Jeremias 22:22

Ang Biblia 2011

Ang hangin mag-abog sa tanan nimong mga tigbantay sa karnero, ug ang imong mga hinigugma bihagon; busa maulawan ikaw ug malibog tungod sa tanan nimong pagkadaotan.

Cross References

Isaias 64:6

Kaming tanan nangahimo nga sama sa usa nga hugaw, ug ang tanan namong matarong nga binuhatan sama sa usa ka bisti nga nahugawan. Kaming tanan nangalaya sama sa usa ka dahon, ug ang among mga kasal-anan, sama sa hangin, nagpalid kanamo.

Isaias 65:13

Busa mao kini ang giingon sa Ginoong Dios: “Tan-awa, ang akong mga sulugoon mangaon apan kamo gutomon; ang akong mga sulugoon manginom apan kamo uhawon; ang akong mga sulugoon maglipay, apan kamo pakaulawan;

Jeremias 10:21

Kay ang mga tigbantay sa karnero mga hungog, ug wala magpakisayod sa Ginoo; busa sila wala mouswag, ug ang tanan nilang mga panon nagkatibulaag.

Jeremias 12:10

Daghan ang mga tigbantay sa karnero nga naglaglag sa akong kaparasan, ilang gitumban ang akong bahin, ang akong matahom nga bahin gihimo nila nga usa ka kamingawan.

Jeremias 2:36

Gipakasayon lang nimo ang paglaaglaag, nagbalhinbalhin sa imong dalan! Ikaw pakaulawan sa Ehipto ingon nga gipakaulawan ikaw sa Asiria.

Jeremias 2:37

Gikan usab didto ikaw mobiya nga ang imong mga kamot ibabaw sa imong ulo, kay ang Ginoo nagsalikway niadtong imong gisaligan ug dili ikaw mouswag pinaagi kanila.

Jeremias 2:8

Ang mga pari wala mag-ingon, ‘Hain man ang Ginoo?’ Kadtong nagkupot sa Balaod wala makaila kanako; ang mga pangulo usab nagmasinupakon batok kanako; ang mga propeta nagpropesiya pinaagi kang Baal, ug nag-apas sa mga butang nga walay kapuslanan.

Jeremias 20:11

Apan ang Ginoo nag-uban kanako sama sa usa ka kahadlokan nga manggugubat; busa ang mga naglutos kanako mapandol, dili sila makabuntog kanako. Sila maulawan pag-ayo, kay sila dili molampos. Ang ilang dayon nga kaulawan dili gayod makalimtan.

Jeremias 30:14

Ang tanan nimong mga hinigugma nalimot kanimo; wala sila mabalaka kanimo; kay gibuhatan ko ikaw sa hampak sa usa ka kaaway, ang silot sa walay kaluoy nga kaaway, tungod kay dako ang imong kasal-anan, kay ang imong mga sala hilabihan ka daghan.

Jeremias 4:30

Ug ikaw nga biniyaan, unsa bay imong ipasabot nga ikaw nagbisti ug pula, nga ikaw nagdayandayan sa imong kaugalingon ug mga dayandayan nga bulawan, nga gipadako nimo ang imong mga mata sa pintal? Sa walay pulos nagpaanyag ikaw sa imong kaugalingon. Ang imong mga hinigugma nagtamay kanimo; sila nagtinguha sa imong kinabuhi.

Jeremias 5:13

Ang mga propeta mangahimong hangin; ang pulong wala diha kanila. Ang ingon niini buhaton unta kanila!’ ”

Jeremias 7:19

Ako ba ang ilang gihagit sa pagkasuko? nag-ingon ang Ginoo. Dili ba ang ilang kaugalingon, ngadto sa ilang kaugalingong kalibog?

Oseas 12:1

Ang Efraim nagdakop sa hangin ug naggukod sa hangin sa silangan sa tibuok adlaw; sila nagpadaghan sa kabakakan ug sa kabangis; sila nakigsabot sa Asiria, ug ang lana gidala ngadto sa Ehipto.

Oseas 13:15

Bisan ug siya mouswag sama sa tanom nga bugang, ang hangin sa silangan, ang hangin sa Ginoo moabot, motungha gikan sa kamingawan; ug ang iyang tubod maughan, ang iyang tuboran magmala; kini magkuha sa bililhong butang gikan sa iyang mga bahandi.

Oseas 4:19

Giputos sila sa hangin diha sa iyang mga pako ug sila maulawan tungod sa ilang mga halad.

Zacarias 11:17

Alaot ang walay pulos nako nga tigbantay sa karnero, nga mibiya sa iyang panon! Masamaran unta sa espada ang iyang bukton ug ang iyang tuo nga mata! Ang iyang bukton mokuyos unta sa hingpit, ug ang iyang tuo nga mata mabuta sa hingpit!”

Zacarias 11:8

Sulod sa usa ka bulan, gilaglag nako ang tulo ka tigbantay, kay gikapoyan na ako kanila, ug ako giayran usab nila.