Jeremias 21:10

Ang Biblia 2011

Kay nakahukom ako batok niining siyudad alang sa kadaotan ug dili alang sa kaayohan, nag-ingon ang Ginoo: ihatag kini ngadto sa kamot sa hari sa Babilonia ug iya kining sunogon sa kalayo.’

Cross References

2 Cronicas 36:19

Ilang gisunog ang balay sa Dios ug gigun-ob ang kuta sa Jerusalem ug gisunog sa kalayo ang tanang harianong balay niini ug giguba ang tanang mga bililhon nga galamiton niini.

Salmo 34:16

Ang nawong sa Ginoo batok sa mga tigbuhat ug daotan, aron sa pagputol sa handomanan nila gikan sa yuta.

Jeremias 17:27

Apan kon kamo dili mamati kanako sa pagbalaan sa adlaw nga igpapahulay, ug magdala sa bisan unsang palas-anon ug mosulod sa mga ganghaan sa Jerusalem panahon sa adlaw nga igpapahulay, magpadilaab ako ug kalayo sa mga ganghaan niini ug kini maglamoy sa mga palasyo sa Jerusalem ug dili kini mapalong.’ ”

Jeremias 26:6

himoon nako kining balaya nga sama sa Silo, ug himoon nako kining siyudara nga tinunglo sa tanang mga nasod sa yuta.’ ”

Jeremias 33:5

Ang mga Caldeanhon ania misulod aron sa pagpakig-away ug sa pagpuno kanila sa mga patayng lawas sa katawhan, nga akong pamatyon tungod sa akong kasuko ug sa akong kapungot, kay gitagoan nako ang akong nawong gikan niining siyudad tungod sa ilang pagkadaotan.

Jeremias 34:2

“Mao kini ang giingon sa Ginoo, ang Dios sa Israel: Lakaw ug sultihi si Zedekias nga hari sa Juda, ug ingna siya, ‘Mao kini ang giingon sa Ginoo: Ihatag nako kining siyudad ngadto sa kamot sa hari sa Babilonia ug iya kining sunogon sa kalayo.

Jeremias 34:22

Ako magsugo, nag-ingon ang Ginoo, ug dad-on nako sila pagbalik niining siyudara, ug sila makig-away batok niini ug magkuha niini ug magsunog niini sa kalayo. Ang mga siyudad sa Juda himoon nako nga mingaw, walay magpuyo.”

Jeremias 38:17

Unya si Jeremias miingon kang Zedekias, “Mao kini ang giingon sa Ginoo, ang Dios sa mga panon, ang Dios sa Israel: Kon moampo ikaw ngadto sa mga pangulo sa hari sa Babilonia, ang imong kinabuhi maluwas ug kining siyudad dili sunogon pinaagi sa kalayo ug ikaw ug ang imong panimalay mabuhi.

Jeremias 38:18

Apan kon dili ikaw moampo ngadto sa mga pangulo sa hari sa Babilonia, kining siyudad ihatag ngadto sa kamot sa mga Caldeanhon ug ila kining sunogon sa kalayo ug dili ikaw makaikyas gikan sa ilang kamot.”

Jeremias 38:23

Ang tanan ninyong mga asawa ug ang inyong mga anak dad-on ngadto sa mga Caldeanhon, ug ikaw dili makaikyas gikan sa ilang kamot, kondili dakpon sa hari sa Babilonia ug kining siyudara sunogon pinaagi sa kalayo.”

Jeremias 38:3

Mao kini ang giingon sa Ginoo: Kining siyudad ihatag gayod ngadto sa kamot sa kasundalohan sa hari sa Babilonia ug makuha kini.”

Jeremias 39:16

“Lakaw ug sultihi si Ebedmelek nga Etiopianhon, ‘Mao kini ang giingon sa Ginoo sa mga panon, ang Dios sa Israel: Tumanon nako ang akong mga pulong batok niining siyudara alang sa kadaotan ug dili sa kaayohan; ug kini matuman nianang adlawa sa imong atubangan.

Jeremias 39:8

Gisunog sa mga Caldeahanon ang balay sa hari, ug ang mga balay sa katawhan ug gitumpag ang mga paril sa Jerusalem.

Jeremias 44:11

“Busa mao kini ang giingon sa Ginoo sa mga panon, ang Dios sa Israel: Tan-awa, ipaatubang nako ang akong nawong batok kaninyo alang sa kadaotan, aron sa paglaglag sa tibuok nga Juda.

Jeremias 44:27

Tan-awa, ako magbantay kanila alang sa kadaotan ug dili alang sa kaayohan. Ang tanang mga tawo sa Juda nga ania sa yuta sa Ehipto mangahurot pinaagi sa espada ug sa gutom, hangtod nga adunay kataposan kanila.

Jeremias 52:13

Ug gisunog niya ang balay sa Ginoo ug ang balay sa hari ug ang tanang mga balay sa Jerusalem, ang tanang dagkong balay iyang gisunog.

Ezequiel 15:7

Ug akong ipaatubang ang akong nawong batok kanila. Bisan ug makalingkawas sila gikan sa kalayo, ang kalayo maghurot gihapon kanila, ug kamo makaila nga ako mao ang Ginoo, sa diha nga ipaatubang nako ang akong nawong batok kanila.

Ezequiel 24:11

Unya itungtong kini nga walay sulod ibabaw sa mga baga aron kini mainit ug ang bronsi niini masunog aron nga ang kahugaw niini matunaw, ang taya niini mahurot.

Levitico 17:10

“Si bisan kinsang tawhana sa banay sa Israel o sa mga dumuduong nga nagpuyo sa taliwala nila nga magkaon sa bisan unsa nga dugo, akong ipaatubang ang akong nawong batok nianang tawhana nga magkaon ug dugo ug ipahimulag nako siya gikan sa iyang katawhan.

Levitico 26:17

Ipaatubang nako ang akong nawong batok kaninyo ug pukanon kamo sa inyong mga kaaway ug ang mga nagdumot kaninyo magmando ibabaw kaninyo ug mangagiw kamo bisan walay maggukod kaninyo.

Amos 2:5

Busa magpadala ako ug kalayo ngadto sa Juda ug kini maglamoy sa mga salipdanan sa Jerusalem.”

Amos 9:4

Ug bisan pa ug moadto sila sa pagkabihag sa atubangan sa ilang mga kaaway, didto sugoon nako ang espada ug kini mopatay kanila; ug itutok nako kanila ang akong mga mata alang sa kadaotan ug dili alang sa kaayohan.”

Zacarias 1:6

Apan ang akong mga pulong ug ang akong mga lagda nga akong gisugo sa akong mga alagad nga mga propeta, wala ba kini makaabot sa inyong katigulangan? Busa sila naghinulsol ug miingon, ‘Ingon nga ang Ginoo sa mga panon naghunahuna sa pagbuhat nganhi kanato sumala sa atong mga batasan ug sumala sa atong mga binuhatan, mao kini ang gibuhat niya kanato.’ ”