Jeremias 22:13

Ang Biblia 2011

“Alaot kadtong nagtukod sa iyang balay sa paagi nga dili matarong, ug sa iyang mga lawak sa itaas sa paagi nga dili makataronganon; nga naghimo sa iyang isigkatawo nga mag-alagad nga walay bayad ug dili mohatag kaniya sa iyang suhol;

Cross References

2 Cronicas 36:4

Ug ang hari sa Ehipto naghimo kang Eliakim nga iyang igsoon ingon nga hari sa Juda ug sa Jerusalem, ug giilisan ang iyang ngalan ug Jehoiakim. Apan si Neco mikuha kang Jehoahas nga iyang igsoon ug midala kaniya ngadto sa Ehipto.

2 Cronicas 36:5

Si Jehoiakim 25 ang panuigon sa iyang pagsugod sa paghari ug siya naghari sulod sa napulo ug usa ka tuig didto sa Jerusalem. Siya nagbuhat ug daotan diha sa panan-aw sa Ginoo nga iyang Dios.

Job 31:39

kon ako nagkaon sa mga bunga niini nga walay bayad, ug nakaingon sa kamatayon sa mga tag-iya niini,

Isaias 5:8

Alaot kamong nagtigom ug mga balay, ug nagdugang ug mga uma, hangtod nga wala nay dapit, ug kamo gihimo nga magpuyo nga mag-inusara taliwala sa yuta!

Jeremias 17:11

Sama sa buntog nga nagtapok sa mga piso nga wala niya lumlomi, mao usab siya nga nag-angkon ug mga bahandi apan dili pinaagi sa katarong; taliwala sa iyang mga adlaw, kini mobiya kaniya, ug sa iyang kataposan siya mahimong usa ka buangbuang.

Jeremias 22:18

Busa mao kini ang giingon sa Ginoo mahitungod kang Jehoiakim nga anak ni Josias, hari sa Juda: “Sila dili magbangutan tungod kaniya nga mag-ingon, ‘Ah, akong igsoon nga lalaki!’ o ‘Ah, igsoon nga babaye!’ Sila dili magbangutan tungod kaniya nga mag-ingon, ‘Ah, agalon!’ o ‘Ah, ang iyang kahalangdon!’

Levitico 19:13

“Ayaw daogdaoga ang imong isigkatawo, ayaw siya kawati. Ayaw hawiri ang suhol sa mamumuo sa tibuok nga gabii hangtod sa buntag.

Miqueas 3:10

nga nagtukod sa Zion uban sa dugo ug sa Jerusalem uban sa sayop.

Habacuc 2:12

“Alaot kadtong nagtukod ug usa ka lungsod pinaagi sa dugo ug nagtukod ug usa ka siyudad pinaagi sa kasal-anan!”

Malaquias 3:5

“Unya ako moanha kaninyo aron sa paghukom ug ako mahimong tulin nga saksi batok sa mga tigsalamangka, batok sa mananapaw, batok sa mga nanumpa sa bakak, batok kanila nga nagdaogdaog sa sinuholan pinaagi sa iyang suhol, sa biyuda ug sa ilo, batok sa nagsalikway sa dumuduong, ug wala mahadlok kanako, nag-ingon ang Ginoo sa mga panon.

Deuteronomio 15:13

Ug sa diha nga imo na siyang pagawason, ayaw siya palakta nga walay dala.

Santiago 5:4

Tan-awa, ang mga suhol nga inyong gitikas gikan sa mga mamumuo nga nag-ugmad sa inyong kaumahan nagsinggit, ug ang mga singgit sa mga nag-ani midangat sa mga dalunggan sa Ginoo sa mga panon.