Jeremias 22:19

Ang Biblia 2011

Uban sa paglubong sa usa ka asno, ilubong siya, guyoron ug isalibay hangtod sa unahan sa ganghaan sa Jerusalem.”

Cross References

1 Mga Hari 14:10

Busa ipahamtang nako ang daotan ibabaw sa panimalay ni Jeroboam ug kuhaon gikan kang Jeroboam ang tanang lalaki, ulipon ug gawasnon diha sa Israel, ug puohon gayod nako ang panimalay ni Jeroboam, ingon sa usa ka tawo nga nagsunog sa kinalibang, hangtod nga kining tanan mangawala.

2 Mga Hari 23:36

Sa Jehoiakim 25 ka tuig ang panuigon sa pagsugod niya sa paghari ug siya naghari sulod sa napulo ug usa ka tuig didto sa Jerusalem. Ang ngalan sa iyang inahan mao si Zebida nga anak ni Pedaias sa Ruma.

2 Mga Hari 24:6

Busa si Jehoiakim mipahulay uban sa iyang katigulangan ug si Jehoiakin nga iyang anak naghari puli kaniya.

2 Mga Hari 9:35

Apan sa pag-adto nila aron sa paglubong kaniya, wala na silay nakaplagan kaniya gawas sa bagolbagol ug mga tiil ug mga palad sa iyang mga kamot.

2 Cronicas 36:6

Batok kaniya miabot si Nabucodonosor nga hari sa Babilonia ug gigapos siya ug mga kadena aron dad-on siya ngadto sa Babilonia.

Ecclesiastes 6:3

Kon ang tawo manganak ug usa ka gatos ka bata, ug mabuhi sa daghang mga tuig, nga tungod niana ang mga adlaw sa iyang mga tuig modaghan, apan wala makapahimulos sa mga maayong butang sa kinabuhi ug usab walay lubnganan, ako moingon nga ang pagkatawo sa dili pa panahon maayo pa kay kaniya.

Jeremias 15:3

“Ako magtudlo alang kanila ug upat ka matang sa tiglaglag, nag-ingon ang Ginoo: ang espada nga igpapatay, ang iro nga mokuniskunis, ug ang mga langgam sa kalangitan ug ang mga mananap sa yuta nga molamoy ug molaglag.

Jeremias 36:30

Busa mao kini ang giingon sa Ginoo mahitungod kang Jehoiakim nga hari sa Juda: Wala siyay usa nga molingkod sa trono ni David, ug ang iyang lawas isalibay ngadto sa kainit panahon sa adlaw ug sa katugnaw panahon sa kagabhion.

Jeremias 36:6

busa kinahanglan nga moadto ikaw, ug sa adlaw sa pagpuasa diha sa pangdungog sa tanang katawhan diha sa balay sa Ginoo imong basahon ang mga pulong sa Ginoo gikan sa basahon nga imong gisulat ubos sa akong pagmando. Basahon usab nimo kini diha sa pangdungog sa tanang mga tawo sa Juda nga migula gikan sa ilang mga siyudad.

Jeremias 8:2

Unya katagon kini ilalom sa adlaw ug sa bulan ug sa tanang panon sa langit nga ilang gihigugma ug gialagaran, nga ilang gisunod ug ilang gipangita ug gisimba. Ug dili kini tigumon o ilubong; mahimo kining sama sa kinalibang diha sa yuta.

Ezequiel 19:8

Unya ang mga nasod nakigbatok kaniya gikan sa mga lalawigan diha sa tanang dapit; gibuklad nila ang ilang pukot ibabaw kaniya; siya nadakpan sulod sa ilang gahong.

Ezequiel 39:5

Ikaw mapukan diha sa hawan nga patag; kay ako nagsulti niini, nag-ingon ang Ginoong Dios.