Jeremias 22:18

Ang Biblia 2011

Busa mao kini ang giingon sa Ginoo mahitungod kang Jehoiakim nga anak ni Josias, hari sa Juda: “Sila dili magbangutan tungod kaniya nga mag-ingon, ‘Ah, akong igsoon nga lalaki!’ o ‘Ah, igsoon nga babaye!’ Sila dili magbangutan tungod kaniya nga mag-ingon, ‘Ah, agalon!’ o ‘Ah, ang iyang kahalangdon!’

Cross References

2 Samuel 1:26

Ako nasubo alang kanimo, igsoon ko nga Jonatan; maayo gayod ikaw kanako; ang imong gugma kanako talagsaon, labaw pa sa gugma sa mga babaye,

1 Mga Hari 13:30

Ug iyang gibutang ang iyang lawas sa iyang kaugalingong lubnganan, ug sila nagbangotan alang kaniya, nga nag-ingon “Intawon, ang akong igsoon!”

2 Mga Hari 23:36

Sa Jehoiakim 25 ka tuig ang panuigon sa pagsugod niya sa paghari ug siya naghari sulod sa napulo ug usa ka tuig didto sa Jerusalem. Ang ngalan sa iyang inahan mao si Zebida nga anak ni Pedaias sa Ruma.

2 Mga Hari 23:6

Iyang gipagawas ang Asera gikan sa balay sa Ginoo ngadto sa gawas sa Jerusalem, ngadto sa sapa sa Kidron ug gisunog kini didto sa sapa sa Kidron ug gidugmok hangtod nga naabog ug gisaliyab ang abog niini sa ibabaw sa mga lubnganan sa mga anak sa mga tawo nga yano.

2 Mga Hari 24:6

Busa si Jehoiakim mipahulay uban sa iyang katigulangan ug si Jehoiakin nga iyang anak naghari puli kaniya.

1 Cronicas 3:15

Ang mga anak ni Josias: ang kamagulangan si Johanan, ang ikaduha si Jehoiakim, ang ikatulo si Zedekias, ang ikaupat si Sallum.

2 Cronicas 35:25

Si Jeremias naglitok ug pagbangotan alang kang Josias ug ang tanang mga lalaki ug babaye nga mag-aawit naghisgot mahitungod kang Josias sa ilang mga pagbangotan hangtod niining adlawa. Gihimo nila kini nga usa ka tulumanon sa Israel, ug tan-awa, nasulat kini diha sa Mga Pagbangotan.

2 Cronicas 36:5

Si Jehoiakim 25 ang panuigon sa iyang pagsugod sa paghari ug siya naghari sulod sa napulo ug usa ka tuig didto sa Jerusalem. Siya nagbuhat ug daotan diha sa panan-aw sa Ginoo nga iyang Dios.

Jeremias 16:4

Sila mangamatay sa mga sakit nga makamatay. Dili sila hilakan o ilubong, sila mahimong sama sa kinalibang sa ibabaw sa yuta. Sila mangamatay pinaagi sa espada ug sa gutom ug ang ilang mga patayng lawas mahimong pagkaon alang sa mga langgam sa kalangitan, ug alang sa mga mananap sa yuta.

Jeremias 16:6

Ang mga dagko ug mga gagmay mangamatay dinhi niining yutaa. Dili sila ilubong, ug walay magbangutan alang kanila, o magsamad sa iyang kaugalingon o magpaupaw sa iyang kaugalingon tungod kanila.

Jeremias 21:11

“Ngadto sa balay sa hari sa Juda, ingna, ‘Pamatia ang pulong sa Ginoo,

Jeremias 22:10

Ayaw kamo paghilak tungod sa namatay, o magbakho tungod kaniya; kondili panghilak kamo sa hilabihan tungod kaniya nga mibiya, kay siya dili na mobalik aron sa pagtan-aw sa iyang yutang natawhan.

Jeremias 22:12

apan sa dapit diin siya gidala nga binihag, adto siya mamatay ug dili na siya makakita pag-usab niining yutaa.”

Jeremias 34:5

Mamatay ikaw diha sa kalinaw; ug ingon nga ang pahumot gisunog alang sa imong mga katigulangan, ang karaang mga hari nga nag-una kanimo, ang katawhan usab magsunog ug mga pahumot alang kanimo ug magbangutan alang kanimo, nga mag-ingon, “Ah, ginoo!” ’ Kay ako nagsulti sa pulong, nag-ingon ang Ginoo.”

Jeremias 36:30

Busa mao kini ang giingon sa Ginoo mahitungod kang Jehoiakim nga hari sa Juda: Wala siyay usa nga molingkod sa trono ni David, ug ang iyang lawas isalibay ngadto sa kainit panahon sa adlaw ug sa katugnaw panahon sa kagabhion.