, ang Ginoo, magsalibay kanimo sa kusog gayod, O ikaw nga tawong kusgan. Hugton gayod ikaw niya pagkupot,

Jeremias 10:18

Kay mao kini ang giingon sa Ginoo, “Tan-awa, saplongon nako ang mga nagpuyo sa yuta niining taknaa, ug padad-an nako sila ug kagul-anan, aron sila mobati niini.”

Jeremias 13:18

Sultihi ang hari ug ang rayna nga inahan, “Lingkod sa ubos nga lingkoranan, kay ang inyong mga matahom nga korona nahulog gikan sa inyong ulo.”

Jeremias 16:13

busa hinginlan ko kamo gikan niining yutaa ngadto sa yuta nga wala mahibaloi ninyo ug sa inyong mga katigulangan, ug didto mag-alagad kamo sa laing mga dios adlaw ug gabii kay ako dili magpakita kaninyo ug kaluoy.’

Jeremias 22:27

Apan ngadto sa yuta nga ilang gipangandoy nga ilang paulian, dili sila makapauli didto.”

Jeremias 28:4

Dad-on usab nako pagbalik nganhi niining dapita si Jeconias nga anak ni Jehoiakim, ang hari sa Juda, ug ang tanang mga binihag sa Juda nga miadto sa Babilonia, nag-ingon ang Ginoo, kay akong balion ang yugo sa hari sa Babilonia.”

Jeremias 29:2

Kini nahitabo human mibiya sa Jerusalem si Hari Jeconias ug ang rayna nga inahan, ang mga yunoko, ang mga pangulo sa Juda ug sa Jerusalem, ang mga batid sa pagpamuhat ug ang mga tigsalsal.

Jeremias 44:14

aron walay usa sa nahibilin sa Juda nga miadto sa Ehipto aron sa pagpuyo didto nga makaikyas o makalingkawas o makapauli ngadto sa yuta sa Juda diin sila nagtinguha sa pagbalik aron sa pagpuyo didto. Kay dili gayod sila makabalik gawas sa pipila gawas nga magtago-tago.”